Месец и пол по пријавата до ОЈО од СДСМ велат дека се уште немаат информација до каде е истрагата за Трајко Славески - Канал 5

Македонија

Месец и пол по пријавата до ОЈО од СДСМ велат дека се уште немаат информација до каде е истрагата за Трајко Славески

И од СДСМ, како поднесувачи, се уште немаат никаква информација до каде е кривичната пријава која ја поднесоа против гувернерот на НБРМ – Трајко Славески во ОЈО Скопје пред месец и пол поради сомнение за сторено кривично дело, несовесно работење.

Месец и пол по пријавата до ОЈО од СДСМ велат дека се уште немаат информација до каде е истрагата за Трајко Славески

И од СДСМ, како поднесувачи, се уште немаат никаква информација до каде е кривичната пријава која ја поднесоа против гувернерот на НБРМ – Трајко Славески во ОЈО Скопје пред месец и пол поради сомнение за сторено кривично дело, несовесно работење во службата, откако претходно Канал 5 во обзнани дека се пробиени роковите за назначување на нови вицегувернери, како и дека две вицегурверки учествувале во работата на советот со истечени мандати надвор од законски предвидениот рок и носеле одлуки за монетарната политика во земјава.

-Имате ли информации до каде е кривичната пријава за Трајко Славески? – Не. – Венко Филипче – Претседател на СДСМ.

Во меѓувреме, додека се чека судбината на кривичната пријава, свиркачи до редакцијата на Канал 5 испратија одлука на УО на М-НАВ со која братот на Трајко Славески, Сашо Славески, од обезбедувач бил унапреден како помошник за обука и координација во Одделение за воздухопловни информации, односно во Сектор за воздухопловна навигација. Во однос на тоа, дали имало интервенција од страна на Гувернерот во унапредувањето, според сомнежите на свиркачот, и дали Сашо Славески ги исполнува условите за работното место, од М-НАВ одговорија дека унапредувањето е спроведено законски, но аргументираат и дека Трајко Славески тогаш не бил гувернер.

-По повеќегодишен ангажнан во Друштвото, како и врз основа на покажаните резултати и работен придонес, донесена е одлука за негово унапредување. Во конкретниот случај, целокупната постапка е спроведена согласно важечките законски интерни акти на Друштвото. Немало никаква интервенција или влијание од страна на Г-дин Трајко Славески во однос на промената на работното место, имајќи предвид дека во наведениот период, кога колегата е унапреден Трајко Славески не ја извршувал функцијата Гувернер на НБРМ. – одговорија од М-НАВ.

Одлуката за промената на работното место на Сашо Славески стапила на сила 01.03.2025 година, кога неговиот брат беше претседател на советот на Град Скопје, а неколку месеци подоцна стана и Гувернер на НБРМ.

Од синдикатот на М-НАВ пак за Канал 5 посочија дека не се запознаени со овој случај, но велат дека токму поради ваквите дилеми за злоупотреби бараат конечно да се направи соодветна анализа според која точно ќе се знае кој на кое место може да работи, со што М-НАВ конечно ќе има квалитетен кадар на потребните позиции.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер