Матеја Ефремовска не се штеди себе си и вложува во атлетиката - Канал 5

Други спортови

Матеја Ефремовска не се штеди себе си и вложува во атлетиката

  Атлетиката е врвен приоритет за младата кумановка Матеја Ефремовска. 

Матеја Ефремовска не се штеди себе си и вложува во атлетиката

Таа е државен шампион во повеќе дисциплини, македонска репрезентативка и вљубеничка во спорот. Атлетика тренира веќе 13 години. Дневно на атлетскиот полигон во близина на Соколана, Куманово, поминува од три до четири часа, некогаш и два пати дневно во зависност од временските услови. Не се штеди себе си и се вложува во атлетиката, за што има освоено награди и признанија на државно и меѓународно ниво.

– Од малечка имам љубов кон спортот, а бев натпреварувачки настроена со голема желба за победување. Потоа дојде мотивацијата за постигнување лични и државни рекорди, а денес најголема мотивација ми е одличен настап за атлетската репрезентација и претставување на Македонија во најдобро светло,вели Ефремовска за МИА.

За неа атлетиката е приоритет. И покрај редовните обврски како студент во Кина, таа секојдневно тренира колку и да се чувствува изморено никогаш не пропушта тренинг. Покрај дневните вежбања, дополнително одвојува најмалку еден час за одредени вежби за истегнување, техники за регенерација.

– Тренирав повеќебој на почетокот и тоа ми даде можност да се усовршам и да се натпреварувам во повеќе дисциплини. Бев повеќекратен младински првак во скок во височина, скок во далечина, трискок, 100 м пречки, но и во фрлање ѓуле и фрлање диск. Во овие дисциплини имам учество на балкански првенства со репрезентацијата. Подоцна се фокусирав на фрлање диск каде сум државен првак шест години по ред, без ниту еден пораз, во оваа дисциплина сум и младински и сениорски рекордер. Од минатата година повторно се натпреварувам во скок во далечина, покрај трискок и во овие две дисциплини сум државен шампион. Исто така во трискок сум седум години без пораз, вели Матеја.

Таа учествувала и на европските олимписки игри, што за неа е незаборавно, непроценливо искуство. За таков момент, додава таа, вредат вложувањата и жртвите.

– Моментот кога ќе излезеш на таков грандиозен стадион пред илјадници луѓе и сите ти ракоплескаат е незаменливо, раскажува Ефремовска. За неа најголеми успеси се државните рекорди, во трискок е младински рекордер, а во диск младински и сениорски рекордер.

– Ако треба да издвојам еден успех тоа е соборувањето на државниот рекорд кој беше 40 години стар. Бидејќи имам тренирано повеќе дисциплини, сите ги сакам на некој начин, но најмногу дисциплините скок во далечина и трискок, вели атлетичарката.

Дваесет и петгодишната кумановка е државен првак во повеќе дисциплини и возрасни категории. Настапувала во репрезентацијата во осум дисциплини, на меѓународните натпревари како член на репрезентацијата од 2011 во различни возрасни категории, на балкански првенства, на европски куп, на европски олимписки игри во Баку. И на меѓународните натпревари освојувала награди и медали.

Изразува жалење што не се одржува повеќебој кај нас, бидејќи вели бев успешна во повеќе дисциплини.

Таа е член на Атлетски клуб Куманово каде тренира од почетокот со тренерот Филип Колевски. Во Куманово со изградбата на ателетската патека има услови за развој на атлетиката, но како што вели Ефремовска во ниту една сала во државата нема атлетска патека.

Вежбите ги комбинира со здрава исхрана која се базира на високо ниво протеини, овошје, зеленчук, јаткасти плодови и одредена количина здрави масти. За неа, вели пресуден е здравиот начин на исхрана што и дава енергија за вежбање и тренинг.

Оваа млада студентка која претходно го усовршила кинескиот јазик, запишала студии-бизнис насока, но поради пандемијата сега ја следи наставата онлајн. И таму вежбала, иако признава дека и бил исцрпувачки период поради многубројните обврски на факултетот. Таа ќе продолжи да се усовршува и да постигнува врвни резултати во атлетиката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер