Макрон најави осум милијарди евра помош за автомобилската индустрија

Францускиот претседател денеска  го претстави „историскиот план“ вреден повеќе од осум милијарди евра за автомобилската индустрија погодена од коронакризата и за нејзина модернизација за да ја направи Франција лидер за електрични автомобили.

„Државата ќе инвестира нешто повеќе од 8 милијарди евра како помош за автомобилскиот сектор“, рече Емануел Макрон за време на посетата на фабриката за опрема Валео во местото Етаплес .

„Нашата цел е Франција да стане прва земја што произведува чисти возила во Европа, што би го зголемило производството на повеќе од милион електрични и хибридни возила за пет години“, додаде тој.

За да се зголеми продажбата која падна за време на кризата, Макрон најави зголемување на државниот бонус на 7.000 евра за набавка на електричен автомобил за приватни лица и на 5.000 евра за компаниите, како и бонус од 2.000 евра за хибридни возила.

Планирано е да се зголеми и бонусот при купување електричен автомобил по принцип ново за старо.

"Тоа е план да се одбранат работните места во нашата индустрија што се соочува со една од најтешките кризи во својата историја. Тоа е план за независност на автомобилската индустрија. Значи, тоа е план за иднината на автомобилите од 21 век", рече францускиот претседател.

Тој прецизира дека француско-германскиот план за реконструкција од околу 500 милијарди евра, што го претстави минатата недела со Ангела Меркел, треба да ги поддржува најзагрозените сектори, како што е автомобилскиот.

Макрон побара од Рено да гарантира за иднината на вработените во две фабрики на северот на земјата, Маубеж и Дуаи, каде се зголемува загриженоста.

Тој предупреди дека заемот од 5 милијарди, ветен од државата на Рено, нема да може да биде одобрен пред крајот на преговорите, што ќе започнат во понеделник, со учество на министерот за економија Бруно Ле Маир.

Обвинение против 95-годишен старец кој бил чувар во злогласен нацистички логор

Во германскиот град Вупертал е поднесено обвинение против 95-годишен старец, кој наводно бил чувар во нацистичкиот концентрационен логор Штутоф близу Гдањск, на територијата на Полска.

Официјални лица во моментов проценуваат дали неименуваниот маж може да се појави на суд и не се откриени дополнителни детали за обвинението.

Слично судење се спроведува во Хамбург против 93-годишен старец , кој исто така бил чувар на логор во близина на градот, тогаш познат како Данзиг. Тој е обвинет за учесник во најмалку 5.230 убиства.

Двајцата старци биле малолетни во моментот кога биле испратени во кампот, поради што предметите ги решаваат малолетнички судови.

Најмалку 60.000 луѓе загинале во Штутоф и тоа бил еден од последните ослободени логори, во мај 1945 година.

Премиерот на Федерацијата БиХ има коронавирус

Премиерот на Федерацијата Босна и Херцеговина, Фадил Новалиќ е позитивен на коронавирусот, јавуваат босанските медиуми.

Новалиќ ги почувствувал првите симптоми на неодамнешното одбележување на 25-годишнината од геноцидот во Сребреница со Мировен марш, а денеска имал треска, болки во мускулите и гадење.

Според медиумите, самиот Новалиќ побарал да биде тестиран.

БиХ денес има 90 нови случаи и ова е прв пат по подолго време бројот на ново заразени во таа земја да се спушти под 100. Пред два дена имало дури 316, што е највисоко од почетокот на епидемијата во таа земја.

Тој сега е во изолација, како и луѓето со кои комуницирал. Не се знае точно колку лица се во прашање, пишува Аваз. Ќе бидат тестирани и министрите со кои бил во врска последниве денови затоа што тој се приклучил на Мировниот марш по владината седница на ФБиХ.

Роналдо има проблеми поради видеото објавено од сестра му (ВИДЕО)

Аргентинскиот весник  Оле пишува дека Кристијано Роналдо ќе биде казнет со парична казна поради неговиот син Кристијано Роналдо Џуниор кој нелегално вози џет-ски во Мадеира, Португалија.

Не би било откриено толку лесно ако сестрата на Кристијано, Елма Авеиро, не објавила видео во кое 10-годишното дете вози џет-ски. Јасно е, споменатото видео наскоро исчезна од сите социјални мрежи.

„Дејли мирор“ пишува дека полицијата испитува кој е сопственик на спорниот џет-ски, а доколку се покаже дека Португалецот е сопственик, тој би можел да добие сериозна казна.

Шефот на крајбрежната полиција во Португалија, Гереиро Кардозо изјави дека е покрената истрага и дека е свесен за сè што се случило, со објавување на парична казна на ѕвездата на Јувентус.

Патем, Роналдо, игра во топ форма за Јувентус. 35-годишниот играч има постигнато 32 гола на 40 натпревари, а клубот од Торино се доближува до новата италијанска титула.

притисни ентер