Технологија

Меркур крие голема тајна- под површината има слој од дијаманти, дебел 16 километри (ВИДЕО)

Меркур, најмалата планета во Сончевиот систем, можеби крие голема тајна.

Користејќи ги податоците од вселенското летало MESSENGER на американската вселенска агенција НАСА, научниците утврдиле дека под кората на оваа планета можеби има дебел слој од дијаманти од 16 километри.

Меркур долго време ги збунува научниците бидејќи има многу карактеристики кои не ги споделуваат другите планети. Меѓу другото, тие се со многу темна површина, исклучително густо јадро и предвремен крај на вулканската ера, пишува Space.com.

Меѓу тие загатки имало и делови со графит, еден вид јаглерод на површината на првата планета од Сончевиот систем. Научниците мислеа дека сугерираат дека Меркур некогаш имал океани со магма богата со јаглерод. Тој океан можело да ги остави зад себе тие делови со графити.

Истиот процес можел да доведе до формирање на слој богат со јаглерод под површината. Тимот кој стои зад откритието верува дека овој слој не е направен од графен, како што претходно се мислеше, туку дека е составен од нешто друго - дијаманти.

- Пресметавме, благодарение на новите проценки за притисокот на слојот, и имајќи предвид дека се работи за планета богата со јаглерод, дека минералот на база на јаглерод што би се формирал помеѓу површината и јадрото е дијамант, а не графит, изјави за Space.com, Оливие Намур, професор на Католичкиот универзитет во Лувен.

Студијата е направена врз основа на податоците собрани од вселенското летало MESSENGER. Ова вселенско летало беше лансирано на 3 август 2004 година за да ги проучува карактеристиките на Меркур од неговата орбита. Тоа е прва мисија за проучување на планетата најблиску до Сонцето во повеќе од 30 години. Леталото стигна до Меркур на 18 март 2011 година, а во јуни 2013 година го заврши снимањето на целата планета. Слетало на површината на 30 април 2015 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Маж од Градско изгубил контрола врз тракторот и загинал

На 25.07.2026 во СВР Велес било пријавено дека околу 18:00 часот кај место викано „Србиново“ во атар на с.Уланци, општина Градско, С.Л.(81) од Градско, управувајќи трактор со приколка , изгубил контрола и со тракторот излетал од патот.

Од здобиените повреди, С.Л. починал на местото, а смрт констатирал лекар од Итна медицинска помош.

Увид на местото извршила екипа од СВР Велес, а по наредба на јавен обвинител, телото на починатиот било дадено на обдукција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

!6- годишно момче од Кондово починало, откако со мајка му било на гости во с. Синѓелиќ

На 25.07.2026 во 16.22 часот во СВР Скопје, од Комплекс клники „Мајка Тереза“ било пријавено дека кај нив во бессознание бил донесен 16-годишник од с.Кондово.

На 25.07.2026 во 16.22 часот во СВР Скопје, од Комплекс клники „Мајка Тереза“ било пријавено дека кај нив во бессознание бил донесен 16-годишник од с.Кондово, кој за кратко време починал.

Според пријавеното, тој со неговата мајка бил на гости кај роднини во с.Сингелиќ, при што во еден момент му се слошило и паднал во бессознание.

Лекар констатирал смрт без видливи траги на насилство, а по наредба на јавен обвинител телото на починатиот било дадено на обукција, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Добринт: Во Берлин се случи исламистичко терористички напад, еден загинат и 29 повредени

Нападот на Парадата на гордоста во Берлин е исламистичко терористички напад, изјави денеска германскиот министер за внатрешни работи Александар Добринт.

Нападот на Парадата на гордоста во Берлин е исламистички терористички напад, изјави денеска германскиот министер за внатрешни работи Александар Добринт, додавајќи дека осомничениот за нападот им бил познат на полицијата и безбедносните служби по неколку претходни кривични дела.

„Сè што гледаме укажува на исламистички терористички напад“, изјави германскиот министер на прес-конференција, според германската јавна служба за покраините Берлин-Бранденбург RBB.

Според него, осомничениот Абдул Б. прво удрил во луѓето со својот автомобил, а потоа излегол од возилото и нападнал повеќе минувачи со остро оружје, најверојатно со мачета, предизвикувајќи дополнителни сериозни повреди.

Добринт рече дека осомничениот претходно им бил познат на полицијата и безбедносните служби по неколку кривични дела, процес на радикализација и врски со исламистичката сцена.

„Имало високо ниво на криминална активност, радикализација и припадност на исламистичка средина“, рече министерот.

Тој изјави дека Абдул Б. претходно бил осуден на една година и десет месеци затвор од суд во Берлин, но дека казната била условна.

Добринт изјави дека осомничениот е роден во Германија во 2005 година и имал германско државјанство по раѓање.

Неговото семејство е по потекло од Либан, додека неговата мајка добила германско државјанство во 2002 година, неколку години пред неговото раѓање.

Германскиот министер рече дека осомничениот е сè уште на слобода, поради што полициските активности се засилени во Берлин, како и на железничките станици, аеродромите и границите низ цела Германија.

Според информациите презентирани од Добринт, во нападот се повредени 29 лица, од кои некои се сериозно повредени, додека едно лице починало.

Претходните проценки зборуваа за 16 повредени.

Тагови: Берлин напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.