Меси на 38 години постигна два гола и го надмина Роналдо- сега е најдобар стрелец во историјата (ВИДЕО) - Канал 5

Фудбал

Меси на 38 години постигна два гола и го надмина Роналдо- сега е најдобар стрелец во историјата (ВИДЕО)

Годините минуваат, првенствата се менуваат, но соперништвото меѓу Лионел Меси и Кристијано Роналдо продолжува - дури и кога се одвоени илјадници километри.

Меси на 38 години постигна два гола и го надмина Роналдо- сега е најдобар стрелец во историјата (ВИДЕО)

Синоќа, капитенот на аргентинската репрезентација постигна два гола за Интер Мајами. Тоа беше шести пат во последните седум натпревари од МЛС да постигне два гола на еден натпревар, со што го престигна Роналдо во посебна статистика.

Според „Спортс илустрејтид“, двата гола против Њујорк Ред Булс му овозможија на Меси да ја достигне бројката од 18 гола во американското првенство, но и да достигне 764 гола во кариерата кога не се сметаат пеналите. Тоа е еден повеќе од Роналдо, што значи дека Меси е најдобриот стрелец во историјата на играта.

Роналдо сè уште води во генералниот пласман

Во генералниот пласман, кој ги вклучува и головите од пенал, Португалецот кој моментално игра за Ал Наср сè уште води: Роналдо има 938, а Меси има 865 гола. Оваа статистика, заедно со бројот на освоени Златни топки (8 наспроти 5 во корист на Меси), е меѓу најчесто користените индикатори во вечната дебата за тоа кој е најдобриот фудбалер на сите времиња.

За 38-годишниот Меси, ова е втора целосна сезона во МЛС. Во 18 натпревари, тој има ист број на голови и седум асистенции, а со тој настап го одржува Интер на петтото место на ранг-листата, што би ги однело во плејофот.

Тагови: Кристијано Роналдо Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривичниот суд одреди 30 дена притвор за Стефан Богоев и други три лица

Кривичниот суд одреди 30 дена притвор за Стефан Богоев и други три лица осомничени за случајот со злоупотреби  околу тендер за чистење на граничните премини и терминалите, во периодот од јули 2023 до март 2024 година.

Кривичниот суд одреди 30 дена притвор за Стефан Богоев и други три лица

Oсомничените преку фаворизирање на одреден економски оператор и ограничување на конкуренцијата му овозможиле на правниот субјект да се стекне со противправна имотна корист во износ од над 18 милиони денари од обвинителството велат и дека во рамките на истрагата се обезбедени докази и за примање и давање награда за противзаконито влијание и дека првоосомничениот примил награда во износ од 111.600 денари за искористување на својата службена положба.

По распитот обвинителката соопшти дека барањето за притвор е заради опасност од бегство и влијание врз сведоци...

Тагови: Кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Вучиќ: „Не ме исплашија ниту ме фасцинираат заканите“

Претседателот на Република Србија, Александар Вучиќ, изјави дека не се плаши од закани и дека е целосно посветен на напредокот на земјата и подобар живот за нејзините граѓани.

Вучиќ: „Не ме исплашија ниту ме фасцинираат заканите“

„Скинете му ја главата на Вучиќ - ниту се плашам ниту ме фасцинираат заканите. Единственото нешто што ме интересира е како нашите луѓе живеат подобро и како Србија може да биде уште поуспешна“, рече Вучиќ.

Вака реагира претседателот на Србија, Вучиќ на предупрадувањето да не патуват на самитот во Тиван во Црна Гора од српската безбедносна агенција БИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер.

Унгарија и Украина постигнаа договор за правата на унгарското малцинство, се отвора патот на Киев за влез во ЕУ

Унгарскиот премиер Петер Маѓар изјави дека Унгарија и Украина постигнале договор за правата на унгарското малцинство во Украина, што би можело да овозможи отворање на првиот кластер, односно група преговарачки поглавја за пристапување на Украина во Европската унија.

Договорот претставува потенцијален пробив во долготрајниот спор околу правата на малцинствата, кој ги затегна односите меѓу Будимпешта и Киев и ја комплицира поддршката за пристапувањето на Украина во ЕУ.

„Постигнавме напредок во разговорите со Украина за јазичните, културните и образовните права на етничкото унгарско малцинство“, напиша Маѓар на фејсбук.

Во вторникот тој рече дека е подготвен да се сретне со украинскиот претседател Зеленски следната недела за да отвори ново поглавје во односите, доколку се постигне договор за правата на малцинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер