Мицкоски: Фактурата за 60 авионски билети за посетата на Унгарија е 2,6 а не 12 милиони денари - Канал 5

Македонија

Мицкоски: Фактурата за 60 авионски билети за посетата на Унгарија е 2,6 а не 12 милиони денари

 „Кога сакате ќе биде изложена на јавноста“.

Мицкоски: Фактурата за 60 авионски билети за посетата на Унгарија е 2,6 а не 12 милиони денари

Фактурата за авионскиот превоз за делегацијата која беше во посета на Унгарија изнесува 2.600.000 денари, а не 12 милиони денари, потенцираше денеска премиерот Христијан Мицкоски кој одговараше на прашање за јавните набавки на Владата и дали многу се троши од парите на граѓаните. Премиерот Мицкоски истакна дека фактурата е 60 авионски билети и как ошто рече „кога сакате ќе биде изложена на јавноста“.

-Околу 700 евра по билет со сите вклуечни такси на сите луѓе коишто беа дел од делегацијата, која што броеше 60 луѓе, и која што е за 30 проценти помалку, отколку кога би иделе со комерцијална линија Скопје-Виена-Будимпешта, Будимпешта-Виена-Скопје или Скопје-Истанбул-Будимпешта, Будимпшета-Истанбул-Скопје. Тоа се линиите коишто беа во тој момент на располагње. Но, и од двете дестинации бевме одбиени за групна карта, којашто инаку во принцип беше за 30 проценти поскапа. Ова е виситната за да нема допонителни шпекулации, изјави Мицкоски.

Тој додаде дека посетата на Унгарија вреди, бидејќи веќе се пристигнати една милјарда евра од оваа држава за бизнисот и општините.

-Дали ќе стигнат уште многу стотици милиони евра? Да, наскоро и тоа ќе го објавиме. Целосна реконструкција на сите регионални магистрални и експреснни патишта, по поволни услови неколку стотици милиони евра. Дали вредело, мене ако ме прашате, да вредело. Дали е тоа добро за граѓаните? Тие ќе го кажат многу скоро за шест месеци од денеска на локалните избори, додаде Мицкоски.

Што се однесува за јавните набавки за храна за Владата, Мицкоски вели дека ќе провери дали многу се трошело од парите на граѓаните и ќе даде одговор.

-Но, прочитав и јас во некои медиуми дека се набавени 600 килограми банани. Јас банани не јадам конкретно. Но, ќе го проверам сето тоа дали е така. Но, ако е целта да најдеме нов начин, и нова формула во Владата, ако може на воздух да се живее, еве јас ќе ви кажам дека сега сме во месец на рамазански и велигденски пости, внимаваме каква храна конзумираме.Конкретно јас постам, знам дека голем дел од колегите и од христијанска православна вероисповест, и од исламска вероисповест, постат и ги почитуваат овие пости. Така што во периодот ќе внимаваме овие трошења да ги сведиме ако е можно на нула, изјави Мицкоски.

Регион

Инцидент меѓу демонстрантите и полицијата на влезот на судот во Нови Сад

Пред зградата на судот и обвинителството во Нови Сад утрово се собраа голем број граѓани и студенти, кои бараат ослободување на активистите на организацијата СТАВ и ПСГ, кои веќе два месеци се во притвор во затворот на Клиса.

Инцидент меѓу демонстрантите и полицијата на влезот на судот во Нови Сад

Пред зградата на судот и обвинителството во Нови Сад утрово се собраа голем број граѓани и студенти, кои бараат ослободување на активистите на организацијата СТАВ и ПСГ, кои веќе два месеци се во притвор во затворот на Клиса, а на кои во вторникот на 13 мај им беше продолжен притворот за уште 30 дена.

На задниот влез на зградата, 50-тина вработени се обиделе да влезат во зградата, и таму се собрала исто така група граѓани, јави Н1. Тука дошло до инцидент, односно туркање меѓу припадниците на интервентната единица на полицијата, која се обидела да им овозможи на вработените да влезат, и собраните граѓани. Кога интервентната единица не успеала да им овозможи на вработените во судот да влезат, на помош им пристигнал голем број припадници на жандармеријата.

На граѓаните кои биле во првите редови им бил фрлен солзавец или бибер спреј, изјави за Н1 една студентка.

Еден граѓанин преку мегафон ѝ викал на полицијата: „Немој на голорак народ, што правите, не на мирни граѓани“.

Граѓаните извикувале „Србија“ и „Пуштете ги сите“. Една студентка преку мегафон ги предупредила граѓаните дека пристигнува полициско засилување, кое ќе им пријде на граѓаните од грб, што предизвикало немир меѓу собраните.

Шестмина активисти и студенти на опозициското Движење на слободни граѓани (ПСГ) и организацијата Студенти против авторитарна власт (СТАВ) се во притвор веќе 60 дена откако се обвинети за обид за уривање на уставниот поредок, а судот во вторникот им го продолжи притворот за уште 30 дена.

Уште шестмина активисти на СТАВ се товарат за исто дело, а тие во моментот на апсењето се наоѓале во странство, каде што се и денес.

Сите се обвинети врз основа на аудио снимка од незаконски прислушуван разговор, кој беше емитуван на режимските телевизии на 14 март. Бранителите на обвинетите во повеќе наврати тврдеа дека Безбедносно-информативната агенција (БИА) разговорот го прислушувала незаконски и додадоа дека аудио снимката не може да биде правно валиден доказ во тој процес.

Тагови: Нови Сад

Свет

Видео: Најмалку 21 лице загина во сообраќајка во Мексико

 Најмалку 21 лице загина во сообраќајна несреќа на автопатот што ги поврзува мексиканските држави Оахака и Пуебла, соопшти висок мексикански државен службеник.

Видео: Најмалку 21 лице загина во сообраќајка во Мексико

Во објава на социјалните мрежи, министерот за внатрешни работи на Пуебла, Самуел Агилар, напиша дека во несреќата учествувале три возила и дека има многу повредени луѓе.

Мексиканскиот весник Ла Хорнада јави дека смртоносната несреќа се случила кога камион што превезувал цемент се обидел да претекне друго возило пред да премине во спротивната лента и да удри во автобус, а потоа челно се забил во комбе. Камионот мешалка по сударот паднал во бездна и се запалил.

Несреќата се случила на кривулести, стрмни патишта во оддалечените делови на Мексико, каде што сообраќајните несреќи се чести. Во март, најмалку 11 лица загинаа кога автобус се преврте во Оахака. Пред две години загинаа 29 лица откако автобус падна во бездна во јужните делови на Мексико.

Тагови: Мексико сообраќајка

Македонија

Без струја делови од Центар, Аеродром, Сарај и Бутел

Без струја денеска од 9 до 11 часот ќе бидат објектите во околината на Транспортниот центар, односно делови од улиците: „Мирче Ацев“ и „Никола Карев“, Општина Центар, а од 9 до 12 часот делови од ул. „Ѓорѓи Капчев“...

Без струја делови од Центар, Аеродром, Сарај и Бутел

Без струја денеска од 9 до 11 часот ќе бидат објектите во околината на Транспортниот центар, односно делови од улиците: „Мирче Ацев“ и „Никола Карев“, Општина Центар, а од 9 до 12 часот делови од ул. „Ѓорѓи Капчев“, Општина Аеродром, и од село Никиштани, Општина Сарај.

Најавен е прекин во снабдувањето со електрична енергија и на објектите во околината на БОРА ПЕТРОЛ во Индустриската зона - Качанички Пат, Визбегово, Општина Бутел, од 11 до 14 часот.

РЦУК Скопје соопшти дека прекинот е поради технички зафати во електродистрибутивната мрежа најавени од ЕВН Македонија.

Тагови: струја
притисни ентер