Меган Маркл изненади со новиот изглед: Правела пластични операции? - Канал 5

Живот

Меган Маркл изненади со новиот изглед: Правела пластични операции?

Меган Маркл изненади со промената на имиџот на првото појавување во јавноста откако беше објавено дека нема да присуствува на крунисувањето на кралот Чарлс.

Меган Маркл изненади со новиот изглед: Правела пластични операции?

Војвотката од Сасекс го претстави ТЕД говорот на нејзината пријателка и фотографка Хариман во видео обраќање.

Многумина беа изненадени што 41-годишната Меган се појави со посветла боја на косата во црвеникава нијанса и минимална шминка на лицето. Токму нејзиното лице привлече најголемо внимание, поради што многу корисници на социјалните мрежи почнаа да шпекулираат дали направила козметички зафати.

„Пластична хирургија?“, „Тажната Меган Маркл навистина сака да биде Кејт Мидлтон“, „Таа е толку опседната и љубоморна на принцезата од Велс што носи контактни леќи со лешникова боја за да личи на Кејт“, „Не знам дали е филтерот или тоа е навистина добар коректор, но нејзините темни кругови изгледаат многу подобро“, се само дел од реакциите на луѓето на Твитер.

За потсетување, Маркл неодамна проговори за писмата кои ги праќала до кралот Чарлс по интервјуто со Опра Винфри. Во писмата до кралот, кој тогаш беше принц од Велс, Меган го именувала лицето кое давало расистички коментари за изгледот на нејзиниот син Арчи.

Вестите за писмата се појавија во медиумите две недели пред крунисувањето на новиот британски крал, на кое Меган нема да присуствува. Војвотката од Сасекс ги негирала наводите дека писмата имале некаква врска со тоа што таа не присуствувала на крунисувањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Можни нови удари по Иран по среднорочните избори во САД

Америка ги предупредила своите сојузници на Блискиот Исток да бидат подготвени за нови можни удари по Иран.

Можни нови удари по Иран по среднорочните избори во САД

Според американскиот медиум Волстрит џурнал – нападите би можеле да продолжат откако ќе се оддржат среднорочните избори во САД следната недела.

Како што се наведува во американскиот медиум, претседателот Доналд Трамп се уште не донел конечна одлука дали ќе ги започне нападите, а шефот на иранската дипломатија – Абас Арагчи нагласил дека Иран се уште нуди шанса за дипломатски обиди за деескалација.

Мировниот план кој го нуди Техеран, според Арагчи, би го отворил ормускиот теснец доколку САД ги исполни условите наведени во предлогот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерката за европски прашања на средба со претставници на француската амбасада: Реформите мора да донесат конкретни резултати

Заменик министерката за европски прашања, Викторија Трајков, оствари средба со Филип Маршето, заменик-амбасадор на Република Франција и францускиот експерт Жером Кел.

Заменик-министерката за европски прашања на средба со претставници на француската амбасада: Реформите мора да донесат конкретни резултати

Во фокусот на разговорот беа реализираните реформи и активностите на институциите за спроведување на Реформската агенда и приоритетите за наредниот период.

„Нашата цел е реформите да не останат само обврски на хартија, туку да донесат мерливи резултати, поефикасни институции и подобри услуги за граѓаните. Посветени сме на спроведување на Реформската агенда 2024–2027 и исполнување на европските стандарди преку конкретни активности, јасна одговорност и континуирано следење на постигнатото“, истакна Трајков.

На средбата беше нагласена важноста на соработката со Франција, размената на експертски искуства и континуираниот дијалог во поддршка на реформскиот процес и европската интеграција на нашата земја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху води на изборите, но нема мнозинство за влада

Досегашните преброени гласови од изборите за Кнесетот во Израел покажуваат дека Бенјамин Нетанјаху е во водство.

Нетанјаху води на изборите, но нема мнозинство за влада

Со преброени 85 проценти од гласовите, неговиот блок предводен од партијата Ликуд, се очекува да освои 53 пратенички места.

Главниот ривал на Нетанјаху – поранешниот началник на генералштабот на армијата – Гади Ајзенкот и неговиот опозициски блок, е на пат да освои 48 места. Арапските партии, според резултатите, би можеле да освојат рекордни 19 места. За мнозинство во Кнесетот, кој има 120 пратеници, потребни е 61 освоено место.

Нетанјаху и Ајзенкот најавија дека ќе се обидат да формираат владина коалиција, а не се исклучува и влада на национално единство, бидејќи повеќето еврејски партии ја отфрлаат можноста за соработка со арапските партии. Сè уште не се преброени меѓу 430.000 и 480.000 гласачки ливчиња. По конечните резултати се очекува претседателот Исак Херцог да се консултира со политичките партии, а доколку не биде формирана влада, израел би можел да оди на нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер