Манифестацијата за палење на олимпискиот оган за ЗОИ „Милано Кортина 2026“ ќе се одржи во затворен простор - Канал 5

Живот

Манифестацијата за палење на олимпискиот оган за ЗОИ „Милано Кортина 2026“ ќе се одржи во затворен простор

Манифестацијата за палење на олимпискиот оган во античка Олимпија за ЗОИ „Милано Кортина 2026“, поради временските услови ќе се одржи во затворен простор.

Манифестацијата за палење на олимпискиот оган за ЗОИ „Милано Кортина 2026“ ќе се одржи во затворен простор

Во затворен простор, во Археолошкиот музеј во античка Олимпија наместо во храмот на божицата Хера, поради лошите временски услови ќе се одржи в среда церемонијата за палење на олимпискиот оган за ЗОИ „Милано Кортина 2026“, јави дописничката на МИА од Атина.

Олимпискиот оган, традиционално се пали од зраците на сонцето во храмот на божицата Хера во античка Олимпија на грчкиот полуостров Пелопонез, онаму каде што пред 2.800 години беа одржани првите антички олимписки игри.

Ден претходно се одржува генералната проба, запалениот оган се чува, доколку времето на денот на церемонијата е облачно и без сонце.

Оваа година, како што соопштија од Грчкиот олимписки комитет, „поради лошите временски услови предвидени за вторник, 25 ноември, и среда, 26 ноември“, двете планирани манифестации, наместо на отворено, во храмот на божицата Хера, ќе се одржат на затворено, во просторот на Археолошкиот музеј во античка Олимпија.

- Оваа промена беше оценета како неопходна за безбедноста на сите и за да се зачува престижот на церемонијата, соопштија од Грчкиот олимписки комитет и паралелно изразија жалење за промените, со оглед на тоа што нема да биде можно присуство на публика.

Олимпискиот оган од античка Олимпија во периодот од 26 ноември до 4 декември штафетното ќе патува низ цела Грција, ќе помине 2.200 километри, 23 префектури и седум региони, со 36 церемонии и вклучени 450 лица што ќе го пренесуваат факелот, придружени од 15 возила и 40 претставници на Грчкиот олимписки комитет.

Штафетата ќе помине низ низа градови во цела Грција и на 4 декември ќе пристигне во Атина, каде што на свечена манифестација отворена за јавноста на стадионот Панатенаик, олимпискиот оган ќе му биде предаден на Организацискиот одбор на ЗОИ „Милано Кортина 2026“,

Првиот факел од античка Олимпија ќе го преземе освојувачот на бронзен медал во веслање на Олимписките игри во Париз, Петрос Гајдаѕис.

Зимските олимписки игри во Милано и Кортина ќе се одржат од 6 до 22 февруари 2026 година.

Тагови: олимписки оган Милано Кортина 2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер