Маж испалнирал и извел речиси совршено убиство, полицијата го фатила поради мала грешка - Канал 5

Живот

Маж испалнирал и извел речиси совршено убиство, полицијата го фатила поради мала грешка

Универзитетски истражувач билч блиску да се извлече со „совршено убиство“ во Конектикат пред една мала грешка да доведе до негово апсење.

Маж испалнирал и извел речиси совршено убиство, полицијата го фатила поради мала грешка

На 6 февруари 2021 година, студентот од Јеил, Кевин Џианг, бил застрелан и убиен во Њу Хевн.

Неговиот автомобил бил погоден одзади, пред Џианг да биде застрелан осум пати, во нешто што првично се чинело дека е сообраќаен судир.

Меѓутоа, истрагата утврдила дека убиството не било случајно, туку дека студентот бил намерно убиен, што на крајот довело до апсење на истражувачот на вештачката интелигенција Чинкван Пан.

Џианг имал диплома по наука за животна средина на Универзитетот Јеил, бил армиски ветеран и се верил со девојката Зион Пери само неколку недели пред неговата смрт.

Убиството е делумно снимено со надзорна камера од блиската куќа, а на снимката се гледа како црн теренец удира во Тојота Приус на Џианг. Неколку моменти подоцна, студентот бил смртно застрелан.

Пан бил запрен подоцна истата ноќ, откако неговиот џип се заглавил на ледената железничка пруга, меѓутоа, полицијата не била свесна за убиството и му дозволила да организира камион за влечење да го придвижи возилото.

Дури следниот ден иследниците почнале да ги поврзуваат точките, кога од возилото на Пан биле фрлени кеси во кои се чинело дека е оружјето за убиство.

Куршумите од калибар 45 се совпаѓаат со доказите пронајдени во серијата пукотници во областа, што се случиле кон крајот на 2020 година.

Властите му се обратиле на Пан како осомничен и откриле дека тој е пријател на Зион Пери, а двајцата се познавале додека учеле на Технолошкиот институт во Масачусетс (МИТ).

Врската била доволна за Пан да биде осомничен. Инспекторите, исто така, веруваат дека тој е одговорен за претходните пукотници во областа и ги извршиле за да направат убиството на Џианг да изгледа случајно.

„Ова не беше случаен инцидент, тој беше мета“, објасни главниот детектив Давид Завески.

Властите се обиделе да го најдат во куќата на неговите родители, но таму немало никој. Неговите родители, исто така, повлекле голема сума пари и отишле на патување на југ со нивниот син по убиството, но тврделе дека немаат поим каде бил тој кога властите ги пронашле.

Извесно време се чинело дека Пан се извлекол со совршеното злосторство, додека неговата мајка не направила клучна грешка.

Откако му се јавила на нејзиниот син преку телефон на вработен во хотелот, полицијата успеала да го пронајде повикот до Монтгомери, Алабама и до Пан.

Полицијата го уапсила, тој признал дека го убил Џијанг и бил осуден на 35 години затвор.

Објаснувањето како Пан бил запрен на шините на крајот е клучниот доказ што им требал, Завески додаде: „Можеше да се извлече. Да не беше фатен на тие шини... ќе беше многу тешко“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер