Мала црногорска плажа со тиркизно море скриена од погледите (видео) - Канал 5

Забава

Мала црногорска плажа со тиркизно море скриена од погледите (видео)

„Плажа на која доаѓаат двајца, а заминуваат тројца“

Мала црногорска плажа со тиркизно море скриена од погледите (видео)

До оваа плажа се доаѓа само со чамец.

Голем број туристи од регионот, секоја година одморот го поминуваат на црногорското приморје. Најразновидните плажи на овој живописен брег, од оние со ситен песок до плажите со камен, се само дел од убавината на крајбрежјето.

Покрај плажите во близина на градовите, на кои луѓето најчесто се жалат поради тоа што се нечисти, постојат и осамени заливи каде водата е кристално чиста, но треба да знаете како да ги најдете.

На социјалните мрежи се појави снимка насловена како „Најчистата плажа во Црна Гора“.

-Еве една оаза за љубителите на скриените и мали плажи - стои во описот на објавата.

На видеото е прикажан залив со минијатурна плажа на која можат да се сместат само 2 чадора. Станува збор за скриен бисер на црногорското крајбрежје, кој се наоѓа во близина на Петровац на Мору. Скриена од погледите во подножјето на една огромна карпа, оваа плажа се наоѓа помеѓу Лучицa и плажата Петровац.

Некои ја нарекуваат плажа Кралица иако всушност нема никаква врска со познатата Краљичина плажа која се наоѓа веднаш до плажата Милочер и во непосредна близина на Свети Стефан. Оваа мала плажа во заливот е заштитена со карпи и до неа може да се стигне само со брод.

Плажата има тркалезни камчиња, па е совршена за оние кои не сакаат песок што се лепи за телото после капење.

Освен камчињата, тиркизното море и синото небо, во овој залив нема апсолутно ништо, а тоа му дава посебен шарм, бидејќи остава впечаток дека сте далеку од цивилизацијата, иако во суштина не е така. Бидејќи нема природна сенка, задолжителен е чадор за да се заштитите од силното сонце.

Оваа магична плажа е како создадена за вљубените парови кои можат без двоумење да разменуваат нежност, бидејќи никој не може да ги види.

- За неа велат дека доаѓаат двајца, а заминуваат... тројца.

- Бевме пред неколку години и тоа беше прекрасно искуство. Ја препорачуваме на сите, ве носат со чамец, а подоцна ве земаат.

- Брат, без навреда, си бил ли подалеку од Будва и Бар покрај брегот, бидејќи го форсираш само ова. На Роуз, Миристе, Њивице... водата е иста, а имаат и сини знаменца.

- Чисто е затоа што никој не оди таму.

- Има уште една слична плажа во карпата помеѓу Чањ и Бар.

- Најчиста е додека туристите не ја „расипат“.

- Има место за двајца, затоа е почисто - беа само дел од коментарите на оваа објава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Хаос на улиците во Германија: Молотови коктели врз полицијата,ограбени продавници

По претежно мирните демонстрации на млади луѓе во Германија, синоќа во неколку големи градови изби насилство. 

Видео: Хаос на улиците во Германија: Молотови коктели врз полицијата,ограбени продавници

Демонстрантите ограбуваа продавници, палеа барикади и фрлаа Молотовлеви коктели врз полицијата, а повеќе од 200 лица беа уапсени.

Најсериозните инциденти се забележани во Франкфурт, Келн, Берлин и Хамбург, пренесува „Шпигел“.

Во Франкфурт, ситуацијата ескалираше доцна вечерта, кога демонстранти провалија во продавници и украдоа стока. Полицијата уапси околу 30 лица, а при интервенцијата беше запленето и оружје.

Насилство изби и во Келн, каде што демонстранти фрлаа шишиња и велосипеди кон полициските службеници. Нападот се случи на плоштадот кај катедралата, во близина на главната железничка станица, при што едно лице беше повредено. Пет лица беа приведени.

Шефот на полицијата во Келн, Јоханес Херманс, изјави дека од маскирани демонстранти биле одземени молотови коктели и чекани за итни случаи. „Целта поради која ги носеле овие предмети е очигледна“, рече Херманс.

Во Берлин, демонстрантите фрлале петарди, пиротехнички средства и јајца кон полицајците и новинарите. На протестите биле присутни и поддржувачи на пропалестинското движење. Портпаролот на берлинската полиција соопшти дека се уапсени 56 лица, додека речиси 30 полицајци се повредени.

Најголем број учесници во протестите имало во Хамбург, каде што, според податоците на полицијата, на улиците имало околу 6.700 луѓе.

Некои од демонстрантите, облечени во црно и со маски на лицата, ги запалиле барикадите.

Полицијата ја растерала толпата со употреба на бибер-спреј, а пожарот бил изгаснат со водени топови.

Уапсени се околу 120 изгредници.

Демонстрациите во 34 германски града биле организирани од иницијативата „Генерација З решава“ („Gen Z regelt“), која, според сопствените изјави, се огради од насилството.

Протестите првично биле замислени како мирни собири, со барања за поголеми финансиски средства за училиштата, подобра поддршка за луѓето што се соочуваат со зависности и подостапна психотерапија. Учесниците, исто така, побарале конкретни мерки за справување со порастот на трошоците за живот, поголема социјална правда и посилна заштита на климата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсен началникот на криминалистичката полиција на Белград

Началникот на Управата за криминалистичка полиција Марко Кричак е уапсен утрово по наредба на Више јавно тужилаштво во Белград

Уапсен началникот на криминалистичката полиција на Белград

Началникот на Управата за криминалистичка полиција Марко Кричак е уапсен утрово по наредба на Више јавно тужилаштво во Белград, под сомнение за злоупотреба на службената положба, според објава на „Танјуг“.

Според истиот извор, по иста кривична пријава што ја поднел адвокатот на заменик директорот на полицијата Веселин Милиќ, е приведен и началникот на Службата за сузбивање на криминалот Бошко Секуловиќ.

Кричак бил Началникот на Управата за криминалистичка полиција нешто повеќе од една година , а пред тоа бил раководител на Единицата за заштита на лица и објекти.

Според добро упатен извор, на Кричко и Секуловиќ им се ставени лисици поради нивните незаконски дејствија во случајот „Сењак“, како и поради претепување на одредени осомничени во тој случај, во полициската станица, за време на полициско испрашување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Прво ракометно Ел класико во Македонија сезонава, шампионот Вардар домаќин на Е. Пелистер

Вечерва од 17-45 часот македонскиот ракометен храм Јане Сандански ќе биде центарот на домашниот спорт. 

Прво ракометно Ел класико во Македонија сезонава, шампионот Вардар домаќин на Е. Пелистер

Шампионот вардар во првото македонско Ел класико сезонава е доаќи на најголемиот ривал Еурофарм Пелистер во рамките од 9 коло од Супер лигата.

Вардарци големиот ривал го очекуваат со максимален ефект, кој сакаат да го задржат и по големото дерби. Слични амбиции има и четата на Лино Червар од битола што значи дека во Јане Сандански ќе гледаме вистински ракометен спектакл.

Македонската ракометна јавност денеска ќе биде насочена кон СЦ „Јане Сандански“, каде што од 17:45 часот ќе се одигра првото сезонско дерби меѓу Вардар и Пелистер.

Сигурно „жешко“ ќе биде и на трибините бидејќи веќеодамна се продадени сите билети за трибините во Јане сандански.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер