Метју Пери откри дека не можел да гледа епизоди од серијата „Пријатели“ и се расплака (ВИДЕО)

Актерот Метју Пери, ѕвездата на „Пријатели“, откри дека не можел да ги гледа старите епизоди од култната серија.

Речиси 30 години по првата епизода на Пријатели, многу луѓе ширум светот сè уште уживаат да гледаат репризи на серијата, но Метју не е еден од нив. Тој вели дека не може да се натера повторно да ја гледа серијата поради неговата битка со зависноста, која започнала на снимањето на „Пријатели“.

„Не ја гледав серијата затоа што само ќе треба да повторувам „алкохол, дрога, кокаин“. За секоја сезона можев да кажам што користев тогаш и затоа не сакам да ја гледам. Тоа е сѐ што гледам. “, рече тој во интервју за CBC. Се присетил и на тешките моменти од животот и борбатата со зависноста, а во еден момент дури и заплакал пред камерите.

"Во еден момент се тресев толку многу што ако сакав да се префрлам само од полицата за книги на масата, морав да го сторам тоа потпирајќи се на нешто. Тоа отиде толку далеку", рекол актерот.

„Знаете, она што секогаш ме тера да плачам е фактот дека ова не е фер. Не е фер што морав да поминам низ оваа болест додека остатокот од екипата не. Тие добија сѐ што добив, но јас бев единствениот кој мораше да се борам со овие работи, и се уште се борам“, рече тој низ солзи.

Во претходното интервју за списанието People, Пери рече дека неговата зависност започнала кога добил улога во серијата. Тогаш имал само 24 години. За време на снимањето, неговата зависност ескалирала, а во 2018 година за малку ќе го чинела живот. Сепак, актерот веќе некое време е трезен.

"Благодарен сум што сум жив, тоа е сигурно. И тоа ми дава можност да правам сѐ. Колку и да е мрачна мојата приказна, таа е некако и приказна со надеж. Затоа што се уште сум тука", заклучил актерот.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

притисни ентер