Мицкоски: До крајот на годината ќе се донесат законите поврзани со правосудството, ќе се бара одговорност за секој потрошен денар - Канал 5

Македонија

Мицкоски: До крајот на годината ќе се донесат законите поврзани со правосудството, ќе се бара одговорност за секој потрошен денар

До крајот на годината ќе бидат донесени реформските закони поврзани со правосудството односно со судиите и обвинителите и за јавно обвинителска и судска служба. 

Мицкоски: До крајот на годината ќе се донесат законите поврзани со правосудството, ќе се бара одговорност за секој потрошен денар

Претседателот на Владата Христијан Мицкоски денеска изјави бидејќи со нив се бара финансиска независност се анализира како тоа е решено во други земји во Европа, но нагласува оти ќе се бара отчетност за секоја потрошена пара преку Државниот завод за ревизија и собраниската комисија.

Мицкоски кажа дека вчера имал состанок со министрите за надворешни работи и трговија, за европски прашања и за финансии и оти се анализираат неколку модели во рамките на Европската унија. Не можеме, потенцираше тој, ние да бараме 0,8 проценти, а во многу поразвиени земји е 0, 2, 0,3 или 0,4 проценти.

- Анализираме неколку модели од Европа колкав е тој процент од Буџетот и дали се однесува на приходната страна, на вкупните приходи или на БДП. Но, треба да знаат дека во тој момент одговараат за секој денар пари потрошени до вас граѓаните. Од хигиенски препарати па се до реконструкција на институциите. Ќе го добијат тоа. Јавно кажувам дека ќе го добијат тоа откако ќе ја направиме деталната анализа во современите земји. Сами нека вработуваат, сами нека се грижат за сите оперативни трошоци, сами нека си дават плата во рамки на Буџетот кој што ќе биде процент онаков каков што е во неколку примери кој што ги дефиниравме, рече Мицкоски.

Ќе барам, потенцираше тој, само една работа: одговорност. - Еве ние тоа како Влада тоа ќе го направиме. Само една работа ќе бараме одговорност за потрошениот денар народни пари преку државниот завод за ревизија и собраниската Комисија која што врши надзор над работењето. Тоа се народни пари. Тоа не се нивни пари. Како што мене ме контролираат, така и нив ќе ги контролираат, рече Мицкоски.

Премиерот нагласи дека ако останеме на едноцифрена поддршка за судиите и обвинителите, ние ништо не сме направиле.

-Јас како претседател на Владата сум прв тоа да го добијат. Да видиме тогаш што ќе пречи. Очекува исто така да излезат од Брисел и да кажат исто така браво и да ни кажат дека сме одлични. Петка дека сме добиле. Затоа што нели тоа беше проблемот. Немало реформи еве ќе ги донесеме до нова година. Ајде да видиме дали е тоа пречката или е нешто друго, рече Мицкоски.

Тој не го коментираше писмото на членовите на Судски совет, Врховен суд и Здружение на судиите, потенцирајќи дека остава граѓаните да кажат дали се задоволни од испораката на правдата во Македонија.

-Јас нема да давам одговор на таков тип дописи. Оставам јавноста да каже. Еве граѓаните нека кажат дали се тие задоволни од испораката на правда во Македонија, рече Мицкоски. Додаде дека ќе се држи до она што го кажа претходно. Ќе гледаме, рече тој, секој денар каде го трошат и оти тоа исто така им го ветува. - Да не се случи после дел од нив да се најдат на обвинителска клупа како обвинети, рече премиерот Христијан Мицкоски.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Кинеските електрични автомобили ја освојуваат Канада, но речиси сите носат знак на американски бренд

Канада ги отвори вратите за електрични автомобили произведени во Кина благодарение на нов трговски договор со кој значително се намалени увозните давачки.

Кинеските електрични автомобили ја освојуваат Канада, но речиси сите носат знак на американски бренд

Наместо дополнителна царина од 100 проценти, возилата сега плаќаат само 6,1 процент, но со ограничување од 49.000 автомобили годишно.

Во мај, во Канада беа увезени 2.910 електрични возила кои ги исполнуваа условите за преференцијална царинска стапка. Сепак, според достапните податоци, само 18 од автомобилите не беа модели на Tesla. Ова е теренецот Lotus Electra.

Се верува дека најголемиот дел од увозот се автомобили „Тесла Модел 3“ произведени во фабриката во Шангај, кои компанијата ги извезува на канадскиот пазар. Другите кинески производители сè уште не започнале со испораки во значителни количини.

Тоа наскоро би можело да се промени. Кинескиот гигант BYD планира да отвори до 20 продажни локации во Канада оваа година, додека „Чери“ го подготвува доаѓањето на брендот „Џаеку“.

Групацијата „Гили“, која веќе ги контролира брендовите „Волво“, „Полестар“ и „Лотус“, планира понатамошно проширување преку лансирањето на брендот „Зикр“.

Иако квотата има за цел да го поттикне доаѓањето на кинеските производители, засега „Тесла“ има најголема корист од новиот договор, кој го користи производствениот капацитет во Кина за снабдување на канадскиот пазар.

Тагови: електричен автомобил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео-Фото: Започна елитната свадбена церемонија на сексапилната Дуа Липа

Пејачката Дуа Липа, која наполни 30 години, и нејзиниот сопруг Калум Тарнер (36), ја започнаа својата свадбена прослава вредна 1,5 милиони фунти со раскошна забава за добредојде за мноштво познати гости на Сицилија. 

Видео-Фото: Започна елитната свадбена церемонија на сексапилната Дуа Липа

Прво, тие организираа интимна граѓанска венчавка во Лондон, која исто така привлече големо внимание.

Двојката организираше прослава во Палацо Валгуарнера Ганга, пишува Дејли Меил, а се шпекулираше дека Дуа ќе оди по олтарот во венчаница од „Ателје Версаче“ изработена по нарачка, благодарение на нејзиното долгогодишно пријателство со Донатело. Извор близок до свадбата изјави за Дејли Меил:

„Ова ќе биде најкул свадбата, а воедно и исклучително гламурозна. Дуа и Калум се многу возбудени и беа вклучени во секој детаљ од организацијата. Тие сакаат сè да биде спектакуларно.“

Донатела изгледаше зачудувачки во златен фустан со реси додека славеше со Дуото на забава во Италија.

За време на прославата, Калум не можеше да го тргне погледот од својата прекрасна сопруга. За нејзиното спектакуларно пристигнување со сопругот, Дуа избра бел фустан од модната куќа „Ботега Венета“, достоен за невеста.

Тагови: Дуа Липа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Навивач влезе на теренот во НБА финалето за да направи селфи?!

Навивач истрча на теренот во финалето на НБА меѓу Сан Антонио и Њујорк за да направи селфи. Поради изнцидентот тој веќе никогаш повеќе нема да оди на натпревар од НБА

Навивач влезе на теренот во НБА финалето за да направи селфи?!

Навивач кој истрча на теренот за време на првиот натпревар од финалето на НБА во среда вечерта за да направи селфи со ѕвездата на Сан Антонио Спарс, Виктор Вембањама, е уапсен и доживотно суспендиран од сите НБА арени.

Портпарол на лигата потврди во четврток дека истата казна му е изречена и на друго лице за неговата улога во инцидентот.

Натпреварот во Фрост Бенк Центарот во Сан Антонио беше прекинат поради влегување на теренот, 6 минути и 28 секунди пред крајот на четвртата четвртина, при што Њујорк Никс водеше со 92:86.

Навивач со мобилен телефон во рака се стрча кон Вембањама и центарот на Никс, Мичел Робинсон, но обезбедувањето брзо го совлада и го изнесе надвор од теренот. На крајот, Никс победија со резултат од 105:95.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер