Живот

Мета и Круемади се разведуваат по 26 години брак

Поранешниот албански претседател и актуелен лидер на Партијата на слободата Илир Мета и неговата сопруга Моника Круемади се разведуваат по 26 години брак, што е главна тема во домашните медиуми.

Информацијата ја потврди Мета, кој наведе дека веќе доставил барање до Судот во Тирана, но она што посебно се издвојува е дека Мета како адреса на живеење ја напишал онаа на канцелариите на Партијата на слободата на улицата „Сами Фрашери“, каде според медиумите живее.

Мета изјави дека тој и Круемади тргнале по законскиот пат по ова прашање, а го известил и синот Бесар Илир Мета(24).

-Госпоѓата Моника Круемади е веќе моја поранешна сопруга и го следев правниот пат за оваа работа и го известив и мојот син Бесар Илир Мета, кој пред малку ми рече дека кога имаме толку тензии и проблеми меѓу себе, можеш да најдеш помирно решение и верувам дека најдов решение, изјави Мета.

По објавувањето дека се разведуваат, Круемади за медиумите, изјавила дека во моментов не претпочита да ја коментира одлуката на нејзиниот сопруг и дека „прво сака да ги знае причините што го натерале господинот Мета да поднесе барање за развод“.

Мета и Круемади, имаат три возрасни деца.

Нивното патешествие започна кога беа на чело на социјалистичката младинска организација ФРЕШ, а потоа продолжија во пазувите на социјалистичкото семејство до 2004 година, од каде што и двајцата заедно со друга група социјалисти се отцепија, формирајќи го

Социјалистичкото движење за интеграција. Во периодот додека Мета беше шеф на државата, таа ја предводеше партијата, по што палката ја презеде Мета и го смени името во Партија на слободата.

Овој потег на поранешниот претседател доаѓа во време кога Специјалното обвинителство против организиран криминал и корупција, СПАК го истражува богатството на семејството Мета. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авионска несреќа во Австрија: Има мртви и повредени

Две лица загинаа, а две се тешко повредени кога се урна мал авион во градот Гаминг во најголемата австриска покраина, Долна Австрија, објавија локалните медиуми.

Во несреќата загинаа 47-годишен пилот и една жена, додека 15-годишно девојче и 41-годишен маж се тешко повредени, објави Кроне.

Голем број пожарникари, персонал на брза помош, полиција и други служби за итни случаи реагираа на местото на настанот.

Се известува дека причина за падот на авионот е технички дефект. Пајпер ПА-28 се урна во шумска област, на околу 100 метри од населбата Нојхаус.

Во авионот имало четири лица, сите од округот Амштетен. Непристапниот терен ја отежнал спасувачката операција, а пожарникарите морале да користат моторни пили за да си го пробијат патот до малиот авион и да преминат поток.

Тие морале сами да ја носат тешката опрема за спасување по теренот.

Во исто време, бидејќи во областа нема сигнал за мобилни телефони, спасувачите морале да комуницираат преку радио.

На местото на несреќата беа 90 пожарникари, како и членови на планинската спасувачка служба, брзата помош и полицијата.

Тие го пронајдоа леталото целосно уништено, а тешко повредените беа евакуирани од местото на несреќата со помош на опрема за спасување и специјално јаже, и беа пренесени со хеликоптер во болниците во Линц и Амштетен.

Местото на несреќата е заградено, а на местото на несреќата пристигна Комисијата за истрага на воздушни несреќи.

Според првичните извештаи, причината можеби била технички дефект, а очевидци наводно слушнале необични звуци од моторот.

Обвинителството нареди обдукција на телото на пилотот, објави Кроне.

Фото: ВИ илустрација

Тагови: авион австрија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 22 возачи за „безобѕирно управување возило“, 13 возеле без положен возачки испит

Во текот на изминатото деноноќие на целата територија на државата, полициските службеници лишија од слобода 22 возачи поради „безобѕирно управување возило“.

Од нив 13 од кои по четири во Скопје, и Битола, две во Виница, по едно лице во Куманово, Кавадарци и Тетово управувале возило без положен возачки испит, а еден од нив и управувал возило под дејство на алкохол. Потоа под дејство на алкохол возеле по две лица во Скопје и Крива Паланка и по едно во Велес, Куманово, Штип и Струмица и едно лице од Скопје управувало нерегистрирано возило. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: возачи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Утре не очекува сончево време со мала до умерена облачност.

Времето денес претпладне беше сончево со мала до умерена облачност. Попладне наместа имаша појава на пороен дожд, засилен ветер и грмежи. Дуваше слаб до умерен западен и северозападен ветер. До крајот на денот ќе има услови за нестабилност. Во вечерните часови се очекува стабилизација на времето.

Утре не очекува сончево време со мала до умерена облачност. Ќе дува умерен повремено засилен ветер претежно од северен правец. Долж Повардарието ветерот ќе достигне брзина од 50 km/h. Минималната температура ќе биде во интервал од 11 до 18, а максималната ќе достигне од 24 до 34 степени.

Во Скопје, сончево со мала до умерена облачност. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 30 степени.

Утре и во вторник времето ќе биде сончево со мала до умерена облачност. Ќе дува умерен повремено засилен ветер претежно од северен правец. Долж Повардарието ветерот ќе достигне брзина од 50 km/h. Во среда, во попладневните часови, ќе има услови за локален дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.