Основачката на непрофитабилната организација и семејна пријателка, Џенифер Хауел даде изјава во официјален документ, додавајќи дека станала блиска пријателка со сестрата на Амбер, Витни Анрикез, додека била нејзин шеф од 2014-2016 година. Таа се запознала и со покојната мајка на актерката Пејџ, која, наводно, многу зборувала за врската на Амбер со основачот на „Спејс X“.
Хауел рече под заклетва: „Додека гостував кај Витни, Пејџ ми рече дека Муск и дал на нејзината ќерка Тесла или неколку Тесла автомобили, но Амбер откри дека имало поставено уред за прислушување“.
Таа додаде дека Пејџ го опишала Маск како опседнат со контрола, а за Деп рече дека е ангел и светец и се надева дека тој и нејзината ќерка ќе се помират.
Денеска, сестрата на Амбер тврди дека она што го кажувала Хауел е бизарно и целосно измислено. „Дејли меил“ дознава дека сестрите биле особено вознемирени затоа што се споменува нивната мајка, која починала во мај.
Претставниците на Маск не сакале да ги коментираат наводите, но неофицијално се знае дека тој ја опишал изјавата на Хауел како „чиста имагинација“ и додал дека Амбер рекла само убави работи за него.
Во интервјуто што го даде овој викенд, тој негира дека спиел со Амбер зад грбот на Деп и додаде дека обвинувањата за прељуба се производ на тужбата на Деп против таблоидот The Sun и се целосна лага.
Тој сепак тврди дека се впуштил во врска со Амбер кога ги прекинала сите врски со Деп, и покрај сведочењето на домаќинот на зградата во која живееле Деп и Амбер, кој го видел Маска како доаѓа кај актерката.
Хауел додаде во изјавата дека Пејџ и рекла дека Џони и Амбер раскинале затоа што нејзината ќерка била насилна и толку многу го сакала актерот што не можела да се контролира.
„Бев изненадена од тој разговор што се случил неколку месеци по разводот. Витни ми рече дека Амбер и Џони сè уште се во контакт и дека тоа е вистинска љубов“, рече таа.