Макрон по победата на Трамп:Ако останеме тревојади, месојадите ќе победат и ние ќе бидеме храна - Канал 5

Свет

Макрон по победата на Трамп:Ако останеме тревојади, месојадите ќе победат и ние ќе бидеме храна

Еден од најмоќните европски лидери, францускиот претседател Емануел Макрон, испрати значајна порака до своите европски колеги на самитот што се одржува во Будимпешта, еден ден по убедливата победа на Доналд Трамп на претседателските избори во САД.

Макрон по победата на Трамп:Ако останеме тревојади, месојадите ќе победат и ние ќе бидеме храна

Европа повеќе не може да биде „светски тревопасник“ по реизборот на Доналд Трамп за претседател на САД, смета Емануел Макрон. Наместо тоа, треба да се стане „сештојад“, пренесува Политико.

Овие пораки од францускиот претседател доаѓаат еден ден откако Трамп извојува убедлива победа на претседателските избори во САД, предизвикувајќи загриженост дека новоизбраниот претседател на САД би можел да го намали учеството на Вашингтон во НАТО, принудувајќи ги европските земји да ги зголемат трошоците за одбрана.

Макрон е познат како најгласниот европски застапник за блокот да стане понезависен од трговските ривали како Кина и Соединетите држави во сè, од одбраната и безбедноста до врвната технологија.

„За мене тоа е едноставно. Светот се состои од тревојади и месојади. Ако одлучиме да останеме тревојади, тогаш месојадите ќе победат и ние ќе бидеме храна за нив“, им рече тој на европските лидери за време на собирот во Будимпешта.

Раководството на Макрон во Европската унија претрпе тежок удар по предвремените избори што ги распиша на почетокот на годинава, а во последните денови тој се обиде да се репозиционира како еден вид посредник меѓу ЕУ и САД. Тој е еден од првите лидери кој му честиташе на Трамп за победата.

„Мислам дека барем треба да избереме да станеме сештојади. Не сакам да бидам агресивен, само за да можеме да се браниме на сите овие теми“, рече тој.

Дипломат на ЕУ во Будимпешта рече дека изборот на Трамп може да му даде нов мотив на францускиот лидер да се заложи за похрабра, понезависна Европска унија, особено кога станува збор за трговијата и безбедноста. Дипломатот, како и другите цитирани од Политико, зборуваше под услов да остане анонимен.

Иако францускиот лидер не ги именуваше земјите што ги смета за конкуренти, Европа се соочува со потенцијални трговски војни на два фронта, со САД и Кина. Европската комисија воведе царини за кинеските електрични возила и се соочува со потенцијални проблеми со Вашингтон доколку Трамп ги следи заканите дека ќе воведе царини за стоки од ЕУ.

„Ние во Европа мислиме дека треба да ја делегираме нашата геополитика на Соединетите Американски Држави, дека треба да го делегираме нашиот долг на нашите кинески клиенти, дека треба да ја делегираме нашата технолошка иновација на американските компании кои брзо растат и се прилагодуваат на сè поголемите пазари. “, рече тој, а потоа додаде: „Тоа не е најдобрата идеја“.

Пристигнувајќи на состанокот, лидерите и највисоките функционери на ЕУ, вклучително и претседателката на Европската комисија, Урсула фон дер Лајен, инсистираа на потребата Европа да преземе одговорност за безбедноста и одбраната и да ја поддржи Украина против руската агресија.

Зборувајќи пред мала група новинари во Будимпешта, унгарскиот министер за надворешни работи Петер Сијарто рече дека исходот од изборите во САД го промени статус квото во Украина.

„Европа мора да размисли. Ако ми поставите теоретско прашање дали Европа би можела да ги замени САД по ова прашање, јас би рекол дека очигледно нема“, рече тој. „Исходот од претседателските избори во САД создава сосема нова реалност, не само во Европа, туку и во светот.

Другите лидери на ЕУ сакаат да испратат порака за континуирана поддршка на Киев за време на состанокот што го организираше унгарскиот премиер Виктор Орбан, а на кој присуствуваше и украинскиот претседател Володимир Зеленски, изјавија двајца дипломати на ЕУ.

Но, не сите се ентузијасти од повиците на Макрон за единство. „Тој вели единство, но тоа значи француско единство“, рече еден од споменатите двајца дипломати, кој не бил импресиониран од говорот на Макрон.

„Ако тоа значи изградба на мостови и вадење секири, не благодарам. Ние сакаме да останеме отворени за трансатлантските односи“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Не е само „Volkswagen“: И моделите на овој бренд исто така може да имаат сериозен технички проблем

Германската управа за моторни возила (KBA) во петокот предупреди дека, покрај милиони возила на „Volkswagen“ и „Audi“ ширум светот, и околу 1,7 милиони возила на Шкода може да имаат потенцијално опасен дефект.

Не е само „Volkswagen“: И моделите на овој бренд исто така може да имаат сериозен технички проблем

Предупредувањето се однесува на потенцијално слаб шраф во механизмот за управување, кој е подложен на корозија. Во најлош случај, шрафот би можел да пукне, соопшти „KBA“.

Минатата недела, агенцијата објави дека сопствениците на 2,16 милиони возила на „Volkswagen“ – конкретно моделите „Tiguan“, „Touran“, „Golf Variant“, „Caddy“ и „Golf“ произведени помеѓу 24 септември 2013 и 1 јули 2024 година – треба да контактираат со сервисен центар за да се изврши проверка и евентуална замена на проблематичниот дел, пренесува „DPA“.

Истото важи и за моделот „Audi Q3“ произведен помеѓу 31 октомври 2017 и 23 мај 2024 година.

Истиот ден, групацијата „Volkswagen“ упати повик до сопствениците на овие возила да ги донесат на технички преглед.

Се чини дека и возилата на Шкода – кои исто така се дел од групацијата „Volkswagen“ – се погодени од истиот проблем со дефектниот шраф.

Истото важи и за засега неутврден број возила од шпанскиот бренд „SEAT“.

Меѓу моделите на Шкода, под лупа се „Kodiaq“, „Karoq“, „Octavia“ и „Superb“, соопшти „KBA“, без да прецизира датуми на производство.

Ова опфаќа околу 1,7 милиони возила ширум светот, вклучително и околу 370.000 во Германија.

Извор: Б92

Тагови: Volkswagen

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер