Манекенка на удар на јавноста, откако објави фотографија со бурка: Извинете, не гледам вести - Канал 5

Живот

Манекенка на удар на јавноста, откако објави фотографија со бурка: Извинете, не гледам вести

Манекенката, актерка и активистка Лили Кол се извинила зашто објави фотографија на која позира во бурка со намера да ја промовира својата нова книга, пишува Би -Би -Си.

Манекенка на удар на јавноста, откако објави фотографија со бурка: Извинете, не гледам вести

Кол рекла дека разбира зошто фотографијата ги вознемирила луѓето и сака да се извини ако повредила некого.

Критичарите велат дека позирањето во облеката што ја носат некои муслимански жени не е препорачливо со оглед на сегашните немири во Авганистан.

Кол ја објавила фотографијата додека Авганистан бил преземан од талибанците, а се бранеше со тоа дека не гледала вести и не знаела што се случувало во тоа време.

На една фотографија, таа позира со сина бурка која го покрива лицето и телото, а на друга ја отстранила бурката и го открива лицето.

„Ја прифаќаме различноста на сите нивоа - биодиверзитет, културна разновидност, разновидност на мислења, разновидност на гласови, разновидност на идеи“, напишала таа тогаш.

Колумнистката на Тајмс, Џенис Тарнер ја обвини Кол дека „го става Инстаграм пред универзалните човекови права“, а Анјум Пербакос, ко-основачка на подкастот Хиџаби рече дека фотографиите се одраз на непочитување.

"Тоа не е моден додаток. Таа облека е верски симбол и се носи и се користи како таков", рекла таа.

Кол подоцна ја избришала фотографијата и се извинила за нејзината приказна на Инстаграм.

"Оваа недела објавив стари фотографии на кои носам бурка позајмена од пријателка. Не ги читав вестите во моментот кога ги објавив, па тајмингот воопшто не беше добар и ви благодарам што ми укажавте на тоа. "

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски маринец загинал за време на воена вежба во Јапонија

Американски маринец починал по инцидент за време на воена вежба на јапонскиот остров Окинава.

Американски маринец загинал за време на воена вежба во Јапонија

Оваа информација денеска ја објави „Еј-Би-Си њуз“, а ја потврди и Корпусот на маринци на САД. 3-тата дивизија на маринците издаде соопштение во врска со настанот.

„Со голема тага ја објавуваме смртта на еден маринец по инцидент за време на обука во кампот „Шваб“ на Окинава, што се случи на 3 ноември 2026 година“, се наведува во соопштението на дивизијата, пренесе Ројтерс.

Фото: ВИ

Тагови: маринец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Ѕвезда нема да го пушти Крис Џонс!

Старо-новиот грчки кошаркарски великан, ПАОК испрати фантастична понуда во вредност од 3.000.000 евра за плејмејкерот на Црвена ѕвезда, Крис Џонс, објави грчкиот портал SDNA.

Ѕвезда нема да го пушти Крис Џонс!

Сепак, „црвено-белите“ немаат намера да се откажат од еден од своите најдобри играчи.

Џонс има важечки двегодишен договор со клубот од Мали Калемегдан и нема дозвола да го напушти тимот.

Американецот пристигна во Ѕвезда минатото лето од Хапоел Тел Авив и брзо стана еден од најважните играчи во тимот. Во Евролигата, Џонс има просек од 8,8 поени и 5,9 асистенции. Според тоа, ПАОК ќе мора да побара друго засилување на позицијата плејмејкер.

Тагови: Евролигата Црвена ѕвезда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседателот на САД најде нов виновник за целосниот дебакл и жестоко го нападна

Претседателот на САД,  Доналд Трамп најде нов виновник за изборниот дебакл на републиканците на американските избори на средината од мандатот–телевизиската мрежа „Фокс њуз“, која некогаш ја сметаше за еден од своите најголеми сојузници.

Претседателот на САД најде нов виновник за целосниот дебакл и жестоко го нападна

Откако демократите ја презедоа контролата врз двата дома на Конгресот, американскиот претседател во средата остро ја нападна една конзервативна телевизиска станица, обвинувајќи ја дека придонела за поразот со тоа што редовно ги канела демократите во својата програма.

Тој беше особено разгневен од гостувањето на поранешниот градоначалник на Њујорк, Бил де Блазио, кого жестоко го нападна во објава на социјалните мрежи.

„Зошто ’Фокс њуз‘ (Fox News) го држи во програма Бил де Блазио, најлошиот градоначалник во историјата на Њујорк, додека тој беснее и брбори како лудак? Тој го напушти градот со срам, а штетата што ја направи е немерлива – градот никогаш повеќе не беше ист, а сега тој ни кажува како да ја водиме Америка“, напиша Трамп.

Потоа тој директно го обвини „Фокс њуз“ за изборниот неуспех на републиканците, префрлајќи ѝ на телевизијата што ги канела политичките противници во програмата.

„Fox News сноси одговорност за овие порази бидејќи постојано и упорно им дава простор на опозиционерите од редовите на ’глупократите‘ (dumbocrats) и оние уште полошите. БОГ ДА ЈА БЛАГОСЛОВИ АМЕРИКА! Претседател ДОНАЛД Џ. ТРАМП“, заклучи американскиот претседател во својата објава.

Инаку, Трамп претходно им честиташе на демократите за нивниот успех на меѓумандатните избори одржани во вторникот и призна дека врз поразот на републиканците влијаело и прашањето за Иран, додека демократите се подготвуваат да ја преземат контролата врз Конгресот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер