Македонија

Мицкоски е за 120 изборни едници, очекува отстапки од власта за законот за ЈО

Лидерот на опозициската ВМРО-ДПМНЕ Христијан Мицкоски, денеска изјави дека ако СДСМ сака да има компромис за законот за jавното обвинителство, тогаш припадниците на владејачката партија, како што рече, би требало да нaправат отстапки.

На новинарското прашање во однос на тоа, дали е можно законoт за ЈО воошто да не биде донесен, Мицкоски нагласи оти не верува дека од страна на СДСМ постои искрена желба да се постигне договор.

– Јас не верувам дека постои искрена желба да се постигне договор од страна на СДСМ, особено не сега, неколку месеци пред парламетрани избори, бидејќи тие на овој начин, пред нивните симаптизери,имаат една реторика. Велат, еве ги префрливме предметите од таму, ќе видат сега овие од ВМРО, наши се обвинителите, наши се судиите, ќе ги притиснеме и ќе ги однесеме таму каде што им е местото, истакна лидерот на ВМРО-ДПМНЕ.

Потенцираше дека СДСМ ги става партиските интереси над државните.

– До денеска македонската јавност не го виде писмото од Клатица Јанева. Кој било што се занимава со оваа тема, не го виде нотарот кој го потврди потписот на Јанева, не го виде судијата кој го одобри текстот на тоа писмо. Ние денеска имаме јавен обвинител кој издава согласности за застапување на предмети на лица кои немаат засновано работен однос во Обвинителството. Лица кои немаат засновано работен однос денеска прават класичен политички прогон врз политички неистомисленици. Тие лица ја ја држат во заложништво ВМРО-ДПМНЕ, го имаат замрзноато имотот на партијата, рече Мицкоски.

Запрашан дали ќе предложи измени во изборниот законик во врска со изборните единици, Мицкоски нагласи дека предлага 120 изборни единици, посочувајќи дека оној кој во првиот круг ќе освои најмногу гласови тој да биде претставник на граѓаните во рамите на Парламентот.

Во однос на тоа дали за него е прифатлив предлогот на премиерот Зоран Заев да има една изборна единица, Мицкоски рече дека за него е прифатливо секое решение што ќе го зголеми демократскиот капацитет.

– Прифатливо е секое решение кое ќе го зголеми демократскиот капацитет и квалитет, но и што ќе понуди гласот на граѓаните што ги бираат своите претставници да биде посилен и погласен и да биде тој глас што треба да ги застапува интересире на граѓаните кои што ги бираат тие претставници, рече Мицкоски.

Посочи дека за изборниот законик се уште не се одржани никакви состаноци на ниво на меѓупартиски комисии и повторно повика да се одржат предврмени парламентрани избори./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Презимето Модриќ повторно во Реал: Ема тргна по стапките на својот татко

Ќерката на најдобриот хрватски фудбалер Лука Модриќ, Ема ќе игра за Реал Мадрид.

Презимето Модриќ повторно ќе биде присутно во Реал Мадрид. Овој пат не преку Лука, туку преку неговата 13-годишна ќерка Ема, која ќе го продолжи својот фудбалски развој во женската академија на мадридскиот гигант.

Ема пристигнува во Мадрид од Милано, каде што претходно постигна забележителен успех. Со својот тим таа ја освои титулата шампион на Италија во категоријата до 13 години, а до трофејот стигна по победата над градскиот ривал Интер во финалето на женскиот Куп „Гарино“, одиграно во април.

Иако Лука Модриќ минатата година стави крај на една долга ера во Реал, семејната поврзаност со клубот сега добива ново продолжение. Хрватскиот играч за врска помина 13 години на „Сантијаго Бернабеу“, од 2012 до 2025 година, и во тој период стана еден од најтрофејните играчи во историјата на клубот.

Со Реал Мадрид, Модриќ освои дури 28 трофеи, вклучувајќи шест титули во Лигата на шампионите и четири титули во шпанското првенство. Тој одигра 597 натпревари за мадридскиот клуб, постигнувајќи 43 гола и запишувајќи 95 асистенции.

Посебно место во неговата кариера зазема 2018 година, кога ја освои „Златната топка“ и ја прекина долгогодишната доминација на Лионел Меси и Кристијано Роналдо во изборот за најдобар фудбалер во светот.

Додека Лука ја продолжува кариерата во Италија, каде што го продолжи договорот со Милан, неговата ќерка ќе ги направи своите нови фудбалски чекори во Мадрид. Така, Ема ќе се обиде да изгради сопствен спортски пат, но првиот голем чекор ќе го направи во клубот во кој нејзиниот татко остави длабока трага.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во рудник за злато: Најмалку 100 загинати по уривање во Централноафриканската Република

Најмалку 100 луѓе загинаа во одрон во рудникот за злато „Замбоје“ во западниот дел на Централноафриканската Република.

Најмалку 100 лица загинаа во одрон во рудникот за злато „Замбоје“ во западниот дел на Централноафриканската Република, во близина на границата со Камерун, соопштија денеска локалните власти.

Според првичните информации, одронот бил предизвикан од „уривање на неколку подземни тунели во кои работеле рударите“, соопштија од обвинителството во Бабуа, од каде што најавија и покренување судска истрага за причините за несреќата што се случи во вторникот, пренесува „Фигаро“.

Рудникот „Замбоје“ се наоѓа на околу 50 километри од градот Бабу, каде што биле пренесени голем број од повредените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Мореира во Милан за 50 милиони евра

Лев бек на Стразбур и белгиски репрезентативец, 22 - годишниот Диего Мореира му се приклучи на Милан.

Италијанскиот клуб плаќа фиксна сума од 50 милиони евра за Мореира, при што францускиот клуб би можел да добие дополнителни 16 милиони евра преку бонуси. Во договорот е вклучена и клаузула за процент од идна продажба.

Од оваа продажба ќе профитира и Челзи, бидејќи Мореира го напушти клубот и премина во Стразбур пред две години за 8,5 милиони евра, плус клаузула за процент од идна продажба.

Според „Трансфермаркт“ (Transfermarkt), пазарната вредност на Мореира изнесува 25 милиони евра. Тој забележа седум гола и 16 асистенции на 76 натпревари за Стразбур. Има одиграно четири натпревари за репрезентацијата на Белгија, вклучително и еден на неодамнешното Светско првенство.

Тагови: Милан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.