Потребни состојки: 350 гр. брашно, 1 квасец, 1 пециво, 3 јајца, 200 гр. сирење, малку сода бикарбона, малку масло, 2 лажици шеќер, ½ маргарин, 200 мл. кисело млеко и 3 чешни лук.
Постапка:
Во подлабок сад со брашно се става: 1 квасец, 1 пециво, 1 јајце, малку сода бикарбона, малку масло, 2 лажици шеќер, малку млака вода и се замесува тесто.
Тестото треба добро да се измеси.
Откако ќе се измеси се удира 10-тина пати од маса и се остава да отстои 15-тина минути.
Тестото се расукува во подебела кора и се прекрива со рендан маргарин.
Кората се расекува на 6 места и добиените делови се преклопуваат едни врз други.
Добиеното тесто повторно се расукува во подебела кора и се прекрива со рендан маргарин.
Кората се сече на коцки и врз секоја коцка се става фил од 2 матени јајца и сирење.
Потоа се формираат мантиите и се ставаат во тепсија премачкана со масло.
Се печат околу 15 минути во загреана рерна на 200 степени.
Додека се печат мантиите се подготвува смеса од кисело млеко, рендан лук и малку масло.
Откако ќе се испечат мантиите се прелеваат со добиената смеса.