Полуматурантите, придружувани од своите наставници, родители и другари, заедно го одбележаа завршувањето на едно значајно поглавје од своето образование и почетокот на новите предизвици што ги очекуваат.

Настанот беше збогатен со настап на зурли и тапани, македонски народни песни и ора, преку кои полуматурантите испратија порака за почит кон традицијата, културното наследство и националниот идентитет.

Во рамки на парадата беа доделени признанија за ученик и наставник на генерација од секое основно училиште, избрани со гласање од самите ученици, како симбол на почит кон знаењето, посветеноста и личниот пример.

Меѓу највпечатливите моменти беше и потпишувањето на полуматурските маици, на кои учениците си оставаа пораки, желби и потписи како траен спомен од генерацијата 2026 и од годините поминати заедно во училишните клупи.

Градоначалникот на Општина Ѓорче Петров, Александар Стојкоски, упати честитка до сите полуматуранти и порача:

„Денес е ден за паметење. Ден исполнет со емоции, радост и гордост. Ви честитам за постигнатиот успех и за трудот што го вложувавте низ годините. Продолжете да сонувате големи соништа, да учите и да верувате во себе. Вие сте иднината на нашата општина и нашата држава. Честито полуматурци, наша гордост сте!“

Со оваа манифестација, Општина Ѓорче Петров поставува темел на нова традиција која во иднина ќе ги обединува младите генерации, ќе ги негува македонските културни вредности и ќе го одбележува завршувањето на едно значајно поглавје во нивното образование.

Општина Ѓорче Петров останува посветена на поддршката на младите, создавањето подобри услови за образование и поттикнувањето на вредностите кои ќе ги водат новите генерации кон успех.

На сите полуматуранти им посакуваме многу успех, нови пријателства и исполнување на нивните соништа во годините што следуваат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Борбени авиони од воздухопловните сили и морнарицата на САД ги извршија нападите во Иран, соопшти Централната команда на американската војска, насочени кон „воздушна одбрана, станици за контрола на копното и радарски локации за надзор“.

Иран ги призна нападите околу Бандар Абас и островот Кешм, но не даде детали за штетата. „Операцијата беше пропорционален одговор на неодамнешните напади врз американските сили и меѓународните комерцијални бродови што транзитираат низ регионалните води“, соопшти Централната команда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Илјадници демонстранти во Тирана бараат оставка од премиерот Еди Рама и прекин на сите работи, велејќи под слоганот „Албанија не е на продажба“ дека нема да се откажат додека не се исполнат нивните барања, пренесува Анадолу.

Протестниот марш во главниот град започна од плоштадот Скендербег кон Булеварот на националните херои и застана пред канцеларијата на албанскиот премиер.

Носејќи национални знамиња и транспаренти со антивладини пораки, демонстрантите најавија дека ќе продолжат со своите протести.

Протестите не се ограничени само на Тирана. Слични собири се организирани и во други градови низ земјата во последните денови, а протестираа и Албанци што живеат во неколку европски земји.

Серијата протести беше предизвикана од инцидент што се случи на 30 мај во областа Звернец.

Според снимките објавени на социјалните мрежи, обезбедувањето на приватна компанија влечело граѓанин, што предизвикало бунт и предизвикало бран протести во Тирана.

Тврдења дека контроверзниот проект е поврзан со Џаред Кушнер, зет на американски претседател Доналд Трамп, исто така се појавија во јавноста во последните денови.

Во оваа прилика, премиерот Еди Рама изјави дека проектот во Звернец се спроведува во согласност со сите законски и еколошки процедури.

Сепак, тој призна дека сè уште нема конечен проект, ниту пак е подготвена комплетна студија за влијанието врз животната средина.

Албанските медиуми објавија дека Специјалното обвинителство за борба против корупцијата и организираниот криминал (СПАК) започнало истрага за случајот Звернец, но од обвинителството сè уште нема официјално соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.