Мерцедес прв во историјата добива тиркизни светла, објаснија и зошто служат (ФОТО) - Канал 5

Мерцедес прв во историјата добива тиркизни светла, објаснија и зошто служат (ФОТО)

„Мерцедес“ стана првиот производител на автомобили во светот кој доби дозвола да користи специјални, тиркизни светла на своите идни модели.

Мерцедес прв во историјата добива тиркизни светла, објаснија и зошто служат (ФОТО)

Тиркизот исполнува два важни критериуми кои беа клучни за изборот на бојата - освен што нуди разлика од постојните светлосни решенија на другите автомобили, обезбедено е и дистанцирање од сообраќајните сигнали на патиштата како што се семафорите или јавното осветлување.

Сепак, иновативното решение нема да се користи на сите автомобили од германската марка.

Само автоматизираните автомобили што возат по патишта без возач ќе бидат опремени со тиркизни светла. Кога светлата се вклучени, другите учесници во сообраќајот ќе знаат дека автомобилот е на „автопилот“.

Во однос на законската дозвола за употреба на тиркизот, мразот го скршиле Калифорнија и Невада во САД.

- Со развојот на автоматизирани светла, „Мерцедес“ повторно поставува нови стандарди во автомобилската индустрија. Ние сме првиот производител на автомобили во светот кој доби вакви одобренија во САД, поточно во Калифорнија и Невада. Колку повеќе автоматизирани возила излегуваат на патиштата, толку поважна станува комуникацијата и интеракцијата помеѓу возилото и околината - изјави Маркус Шефер, член на одборот на директори на „Мерцедес“.

Германската компанија наведува дека „Мерцедес“ сака да ја стандардизира тиркизната боја како средство за препознавање на автоматизираното возење, со намера глобално прифаќање на новата технологија. Во моментов, никаде во светот нема законска рамка, па Калифорнија и Невада донесоа многу важна одлука.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Делегација на СДСМ предводена од потпретседателот Трајановски оддаде почит во Скопје

Делегација на СДСМ предводена од потпретседателот Трајановски оддаде почит во Скопје, по повод Денот на Републиката.

Делегација на СДСМ предводена од потпретседателот Трајановски оддаде почит во Скопје


По повод големиот државен и национален празник 2ри август - Денот на Републиката, делегација на СДСМ предводена од потпретседателот Александар Трајановски, заедно со членката на Извршниот одбор Симона Цветановски и советничката во Советот на Скопје, Кети Штерјова, оддаде почит и положи свежо цвеќе пред споменикот на Никола Карев, пред споменикот на АСНОМ и пред споменикот на Методија Андонов - Ченто во Скопје.


За многу години Илинден! Да живее Македонија!

Скопје, 02.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ноле како вистински капетан заплови со јахтата од 5 милиони евра

Најтрофејниот светски тенисер на сите времиња, Новак Ѓоковиќ, одлучи да одмори во Црна Гора по „работното лето“, во текот на кое стигна до полуфиналето на Вимблдон

Фото: Ноле како вистински капетан заплови со јахтата од 5 милиони евра

Најтрофејниот светски тенисер на сите времиња, Новак Ѓоковиќ, одлучи да одмори во Црна Гора по „работното лето“, во текот на кое стигна до полуфиналето на Вимблдон, а потоа имаше и бројни медиумски активности пред финалето на Светското првенство во фудбал, на кое присуствуваше како ВИП-гост во Њујорк.

Екипа на српски „телеграф“ го улови Ноле зад кормилото на својата јахта вреда 5 милиони евра.
Како вистински капетан Новак марината во Портоново, во местото Кумбор во Бока Которска, Црна Гора заплови со семејството по крајбрежјето.

Во овој дела на Јадран, во близина на комплексот „Портонови“ –Новак Ѓоковиќ поседува луксузен апартман.

https://www.instagram.com/reel/Dbd7HlvyXnT/

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рајна и Дунав пресушуваат. Европа се соочува со економски удар од 126 милијарди евра

Европа се соочува со суша од големи размери по неколкумесечни слаби врнежи, високи летни температури и втор екстремен топлотен бран во рок од само еден месец. 

Рајна и Дунав пресушуваат. Европа се соочува со економски удар од 126 милијарди евра

Според проценките на експертите, економската штета предизвикана од сушите и горештините во Европа би можела да достигне и до 126 милијарди евра годишно до 2029 година, пренесува ХРТ.

Последиците се видливи низ целиот континент.

Во периодот од април до јуни, на огромни површини од Европа – кои се протегаат од Португалија до јужна Финска – се регистрирани врнежи под просекот за овој период од годината.

Ова, во комбинација со последователните топлотни бранови, ја засили сушата и доведе до невообичаено ниски водостои на реките, особено на Дунав и Рајна.

Влијанието ги надминува рамките на големите речни системи; и алпските езера останаа без вода. Езерото Брене (Lac des Brenets), сместено на швајцарско-француската граница, речиси пресуши и е непроодно за пловни објекти веќе повеќе од една недела.

„Загрижен сум; ова се катастрофи какви што не можевме ни да замислиме. Очекувавме многу работи, но не и суши што се појавуваат една по друга во толку краток интервал. Тоа тешко нè погодува бидејќи едноставно сме беспомошни пред ваквите климатски промени“, изјави Иван Дуриг од Ле Брене, Швајцарија.

Поради сушата, Франција стравува од најслабата жетва на пченка во последните 50 години, додека Шпанија го ограничи пристапот на земјоделците до вода за наводнување. Холандија минатата недела воведе посебни мерки поради недостигот на вода, а на седум грчки острови беше прогласена вонредна состојба.

Екстремно ниското ниво на водата го попречи и транспортот на стока по реката Рајна, принудувајќи ги германските фабрики да го намалат производството. Некои економисти предупредуваат дека прекините во транспортот би можеле да го намалат германскиот економски раст за 0,2 процентни поени.

Бидејќи Рајна ги поврзува индустриските центри на Швајцарија, Германија и Холандија со Ротердам – најголемото пристаниште во Европа – проблемите во речниот транспорт брзо влијаат врз голем дел од европската економија.

Биологот Торстен Ренебарт од Институтот за истражување на езера во Келн ја објасни состојбата на Рајна: „Вообичаено, водостојот е низок во зима, а висок во лето, бидејќи реката се полни со вода од Алпите. Кон крајот на пролетта или почетокот на летото, снегот на Алпите се топи и тогаш обично имаме голем прилив на вода. Сепак, минатата зима имаше многу малку снег, а сега нема вода.“

Научната мрежа „World Weather Attribution“ во своите анализи наведува дека климатските промени не биле причина за значителниот недостиг на врнежи во Европа во периодот од април до јуни. Сепак, научниците објаснуваат дека високите температури и сè почестите топлотни бранови стануваат главниот двигател на сушата. Имено, порастот на температурите ја зголемува способноста на атмосферата да ја извлекува влагата од почвата, реките, езерата и акумулациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер