Макрон најави итни и конкретни мерки како одговор на барањата на барањата на демонстрантите. Францускиот претседател вети минималните плати да се зголемат за 100 евра од јануари, без дополнителни оптоварувања за работодавачите, допoлнителните работни часови да не се оданочуваат, како и делумно отстапување од реформите во социјалната сфера , со екстра бонуси за крајот на годината.
Макрон рече дека овие мерки ќе почнат да се спроведуваат што е можно побргу.
Тој и се обрати на нацијата по кризата предизвикана од ,,Жолтите елеци” и откако денеска се сретна со синдикатите и првите луѓе на бизнис заедницата. Ова е прва јавна изјава во која Макрон се согласи да преземе итни чекори за да ги задоволи барањата на демонстрантите , кои ја разнишаа неговата влада .
Во протестите овој викенд се уапсени над 1 000 демонстранти низ цела Франција , а за прв пат на улиците на Париз излегоа оклопни возила.
Опозицијата бара оставка на Макрон . Како што рече неговата противкандидатка на претседателските избори , Марин Ле Пен од ултрадесничарската партија , Макрон ја потценил потребата на луѓето да бидат чуени и разбрани.
За министерот за финансии Бруно Ле Мер , овие протести се економска катастрофа за Франција , со блокирани патишта, затоврени продавници и туристички објекти и тоа токму пред Божик.