Воедно, најавува и кривична пријава за првиот човек на АВМУ – Зоран Трајчевски, за злоупотреба на службената положба и оштетување на државниот буџет, оти како што вели, Арена М каналите создаваат тука програма, а директорот на Агенцијата им дал дозвола како странски канал, што според Филипче е противзаконски.

-Писмата се подготвени и во текот на денешниот, најдоцна утрешниот ден ќе ги испратиме. Јасно е наведено кои се нашите забелешки, а против Зоран Трајчевски од АВМУ, планираме да поднесеме кривична пријава. Затоа што, на македонски медиуми тука кои од тука функционираат, конкретно Арена М, која е сместена во просториите на Градскиот стадион, тука им се канцелариите, од каде што се емитуваше програма, гледавме фудбалски пренос од тие канцеларии, таму од тие простории, им дал дозвола како за странски канал и тоа е противзаконски и тоа е оштетување на буџетот, но тоа не се прави без поддршка од власта, од највисоките кругови на власта. Значи се дало дозвола на медиум кој што од тука продуцира програма како да е странски, а во тие регистри во странство го нема.

Гледате злоупотреба? - Апсолутно, не само злоупотреба, туку и оштетување на буџетот. - Венко Филипче – Претседател на СДСМ.

Покрај Филипче, кривична за Трајчевски најавува и Македонската медиумска асоцијација(ММА), од каде упатија уште едно писмено барање за презентирање на документацијата врз која Арена М емитува програма, а која од АВМУ веќе четири недели одбиваат да ја покажат.

Претседателот на ММА и директор на Канал 5 – Иван Мирчевски посочи дека претставувањето на Арена М каналаите како странска компанија го дерегулира и го делегитимира пазарот, оти станува збор за домицилна, македонска компанија која има простории во земјава, како и уредништво и сопствеништво.

Последен доказен дека Арена М е домашна компанија, од ММА го посоција огласот за вработување на хигиеничарка, во кој јасно се гледа дека фирмата огласник е регистрирана во Скопје.

Трајчевски вчера одби да даде изјава за Канал 5 за случајов, со образложение дека е во Брисел на службено патување и не упати да се обратиме до АВМУ. Но, ниту од таму не добивме одговор врз кои документи Арена М се смета како канал кој се реемитува и каде тој е регистриран, со оглед дека не е заведен ниту во срспкиот регулатор РЕМ. Од агенцијата само посочија дека сите одговори ги дале во претходните соопштенија.

Од ММА веќе реагираа и до ЕК и ЕУ, со оглед дека Арена М каналите не се регистриани ниту во европскиот опсерваторски сајт Мависе.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски и лидерите на земјите од Западен Балкан, вчера се сретнаа со високата претставничка на ЕУ за надворешна политика и безбедност Каја Калас, на маргините на Генералното собрание на ОН. Повеќе детали за што се разговарало на состанокот нема, а премиерот во кратка објава на социјалинте мрежи напиша дека биле разгледани регионалните предизвици и зајакнување на соработката.

– Остваривме средба со Каја Калас, на која беа разменети мислења за актуелните регионални предизвици, можностите за понатамошно зајакнување на соработката и заедничките приоритети насочени кон стабилен, безбеден и просперитетен регион, објави премиерот Мицкоски на социјалните мрежи.

Премиерот Мицкоски, според најавите, пред генералното собрание на Обединетите Нации ќе се обрати утре, каде што се очекува фокусот да го стави токму на евроинтеграциите и блокадата со кои се соочува Македонија, а поради која, Мицкоски неодамна повика на вклучување на претставници на ЕУ во дијалогот со Бугарија за усголасување на Акцискиот план за малцинставата.

Иницијативата на Мицкоски за вклучување на трета страна во разговорите со Бугарија ја поддржуваат и вицепремиерот Беким Сали и министерот за надворешни работи Тимчо Муцунски. И двајцата се согласни дека во моментов постои недоверба, а разговорите со Софија според Сали мора да добијат европски гарант.

–Комуникацијата со Софија во овој период недостасува, но во еден период секако таа треба да се води со присуство на лидер на земја членка или на официјални лица од Европската комисија или од Европскиот Совет. Сметаме дека овие комуникации треба да бидат веродостојни и секако потврдени од трета страна, имајќи ја предвид чувствителноста и значењето на овие комуникации и контакти. Би требало да се добредојдени доколку се поддржани со присуство на трета страна, изјави Сали во интервју за МИА.

Мицкоски во текот на вчерашниот ден оствари средба со претседателот на Финска, Александар Стуб, со кого разговарал за значењето на мирот, дијалогот и одговорното лидерство, како и за почитувањето на меѓународното право и зајакнувањето на мултилатералната соработка.

Мицкоски претходно имаше одвоени средби и со хрватскиот и косовскиот премиер Андреј Пленковиќ и Албин Курти, на кои, како што соопшти, се разговарало за унапредување на добрососедските односи, како и заедничките предизвици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Еден од основните услови за квалитетно образование е да имаме добра образовна инфраструктура - пристојни училишта со добро опремени кабинети, пристап до ИТ опрема и безбеден интернет и прилагодени објекти за инклузија на дечињата со посебни образовни потреби. Тоа е приоритет на актуелната Влада и на министерството и за две години вложивме 70 милиони евра во над 90 инфраструктурни проекти.

Ова денес го истакна министерката за образование и наука проф. д-р Весна Јаневска, одговарајќи на пратеничко прашање во Собранието во врска со тоа што е направено за подобрување на образовната инфраструктура во Македонија во мандатот на актуелната Влада.

„Само преку министерството вложивме 35 милиони евра во 7 нови училишни објекти, 4 нови спортски сали, во реконструкција на 30 постоечки училишни и спортски објекти, во реконструкција на два студентски дома, а ја откочивме и изградбата на ФИНКИ и ФФК кои неправедно беа стопирани. Дополнително и Владата преку два повика за финансирање на капитални инвестиции, им додели на општините 35 милиони евра за реализација на 55 проекти“, рече Јаневска.

Потсети и дека заради воведување на концептот на едносменска настава се прошируваат капацитетите на 14 училишта во Центар, Карпош, Аеродром, Ѓорче, Бутел, Гази Баба, Кисела Вода, Илинден и Градско, а уште 15 проекти ќе започнат етапно во следните неколку месеци.

„Ќе градиме и 30 нови спортски сали, а ќе ги реконструираме преостанатите државни студентски домови и шест училишта со ресурсни центри. Средствата се веќе обезбедени“, информираше министерката, нагласувајќи дека лесно се компарираат резултатите од работата на актуелната Влада остварени за две години и од, како што рече – неработењето на оние кои беа на власт во претходните седум, како и оние кои никогаш немале прилика да раководат со институциите, а се секогаш меѓу најгласните критичари.

Министерство за образование и наука

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.