Марин Докузовски: Навистина не ми е јасно зошто сум казнет, па уште и со шест месеци - Канал 5

Кошарка

Марин Докузовски: Навистина не ми е јасно зошто сум казнет, па уште и со шест месеци

Најтрофејниот тренер во македонската клупска кошарка предводникот на Работнички Марин Докузовски експресно реагираше по вчерашната суспензија во траење од шест месеци добиена од Дисциплинската комисија при МКФ поради прекинот на вечното дерби меѓу Работнички и МЗТ Скопје.

Марин Докузовски: Навистина не ми е јасно зошто сум казнет, па уште и со шест месеци
Според одлуката на дициплинците стратегот на Работнички Докузовски , неговиот помошник Марјан Србиновски и претседателот на тимот се главните виновници за овој прекин.

Триото на Работнички доби ригорозни казни, Докузовски е суспендиран на шест месеци, Србиновски доби казна во траење од три месеци , а најлошо мина претседателот на Работнички Горан Геровски кој дури една година ќе мора да биде надвор од кошарката.

На оваа одлука со соопштение кое во го пренесуваме во целост реагира Марин Докузовски.

Јас сум професионалец, чии ингеренции почнуваат и завршуваат на теренот, во работата со играчите. Навистина не ми е јасно зошто сум казнет, па уште и со шест месеци. Па, зарем верувате дека има барем еден тренер во светот кој не би дозволил продолжување на натпреварот во кој неговата екипа води со 16 поени разлика и тоа на 13 минути до крајот. Што сум јас, будала за да се предадам во една таква ситуација? Но, ако некој смета дека работите ќе тргнат на подобро во македонската кошарка ако шест месеци бидам надвор од неа, тогаш нека. Јас не се чувствувам виновен и поради тоа немам намера да се жалам до Арбитражата.

И, ете, ме казнивте, и сега што? Излегува дека сите се добрите, а само јас лошиот. А, зашто во записникот никаде не стои дека заедно со капитенот Петровски и со најискусниот Гечевски буквално го молевме првиот судија да го продолжи натпреварот. Дека од него баравме да се врати на паркетот. Зошто никаде не е наведено неговото арогантно однесување и не сакање воопшто да разговара со нас? Зошто не е казнет комесарот за натпреварување, кој наместо да се крие по паркинзи мораше да биде на местото на настанот и да помага за спортско решавање на проблемот?

Сето ова се легитимни прашања на кои никој не се обиде да одговори. Но, важно јас сум обележан како виновник и казнет со шестмесечна суспензија. Па уште таа да ти била демек ублажена поради фактот што сум бил четврти во Европа. Воопшто не морале да го направат тоа, кога веќе сметале дека сум виновен за нешто што ниту еден тренер во светот не би се решил да го направи – да им забрани на играчите на излезат на паркетот во една речиси добиена ситуација против исклучително силен противник.

Знам само дека до 2011 година, кога го направивме историскиот успех во Литванија, немаше политичари во македонската кошарка. Можеби и затоа направивме таков неверојатен резултат. Сега, пак, ситуацијата во клубовите е поинаква, а резултатите на репрезентацијата полоши. Можеби има некаква поврзаност, кој знае, пишува во соопштението на екс селекторот Марин Докузовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Откриено зошто портпаролката на Трамп беше отпуштена по само пет дена

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Microsoft“ ги изненади сите со својот најмал „Xbox“ контролер

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери ​​со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Паника во Русија: Шпионски авион кружел со часови во близина на границата

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер