Малолетниците во Србија нема да можат да купуваат е-цигари - Канал 5

Балкан

Малолетниците во Србија нема да можат да купуваат е-цигари

Натаму, 78 проценти од родителите тврдат дека нивните деца не користат е-цигари. 

Малолетниците во Србија нема да можат да купуваат е-цигари

Министерството за внатрешна и надворешна трговија на Србија соопшти дека почнува со работа на измените на Законот за заштита на потрошувачите коишто ќе се однесуваат на забраната за продажба на електронски цигари и други производи со или без никотин на малолетни лица.

Одлуката е донесена по добиените резултати од истражувањето на Здружението „Родител“ спроведено лани во септември. Повеќето испитаници се согласуваат дека е-цигарите се лесно достапни за малолетниците и може да се набават во продавница и киоск без да се провери возраста на купувачот. Дури 83,3 отсто од децата тврдат, како што е наведено на страницата на Здружението, дека „лесно се доаѓа до електронски цигари“ и дека при купувањето не ги прашуваат колку години имаат.

„Натаму, 78 проценти од родителите тврдат дека нивните деца не користат е-цигари. Од друга страна, на прашањето дали пријателите на нивните деца 'вејпуваат', односно дали користат е-цигари со ароматично масло, тоа го потврдиле 46 отсто од родителите“, говорат податоците.

Испитувањето покажало и дека најголемиот број тинејџери кои консумираат „вејп“, го купуваат по училиште, а значително помалку од одговорите гласат „на одмор“ и „за викенд, во слободно време“.

„Само 16,7 отсто велат дека овие производи не се продаваат на малолетници. Мнозинството родители рекле дека знаат дека малолетниците лесно можат да ги купат овие производи (70 проценти), додека останатите 30 отсто од нив не знаат за тоа“, се истакнува во истражувањето.

Повеќе од 81,3 отсто од испитаниците знаеле што е „вејп“, додека 18,8 проценти од нив слушнале за него, но одговориле дека не знаат што е тоа. Најголем дел од испитаниците, 62,5 отсто не користат е-цигари, додека 37,5 проценти се потрошувачи на тој производ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нов бран насилни судири во Тирана – над 150 повредени, најмалку 160 приведени во изминатите денови

Нов бран насилни судири меѓу полицијата и демонстрантите избија синоќа во Тирана, четврти ден во Албанија. 

Нов бран насилни судири во Тирана – над 150 повредени, најмалку 160 приведени во изминатите денови

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Според извештаите, судирите продолжиле до доцна во ноќта во неколку делови од главниот град. Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите. Албанскиот министер за внатрешни работи Ервин Дема соопшти дека во изминатите денови биле повредени 156 лица, од кои 97 полицајци. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија, отфрлајќи ги тврдењата дека протестите се резултат на реалните проблеми и незадоволството на граѓаните.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Откако вчера пациентки останаа без потребната терапијата „Фесго“, од Клиниката за радиотерапија и онкологија велат дека лекот очекуваат да биде обезбеден кон почетокот на следнава недела.

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Терапијата „Фесго“ во петокот беше недостапна поради ненавремена испорака од дистрибутерот, од кого добивме уверување дека испораката ќе биде реализирана во понеделник, велат од Клиниката за онкологија за Канал 5.

Од таму, информираат и дека од иста причина во моментов има застој и во снабдувањето со Госерелин, но дека добиле уверување оддистрибутерот дека ќе биде обезбеден во текот на следната недела. Вчера од Клиниката упатија извинување до сите засегнати пациентки, признавајќи дека ситуацијата предизвикала загриженост, неизвесност и непријатности. Не е познато колку пациентки се погодени од одложувањето на терапијата „Фесго“, која се користи во третманот на одредени форми на карцином на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер