Информира дека ингеренциите од областа на урбанизмот и ги отстапува на владата а поради фактот што не можел да им излезе во пресрет на потребите на бизнис заедницата и на граѓаните за идниот развој на општината.

-Јас како градоначалник на Општина Струга, имајќи ги во предвид и последните случувања и политичката состојба во државата одлучив да ви ги отстапам ингеренциите во урбанизмот , во делот на издавање на дозволи за градби , во делот на легализација на објектите , во делот на издавање концесии како и во делот на спроведување на забелешките од страна на УНЕСКО,пишува меѓу другото струшкиот градоначалник во писмото до владата.

Во еден дел од писмото Мерко објаснува дека општина струга била долго време предмет на негативна кампања преку неосновани политички и медиумски напади од што трпела последици но само и единствено поради Охрид.

Целта на долгорочната кампања против општината и градоначалникот на Струга е со една цел, спасување на дивоградбите во Охрид и отстранување на опасноста од губење на статусот на Охридското Езеро во УНЕСКО, наведува Мерко во писмото , во кое меѓу другото смета дека со тоа што не се дозволувало проширување на деталните и генералните урбанистички планови, се имало за цел намалување на туризмот и немање на работа за туристичките работници и градежните фирми, иако во Струга додека е тој градоначалник немало изградено ниту една дивоградба.

Дали одлуката на Мерко и отвореното писмо е испровоцирано од претпладневниот настан кога лице упаднало во општината и вербално им се заканило на повеќе мина, не е познато. Од МВР велат случајот е расчистен, против лицето ќе следел соодветен поднесок.

Досега нема коментар од владата каков би бил одговорот кон Мерко , нема ни од неговата матична партија ДУИ. Недостапен е и самиот Мерко. Инаку струшкиот градоначалник долго време е обвинуван за самоволие во вршењето на градоначалничката функција. Последно за што беше обвинуван е купувањето скап автомобил со општински пари.