Здравје

Менталното здравје и хормоните: Како да останете силни дури и кога емоциите ве преплавуваат

Променливото расположение не значи слабост, со разбирање и грижа за себе може да се спротивставите на хормоналните осцилации.

Емотивниот стрес на секоја жена може да личи на сложен танц на хормоните кои, освен што ја регулираат плодноста, влијаат и на расположението, нивото на енергија, сонот, како и на тоа како да се справиме со стресот. Многу жени со години се борат да ги разберат своите емоции кои им делуваат непредвидливо, една недела се чувствуваат добро, а веќе следната се анксиозни, раздразливи и без енергија. Науката вели дека промените имаат своја причина, а тоа се хормоните.

Хормонални промени низ различни фази од животот

Според едно истражување на ПМЦ (PubMed Centar), ваквите промени не се „од ведро небо“, туку се природен дел од хормоналниот циклус низ кој минува телото.

Перименопауза

Според клиничкиот психолог, докторката Швета Џа, во перименопауза почнува дисбаланс на естрогенот и прогестеронот, што кај многу жени предизвикува емотивна чувствителност.

Раздразливоста, плачењето и немирот често ја попречуваат концентрацијата и го нарушуваат сонот. Тоа се последици на влијанието на хормоните врз невротансмитерите, како серотонинот и допаминот, и тоа не треба да се толкува како слабост – вели д-р Швета Џа.

Постпородилен период

По пораѓањето, нивото на естроген и прогестерон нагло опаѓа, а се менува и нивото на невростероидите, природните стероиди кои ги произведува централниот нервен систем, а кои влијаат на главниот инхибиторен невротрансмитер ГАБА (гама-аминобутерна киселина) во мозокот.

Затоа, според студијата за ПМЦ, дури и силните жени може да се чувствуваат преплавени со тага, анксиозност или емотивна рамнодушност по породувањето.

Полицистични јајници

Полицистичните јајници не се само хормонско нарушување, туку значително влијаат врз емотивната состојба.

Комбинацијата од покачени андрогени, машки хормони, инсулинска резистенција и хронични воспаленија, може да доведат до нагли промени во расположението, анксиозност и проблеми со самодовербата – наведува д-р Џа.

Други хормонски влијанија

Дури и благите хормонални нарушувања во работата на штитната жлезда може да предизвикаат лошо расположение, „ментална магла“ или хронична анксиозност. Исто така, и хормонската контрацепција може да влијае на расположението кај различни жени.

Во сите овие случаи, важно е да се знае дека емоционалните промени не се знак на слабост, туку последица на биолошки процеси.

Слушајте ги своите хормони со доза сочувство

За време на ваквите хормонски промени, мислите како „Не можам да се справам со ова“, стануваат сè почести.

Затоа е важно да размислите за терапии од типот на когнитивно-бихевиористичката терапија, која помага да се преиспитате и тешките мисли да ги замените со позитивни, како „Моето тело реагира и тоа не е моја вина“. Ваквата промена во размислувањето носи мир, наместо чувство на вина. Праксата на самопомош и разбирање на сопствените реакции им помага на жените полесно да поминат низ животната транзиција, со поголема свесност и емоционална сила – нагласува д-р Швета Џа, а пренесува Оnlymyhealth.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Шкода влегува во нова лига: Пристигнува голем електричен теренец со три реда седишта

Електричниот Шкода Пеак е поголем од Кодијак и доаѓа со три опции за возење.

Шкода го претстави сосема новиот Шкода Пеак (Peaq), својот најголем и најнапреден електричен автомобил досега.

Станува збор за теренец со три реда седишта кој ќе го заземе местото на новиот најголем (и најскап) модел на чешката марка.

Пеак е поголем од Шкода Кодијак и носи препознатлив дизајнерски јазик „Modern Solid “ со нов светлосен потпис, скриени рачки на вратите и аеродинамика што овозможува коефициент на отпор од само 0,249.

Во ентериерот доминира дигитална инструмент табла и вертикално поставен 13,6-инчен инфозабавен екран.

Верзии со пет и седум седишта ќе бидат достапни за клиентите, а опциите вклучуваат аудио систем „Sonos“ со 16 звучници, безжично полнење на телефон и пакет „Relax“ со масажни седишта.

Багажникот нуди до 2.150 литри волумен, додека под предниот капак има дополнителен простор за складирање.

„Peaq“ користи подобрена „MEB+“ механичка основа и ќе биде достапен во три верзии.

Основниот модел има батерија од 63 kWh, моќност од 204 КС и дострел до 459 километри.

Верзијата од средната класа на „Peaq 90“ носи батерија од 91 kWh, 286 КС и дострел до 647 километри според „WLTP“ стандардот.

На врвот на гамата е „Peaq 90x“ со погон на сите тркала и 299 КС, со дострел до 613 километри.

Брзото полнење овозможува полнење на батеријата од 10 до 80 проценти за помалку од 30 минути, а моделот поддржува и двонасочно полнење, како и влечење приколка со тежина до 2.000 килограми.

Со новиот „Peaq“, Шкода јасно ја покажува својата амбиција да стане еден од клучните играчи во сегментот на големи електрични семејни теренци.

Датумот на почеток на продажбата и цените ќе бидат објавени подоцна.

Извор: Б92

Тагови: Шкода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец затоа што предизвикал пожар во скопско, следува соодветна пријава

По целосно документирање на случајот ќе следува соодветен поднесок.

На 23.06.2026 во 17:35 часот во Скопје, на подрачјето на Бит Пазар, полициски службеници од СВР Скопје го лишија од слобода Д.У.(43) од Скопје, лице со здравствени проблеми, постапувајќи по претходна пријава дека во с.Горно Оризари, скопско, предизвикал пожар во плевна со сено. Нема повредени лица, а Бригадата за противпожарна заштита Скопје го изгаснала пожарот. По целосно документирање на случајот ќе следува соодветен поднесок.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цветаноски: Распад на здравството, толку нема пари што животот на децата со имунилошки болести е загрозен

Животот на децата со имунолошки болести е загрозен, поради административен и институционален хаос на власта на Мицкоски.

Нема медицински кадар на Детската клиника.

Распад на здравствениот систем кој не може ниту за здравјето на децата да се грижи.

Цената за потрошените пари во буџетот сега треба да ја платат дечињата?

Кочоска се правда дека доцна пристигнало барањето за согласност за вработување. Па зошто порано не се надминале административните пречки, особено кога се работи за живот на деца?

Вистината е дека согласности за вработување имало, и се барале дури од почетокот на оваа година, ама од финансии доцнел четири месеци.

Нема пари во Буџетот за нови вработувања, затоа што на оваа криминална и расипничка власт не и гиржа за здравјето на граѓаните, ниту за најмладите.

Овој хаос и неодговорност, оваа немаштија е на штета на децата. Детски животи се во прашање.

Каде ќе се лекуваат сега овие деца со специфична болест која бара редовна контрола и терапија?

Кој ја сега дели терапијата? Што треба да се случи, да почине дете поради административни пречки? Кој тогаш ќе понесе одговорност?

Ова е цената на неодговорните и расипнички политики на ВМРО и Мицкоски. Кризата со немањето пари во Буџеттот граѓаните ја чувствуваат и по цена на живот.

СДСМ бара веднаш да се најде решние, да се обезбедат соодветни вработувањата и да се обезбеди здравствена заштита на Детска клиника.

Скраете тендери дајте пари за дечињата.

Симона Цветаноски – членка на ИО на СДСМ

Тагови: Цветаноски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.