Светската јавност го познава по улогите во филмовите,,Пирати од Карибите”, ,,Тигар и змеј” и многу други. Најголемата азиска филмска ѕвезда Чоу Јун Фат (63) , со импресивна меѓународна кариера , живее скромно , а парите ги дава за хуманитарни цели.
Тој месечно троши околу 100 долари , купува гардероба на попусти , користи јавен превоз , а наместо во скапи ресторани , со сопругата излегуваат и се хранат на улични тезги.
Чоу деновиве ја шокира јавноста со гестот целото свое богатство кое изнесува 714 милиони американски долари , да го подари во хуманитарни цели.
,,Да се има многу пари , не значи да се биде среќен. Мојот сон е да бидам нормална и едноставна личност . Најтешката работа не е да се заработат многу пари , туку да се задржи мирната состојба на умот и остатокот од животот да се живее на едноставен и опуштен начин.” , тврди филмската ѕвезда.
Колку Чоу Јун Фат е едноставна личност говори фактот дека неодамна си купи паметен мобилен , откако по 17 години му откажа старата Нокиа.