Месеци без КТ снимања во Струмица: Болницата најавува пуштање на новиот апарат - Канал 5

Здравје

Месеци без КТ снимања во Струмица: Болницата најавува пуштање на новиот апарат

Пациентите од струмичкиот регион реагираат дека мора приватно да се снимаат на компјутерска томографија, бидејќи во болницата се уште не е пуштен апаратот во употреба. 

Месеци без КТ снимања во Струмица: Болницата најавува пуштање на новиот апарат

Термини за во Скопје нема, а најчесто итните снимања се кај пациентите со канцер. Од струмичката болница за Канал 5 одговорија дека болницата, конечно има нов апарат и дека од наредната недела ќе биде пуштен во употреба.

„Болницата има нов апарат, во претходниот период се правеа пробни снимања и имаше добра и правилна едукација на персоналот, кој ќе работи во делот на снимање и читање на снимките“-Општа болница Струмица .

И од гевгелиската болница објаснуваат дека ги разбираат пациентите од Струмица и дека снимањата се прават во нивната болница но нема термин, имаат голема преоптовареност каде дневнио се прават и над 20 снимања, потврдија за Канал 5 од болницата.

Тие објаснуваат дека работат без прекин и очекуваат по почнување со работа на новиот томограф во Струмица да се намали притисокот во нивната болница.

Министерот за здравство Сашо Клековски објаснува дека еден од приоритетите е да се променат апаратите што се стари и немаат добар квалитет пред се во внатрешноста. На тој начин ќе се намали притисокот во клиничкиот центар и болници во Скопје и нема да патуваат за снимање.

Министерот посочи дека се работи и за недостаткот на лекови кои се важни во летниот период, како што е инјекцијата Синопен која помага при алергиски шок ја нема во моментот и граѓаните ја купуваат во соседните земји.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

БМВ нуди доброволно заминување за 8.000 вработени

Германскиот производител на автомобили BMW ќе отпушти околу 8.000 работни места, главно на својот домашен пазар во Германија. 

БМВ нуди доброволно заминување за 8.000 вработени

Одлуката е дел од програмата за намалување на трошоците започната поради намалената побарувачка во Кина и општото зголемување на оперативните трошоци.

Менаџментот на БМВ и претставниците на вработените постигнаа договор за програма за доброволно отпуштање по неколкудневни преговори, објавија германските медиуми во среда. Процесот на намалување на бројот на вработени ќе започне во октомври 2026 година и ќе трае до крајот на 2027 година. Планот предвидува намалување на вкупниот број вработени за 8.000.

Кој може да учествува во програмата

BMW вработува 150.000 луѓе низ целиот свет, од кои 84.000 се во Германија. Понудата за доброволно отпуштање со отпремнина ќе им биде достапна на приближно 40.000 вработени кои не се директно вклучени во производството.

Програмата е првенствено наменета за вработени во менаџментот, административните одделенија и секторите за истражување, развој и планирање. Износот на отпремнината за работниците кои ќе ја прифатат понудата ќе се утврди врз основа на нивната плата и должина на работен стаж.

Уште во јуни, BMW ги намали своите прогнози за продажба и профит за 2026 година, наведувајќи го падот на побарувачката на кинескиот пазар како главна причина. Компанијата објави други мерки за заштеда на трошоци како одговор на американските царини, зголемените трошоци и притисокот од глобалната конкуренција.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Голем пожар во туристички регион во Турција: Евакуирана болница и десетици куќи (ВИДЕО)

Голем шумски пожар што избувна во туристичкиот регион Мугла во југозападна Турција доведе до евакуација на жителите и затворање на еден главен пат.

Голем пожар во туристички регион во Турција: Евакуирана болница и десетици куќи (ВИДЕО)

Десетици домови се евакуирани, како и одделението за интензивна нега во локалната болница, а автопатот помеѓу Фетије и Анталија е затворен поради густ чад, објавува Бианет.

Пожар потпомогнат од ветер се прошири

Пожарот избувна на обработливо земјиште во населбата Бајир во округот Сејдикемер во Турција. Силните ветрови потоа го проширија во блиската шума. Пожарот се гаси од воздух и од копно, а според соопштението од канцеларијата на гувернерот на Мугла, на терен се распоредени речиси 400 луѓе, пет авиони и 12 хеликоптери.

Превентивни евакуации

Како мерка на претпазливост, властите евакуираа 65 лица од 43 домови лоцирани во близина на местото на пожарот. Одделенијата за интензивна нега и палијативна нега на Државната болница Сејдикемер се исто така евакуирани. Болницата е оддалечена околу 2,5 километри од пожарот.

Прекин во сообраќајот

Автопатот што ги поврзува Анталија и Сејдикемер е затворен за сообраќај. Властите соопштија дека пожарот и густиот чад целосно го покриле подрачјето, што го направило сообраќајот небезбеден.

Тагови: пожар турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ал-Итихад му понудил на Меси рекордни 1,5 милијарди евра, но тој ги одбил

Претседателот на саудискиот клуб Ал-Итихад, Анмар Ал Хаили откри дека бил подготвен да го урне светскиот рекорд за највреден договор во спортот само за да го доведе Лионел Меси.

Ал-Итихад му понудил на Меси рекордни 1,5 милијарди евра, но тој ги одбил

Според првиот човек на Ал-Итихад, клубот му понудил на капитенот на Аргентина фантастични 1,5 милијарди евра по заминувањето од ПСЖ, за трансвер во Саудиска Арабија, но Лео без двоумење ја одбил понудата и се решил кариерата да ја продолжи во Интер Мајами.

„Му понудивме 1,5 милијарди евра, но тој ја одби понудата затоа што неговото семејство сакаше да живее во Мајами“, изјави Ал Хаили.

Еден од најдобрите светски фудбалери во историјата без многу размислување ја одбил фанстатичната понуда бидејќи сакал да остана доследен на своите лични приоритети и изборот во иднина да продолжи да живее во САД иако саудискиот клуб бил подготвен да понуди историски договор.

39 годишниот Меси по заминувањето од Париз, од 2023 живее во Мајами во САД, каде го носи дресот на Интер Мајами.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер