Меѓу германските социјалдемократи расте притисокот Шолц да се повлече од трката за реизбор - Канал 5

Свет

Меѓу германските социјалдемократи расте притисокот Шолц да се повлече од трката за реизбор

Џо Вајнгартен и Јоханес Арлт се првите пратеници од германската Социјалдемократска партија кои јавно го поддржаа Писториус, кој е значително попопуларен од Шолц во анкетите, да се кандидира за канцелар.

Меѓу германските социјалдемократи расте притисокот Шолц да се повлече од трката за реизбор

Германскиот канцелар Олаф Шолц се соочува со зголемен притисок од сопствената Социјалдемократска партија „за да му го отвори патот на министерот за одбрана Борис Писториус да се кандидира за канцелар“, номиниран од партијата, на претстојните парламентарни избори, јави ДПА.

Џо Вајнгартен и Јоханес Арлт се првите пратеници од германската Социјалдемократска партија кои јавно го поддржаа Писториус, кој е значително попопуларен од Шолц во анкетите, да се кандидира за канцелар.

„Моето јасно мислење е дека треба да ја водиме изборната кампања со Борис Писториус“, изјави Вајнгартен за весникот „Зидојче цајтунг“.

Арлт, пак, за весникот „Тагешпигел“ изјави дека „Борис Писториус би бил одличен кандидат за канцелар на социјалдемократите“.

„Според мене, тој би бил идеален да ја води партијата во изборната кампања“, рече Арлт, додавајќи дека Писториус ја има „најкомплексната министерска функција“ и дека е способен „да им ги објаснува политичките одлуки на народот со едноставни и јасни зборови“.

Шолц ја објави својата намера повторно да се кандидира за функцијата во јули, неколку месеци пред колапсот на владејачката коалиција минатата недела, што ја постави земјата на пат кон предвремени избори, кои најверојатно ќе се одржат во февруари.

Канцеларот цврсто застана зад неговите планови. „ГСДП и јас сме подготвени да влеземе во оваа дебата, патем, со цел да победиме“, рече тој пред да полета синоќа за Бразил, каде што ќе се одржи самитот на Г20.

Раководството на партијата и Писториус го уверуваат Шолц за нивната поддршка.

„Олаф Шолц е канцелар. И секој кој е одговорен во ГСДП јасно стави до знаење во последните денови дека стоиме зад него“, рече во саботата копретседателот на ГСДП, Ларс Клингбејл.

„Имаме навистина исклучителен канцелар кој, во еден од најтешките моменти во историјата на републиката, ги презеде уздите во сложена констелација од три партии“, изјави Писториус за јавната телевизија А Ер Де, потврдувајќи ја својата поддршка за Шолц.

Писториус рече дека задачата сега е да се постигне добар резултат на изборите што се очекува да се одржат на 23 февруари: „Тоа е сè што е важно и сигурно нема да го постигнеме тоа ако почнеме да се расправаме за кандидатот за канцелар во наредните недели“, истакна Писториус.

Сепак, рејтингот на Шолц е под 20 проценти со недели и ГСДП моментално е зад конзервативниот блок во анкетите со 16-18 процентни поени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Најголем број на странски туристи во земјава се турски државјани, по нив се граѓани на Србија

Најголем број на странски туристи во земјава се турски државјани, по нив се граѓани на Србија

Најголем број странски туристи во септември во земјава дошле од Турција - вкупно 27.933. По нив во бројност се туристите од Србија со 8.358, потоа од Германија со над 6.000 и Полска со над 4.600 туристи.

Вкупно 136.305 туристи се евидентирани во земјава во септември годинава, а од вкупниот број туристи, скоро 25 проценти биле домашни, додека 75 проценти биле странски туристи.

Споредбено со периодот јануари – септември 2025 година, вкупниот број туристи е зголемен за 3 проценти притоа, бројот на домашните туристи бележи раст од 2,8 проценти, а на странските за 3 проценти, покажуваат податоците на државниот завод за статистика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пилешка салата

Во четврток (05.11.2026) во емисијата гостин ни бeше Иван Милевски.

„Гответе со Дракче“ - Пилешка салата

Состојки за денешниот рецепт:

250 гр. пилешки стек

5 - 6 кисели краставички

100 гр. сусам

150 гр. мајонез

масло

сол, бибер и др. зачини по избор

Прилог

потпечени лепчиња и шери домати

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лашкоска во Радовиш: Со инвестиции во водната инфраструктура до побезбедна животна средина и подобри услови за граѓаните

Заменик-министерката за животна средина и просторно планирање, Ане Лашкоска, денеска престојуваше во работна посета на Општина Радовиш, каде што оствари средба со градоначалникот Љупче Почивалец

Лашкоска во Радовиш: Со инвестиции во водната инфраструктура до побезбедна животна средина и подобри услови за граѓаните

Заменик-министерката за животна средина и просторно планирање, Ане Лашкоска, денеска престојуваше во работна посета на Општина Радовиш, каде што оствари средба со градоначалникот Љупче Почивалец, на која се разговараше за реализацијата на тековните и планираните инфраструктурни проекти, како и за натамошното унапредување на соработката меѓу Министерството за животна средина и просторно планирање и локалната самоуправа во општина Радовиш.

Во рамките на посетата, заменик-министерката Лашкоска и градоначалникот Почивалец извршија увид во реализацијата на проектот за уредување на речното корито на Ораовичка Река, за кој Министерството за животна средина и просторно планирање, преку Програмите за води за 2025 и 2026 година, има обезбедено 12 милиони денари. Реализацијата на овој проект има особено значење за подобрување на заштитата од поплави, намалување на ризиците од излевање на реката и унапредување на безбедноста на населението и околните имоти.

Посебно внимание на работната средба беше посветено и на планираниот проект за изградба на водоводна, фекална и атмосферска канализациска мрежа во Урбан блок 15 во Радовиш, чија реализација е предвидена со финансиска поддршка од Министерството за животна средина и просторно планирање. Овој инфраструктурен зафат претставува важен чекор кон подобрување на комуналните услуги, обезбедување посигурно водоснабдување и поефикасно управување со отпадните и атмосферските води.

На средбата беше нагласено дека успешното спроведување на инфраструктурните проекти бара континуирана координација и партнерство меѓу централната и локалната власт, со јасно утврдени приоритети кои произлегуваат од реалните потреби на населението.

„Граѓаните не ја мерат успешноста на институциите само според вложените средства, туку според подобрувањата што ги чувствуваат во своето секојдневие. Токму затоа, секој реализиран проект, секој метар изградена водоводна или канализациска мрежа и секое уредено речно корито за нас претставуваат вложување во нивната сигурност, здравје и поквалитетен живот. Нашата цел е инвестициите во животната средина да бидат видливи преку конкретни придобивки за граѓаните и да создаваат трајни вредности за идните генерации“, истакна заменик-министерката Лашкоска.

Во таа насока, Министерството за животна средина и просторно планирање и во 2027 година ќе продолжи да ја развива соработката со Општина Радовиш, со фокус на реализацијата на приоритетните инфраструктурни проекти, одговорното управување со водните ресурси и натамошното подобрување на условите за живот на локалното население.

МЖСПП посветено работи преку континуираните инвестиции, одговорното управување со природните ресурси и партнерството со локалните самоуправи, создава долгорочни решенија за еколошките и инфраструктурните предизвици, со јасна цел – побезбедни населени места, почиста животна средина и подобар квалитет на живот за сегашните и идните генерации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер