Забава

Мегапопуларниот актер Вин Дизел обвинет за сексуално вознемирување од асистентката

Холивудската ѕвезда, актерот Вин Дизел е обвинет за сексуално вознемирување и обид за силување, откако неговата асистентка излезе со детали за кобната ноќ во хотелот.

Поранешната асистентка на Вин Дизел, Аста Јонасон, поднесе тужба против него, тврдејќи дека сексуално ја нападнал во септември 2020 година во хотелот Сент Реџис во Атланта. Тужбата, која беше поднесена пред судот во Лос Анџелес, дава грозоморни детали. „Vanity Fair“ имал пристап до тие документи.

Аста Јонасон изјави дека актерот Вин Дизел ја поканил во неговиот стан откако се вратил од клубот со хостесите. Откако другите жени си заминале, Дизел, чие вистинско име е Марк Синклер, наводно ја фатил за рацете и ја повлекол на креветот.

„Госпоѓа Џонасон се плашела по грубо да го одбие својот претпоставен, знаејќи дека е критично за нејзината безбедност и безбедноста на нејзината работа да го извлече од собата.

Но, се паднало во „вода“ кога Вин Дизел паднал на колена, го подигнал фустанот на Аста до половината и го допирал нејзиното тело, поминувајќи со рацете преку горниот дел од ногата, а потоа по внатрешниот дел на бутот.

Во еден момент Аста успеала да побегне во бањата, но актерот ја стигнал и успеал да и ја фати раката која ја ставил на неговиот пенис во ерекција - Дизел потоа мастурбираше, се вели во тужбата.

„Преплашената г-ѓа Џонсон ги затвори очите, обидувајќи се да се одвои од сексуалниот напад и да избегне да го налути актерот.

Во тоа време, Џонасон дипломирала во Лос Анџелес, а инаку Аста работела во неговата компанија „One Race“, додека неговиот филм „Fast Five“ бил во фаза на продукција.

Нејзината работа била да организира забави, да ја придружува филмската ѕвезда на приеми и да се погрижи да биде „блиску“ до него кога тој се фотографирал со други жени. Сепак, Јонасон тврди дека била отпуштена неколку часа откако Дизел ја нападнал.

Таа го тужи актерот и за родова дискриминација, намерно нанесување емоционален стрес, непријателско работно опкружување, незаконско отпуштање и одмазда.

Поранешната асистентка наведува дека доживеала и продолжува да „трпи понижување, емоционално страдање и душевна и физичка болка и непријатност.

Приватната тужба е поднесена во Врховниот суд во Лос Анџелес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Почнува 48. Илинденски коњички марш, коњаниците тргнуваат од Горно Лисиче кон Крушево

Околу 40 коњаници, меѓу кои и пет девојки, вечерва во 18 часот, од дворот на црквата „Св. Петар и Павле“ во Горно Лисиче, ќе тргнат кон Крушево.

Околу 40 коњаници, меѓу кои и пет девојки, вечер, во 18 часот, од дворот на црквата „Св. Петар и Павле“ во Горно Лисиче, ќе тргнат кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

Општина Аеродром ги поканува граѓаните да присуствуваат на свеченото испраќање на учесниците на 48. Традиционален Илинденски коњички марш, што ќе се одржи во пресрет на одбележувањето на големиот државен празник – 2 Август, Илинден, во организација на Здружението на граѓани „Илинденски марш 1978“.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гостивар се очекува денеска да добие техничка вода

По една недела ограничено користење на водата и интензивни активности за санација на водоводниот систем, Гостивар денеска се очекува повторно да добие технички исправна вода за употреба.

Премиерот Христијан Мицкоски информираше дека последните анализи по спроведеното хиперхлорирање на водоводната мрежа покажуваат подобрување на состојбата, а надлежните институции треба официјално да ја потврдат исправноста на водата за техничко користење.

„Екипи од Скопје од Водовод се во Гостивар, работат на хиперхлорирање на инсталациите. Резултатите се веќе добри и очекувам да излезе соопштение дека водата е технички исправна за користење. Во рекорден рок од една недела тоа се санираше“, изјави Мицкоски.

Тој додаде дека Владата ги презела сите мерки што биле во нејзина надлежност, додека за утврдување на евентуална одговорност за состојбата во Гостивар надлежно е Јавното обвинителство.

„Целосната одговорност и ингеренциите за тоа што се случи во Гостивар се кај ЈО, а тие понатаму ќе утврдуваат дали има потреба од дополнителна одговорност“, рече премиерот.

Во однос на критиките од опозицијата, Мицкоски порача дека Владата останува насочена кон решавање на проблемите и обезбедување нормални услуги за граѓаните.

Кризата со водоснабдувањето во Гостивар започна минатата недела, откако по појавата на повеќе случаи на гастроентеритис беше прогласена епидемија и започна истрага за можно загадување на водоводниот систем.

Во рамките на истрагата беа приведени директорката на гостиварското јавно комунално претпријатие Артана Асани, техничкиот директор Леон Мезини и раководителот на секторот за водоснабдување Вадедин Даути.

Поради проблемите со водата беа организирани пунктови и цистерни за техничка вода, а помош пристигна и од повеќе општини, Армијата и државните институции кои обезбедуваа вода за населението.

Во меѓувреме, стручни екипи од скопски „Водовод“ спроведоа дополнителни анализи и хиперхлорирање на системот со цел отстранување на микробиолошката контаминација и целосно нормализирање на состојбата.

Според најавите, безбедна вода за пиење гостиварци треба да добијат откако ќе бидат завршени сите контролни анализи и ќе биде потврдена целосната исправност на системот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од утрово штрајк на грчките цариници- затворени се граничните премини

Грчките царински служби денеска ќе штрајкуваат, поради што се очекуваат големи гужви на граничните премини Евзони, Дојран и Ники.

Патниците што патуваат во Грција или се враќаат од таму треба да очекуваат бавен сообраќај и подолги застои на одредени гранични премини поради штрајкот на грчките царински служби.

Според достапните информации, прекинот на работата се однесува на премините Евзони, Дојран и Ники.

На премините Евзони (Богородица), Дојран (Дојрани) и Ники (Меѓитлија), патничките возила ќе бидат пропуштени еднаш на секои 10 минути во периодот од 6 до 10 часот по грчко време, додека товарниот сообраќај е целосно прекинат.

Поради овој режим, се очекуваат подолги застои и формирање редици, особено на преминот Евзони, кој е најфреквентен за туристите кои патуваат во одморалиштата во Грција.

Туристичките организации им советуваат на возачите да ја проверат состојбата на граничните премини пред поаѓање, да испланираат дополнително време за патувањето и да бидат подготвени за евентуални чекања.

Иако се очекува дека по завршувањето на штрајкот, сообраќајот постепено ќе се нормализира, зголемениот број возила би можел да предизвика застои во текот на остатокот од денот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.