Маск објави мапа за фертилитетот во Европа: Косово единствено во зелено, а еве колкав процент има Македонија - Канал 5

Свет

Маск објави мапа за фертилитетот во Европа: Косово единствено во зелено, а еве колкав процент има Македонија

Милијардерот и поранешен соработник на американскиот претседател Доналд Трамп, Илон Маск, сподели на својот профил на социјалната мрежа X интересна мапа во врска со состојбата на фертилитетот во Европа.

Маск објави мапа за фертилитетот во Европа: Косово единствено во зелено, а еве колкав процент има Македонија

– Или Европа ќе почне да има големи семејства, или ќе продолжи да изумира – напиша Маск покрај мапата.

На мапата се прикажани европските земји и бројките според очекуваниот број на деца по семејство. Се вели дека стапката под едно дете е „исклучително ниска“, до едно дете е „ниска“, до 1,5 деца е „недоволна стапка“, до 1,9 деца е „блиску до стапката на замена“, а повеќе од 2,1 дете е „над стапката на замена“.

Можеби ќе ве интересира:

Маск се подбива со Трамп за случајот Епстајн: Каде е ветената листа на клиенти?

Бројки што откриваат кога би можел да се случи колапс на ЕУ поради нискиот наталитет

И како што може да се види на мапата, голем дел од Европа е „во црвено“, а Украина се издвојува со најлоша состојба, каде очекуваниот број на деца по семејство е 1,0.

Во западниот дел на Стариот континент, Франција се истакнува со стапка од 1,63, што е една од најдобрите статистики во Европа.

Балканот над просекот во Европа

Балканот исто така се издвојува, каде што поголемиот дел од земјите имаат стапка од 1,5 или повеќе.

Босна и Херцеговина е во средината со 1,58, Србија (1,61), а Црна Гора (1,79).

Малку послаба е Албанија со стапка на наталитет од 1,38 деца по семејство и се наоѓа во црвената зона. Но, „апсолутен европски рекордер“, според мапата, се смета Косово, кое има повисока стапка (1,9).

Можеби ќе ве интересира: Македонија во длабока демографска старост

Иако нашите соседи имаат нешто подобар процент од нас, Македонија е во црвеното, и тоа со (1,48). Покрај овие, Молдавија има (1,66), а Бугарија (1,72) исто така имаат стапки над „црвеното“ ниво.

Од друга страна, освен Украина, Шпанија (1,12), Литванија (1,13) и Естонија (1,17) се „на дното на европската листа“, пренесува Бизпортал.

Тагови: Европа Илон Маск наталитет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пилешко во соја сос

Во четврток (28.05.2026) во емисијата гостин ни бeше Андријана Ади Костадиновски

„Гответе со Дракче“ - Пилешко во соја сос

Состојки за денешниот рецепт:

250 гр. пилешки стек

1 морков

1 тиквичка

1 главица кромид

1 страк праз

200 гр. шампињони

3 лажици соја сос

малку буковка

малку сусам

масло

сол и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

УЈП ја започнува третата фаза од проектот е-фактура!

Во првата фаза се тестираше интеграцијата на ЕРП системите на компаниите со системот е-Фактура.

УЈП ја започнува третата фаза од проектот е-фактура!

Стартува третата фаза од проектот е-Фактура, во рамки на која Управата за јавни приходи овозможува тестирање на системот е-Фактура преку веб апликација, со цел компаниите да добијат пристап до практична тест околина за електронска размена на фактури.

Во првата фаза се тестираше интеграцијата на ЕРП системите на компаниите со системот е-Фактура.

Во втората фаза се додадени API сервиси за преземање, прифаќање, одбивање и сторнирање на е-Фактура и се овозможи тестирање на повеќе даночни индикатори. Со овие измени се промени структурата на API повиците и JSON форматот, поради што компаниите повторно ги прилагодија своите системи согласно новите спецификации објавени на https://efakturawiki.ujp.gov.mk

Во третата фаза, се преминува на веб апликација, преку која секоја компанија – мала, средна или голема, може едноставно да тестира креирање на документ, испраќање, прифаќање, одбивање и сторнирање. Апликацијата овозможува тестирање на општата фактура со 12 даночни индикатори. Со веб апликацијата се овозможува поедноставен пристап до тест околина за сите деловни субјекти, независно од нивната големина или техничка подготвеност, а воедно се поттикнува постепена подготовка за примена на системот за е-Фактура.

Воедно, со цел тестирањето да биде структуирано, Управата за јавни приходи воспостави соработка со околу 200 компании - избрани тестирачи, коишто во соработка со назначени даночни агенти од УЈП ќе спроведуваат структуирано тестирање. Притоа, ќе се тестираат избрани тест сценарија и компаниите континуирано ќе доставуваат повратни информации до Управата за јавни приходи.

Управата за јавни приходи континуирано спроведува едукативни средби за компаниите преку стопанските комори, бизнис заедницата и останати здруженија. Досега се одржани приближно 30 информативно-едукативни средби, на кои беа презентирани клучните аспекти на системот и процесите поврзани со е-Фактура.

Во соработка со Стопанските комори, во наредниот период предвидено е организирање дополнителни средби со компании во повеќе региони низ државата, со цел нивно подетално запознавање со функционалностите и начинот на користење на системот е-Фактура.

Во наредниот период исто така ќе бидат објавени и вебинар и детално упатство, кои ќе им послужат како дополнителна поддршка на сите компании што самостојно ќе ги тестираат процесите за креирање и размена на е-Фактури.

Управата за јавни приходи ги повикува компаниите активно да ја тестираат веб-апликацијата и да доставуваат забелешки, предлози и препораки за нејзино понатамошно подобрување, како и предлози за дополнување и унапредување на даночните индикатори и функционалностите на системот.

Особено е важно да потенцираме дека и оние компании кои немаат назначено даночен агент, ги охрабруваме да пробуваат и да пристапат кон тестирање на функционалноста на системот, како и навремено да пријават евентуални забелешки или технички потешкотии.

Корисни информации за тестирањето:

• Потребна документација: https://efakturawiki.ujp.gov.mk

• Регистрација и доделување привилегии: https://eujptest.ujp.gov.mk/ureg

• Тест платформа за е-Фактура: https://efakturatest.ujp.gov.mk

• Контакт за поддршка: [email protected]

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Српскиот тренер Александар Саша Ѓорѓевиќ се враќа во Турција

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер