Освен на терен, Меси е многу вешт и во разговор со новинарите, па затоа во стилот на најдобрите политичари избегна конкретен одговор, но значајно е што не негираше дека сепак сака да ја напушти Барселона.

"Сега се чувствувам навистина добро, вистина е дека поминав многу тешко време ова лето. Ги имав сите тие чувства на почетокот на сезоната, но сега сум добро. Се чувствувам подготвен за сериозна борба за сè што е пред нас. Возбуден сум. Знам дека клубот минува низ тежок период, има голема напнатост околу сè во Барселона, но јас сум возбуден за тоа што претстои “, рече Меси.

Да потсетиме, Меси беше сигурен дека си заминува минатото лето и веќе го информира клубот за тоа, но тогашниот претседател на клубот Хосеп Марија Бартомеу го блокира неговото заминување поради клаузула во договорот.

Меси затоа реши да остане бидејќи не сакал да се тужи против клубот каде што поминал цел живот, но затоа неговиот договор истекува следното лето. Тој може да се договори да замине во нов клуб веќе по новата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.