Македонските ракометни екипи ќе ги добијат ривалите во групите од Лигата на шампионите - Канал 5

Ракомет

Македонските ракометни екипи ќе ги добијат ривалите во групите од Лигата на шампионите

Три македонски екипи и во новата сезона од ракометната Лига на шампиони ќе ја претставуваат нашата држава во најсилното натпреварување.

Македонските ракометни екипи ќе ги добијат ривалите во групите од Лигата на шампионите
Кај мажите покрај шампионот Вардар ќе игра и Металург, пред се, поради одличните резултати претходните неколку сезони токму во Лигата на шампионите, додека во женска конкуренција ЖРК Вардар ќе се обиде уште еднаш да избори место на завршниот турнир.

Според новиот формат во машката Лига на шампионите 16 екипи (меѓу нив и Вардар) ќе бидат поделени во групите А и Б. Екипи од иста држава нема да можат да бидат во иста група со исклучок на Германија, која ќе има три екипи. Тимови од ист „шешир“ ќе бидат поделени во двете групи.

„Шешир 1“: Барселона (Шпанија), Кил (Германија).
„Шешир 2“: Веспрем (Унгарија), Киелце (Полска).
„Шешир 3“: ПСЖ (Франција), Вардар (Македонија).
„Шешир 4“: Копенхаген (Данска), Цеље (Словенија).
„Шешир 5“: ПИК Сегед (Унгарија), Висла (Полска).
„Шешир 6“: Загреб (Хрватска), Рајн Некар Ловен (Германија).
„Шешир 7“: Кристијанстад (Шведска), Бешикташ (Турција).
„Шешир 8“: Монпеље (Франција), Флензбург (Германија).
Во вториот дел од Лигата на шампионите ќе играат 12 екипи поделени во две групи Ц и Д, а тука ќе се натпреварува Металург.
„Шешир 1“: Ла Риоха (Шпанија), Металург (Македонија).
„Шешир 2“: Мешков Брест (Белорусија), Сјкерн (Данска).
„Шешир 3“: Чеховски Медведи (Русија), Мотор Запорожје (Украина).
„Шешир 4“: Порто (Португалија), Кадетен Шафхаузен (Швајцарија).
„Шешир 5“: Баја Маре (Романија), Војводина (Србија).
„Шешир 6“: Татран Прешов (Словачка), победникот од квалификациите.

Првото коло од групната фаза е предвидено да се игра во периодот од 16 до 20.септември.

Противниците за Лигата на шампионите ќе ги добијат и ракометарките на ЖРК Вардар. Тие на извлекувањето се наоѓаат во „шешир“ заедно со екипите на: Крим, Букурешт и Турингер што значи дека против овие тимови нема да играат во првата фаза.

„Шешир 1“: Будуќност (Црна Гора), Ференцварош (Унгарија), Ларвик (Норвешка), Митјиланд (Данска).
„Шешир 2“: ЖРК Вардар (Македонија), Крим (Словенија), Букурешт (Романија), Турингер (Германија).
„Шешир 3“: Ростов Дон (Русија), Савехоф (Шведска), Хипо (Австрија), Подравка (Хрватска).
„Шешир 4“: Флери (Франција), Лубин (Полска), квалификант 1, квалификант 2.
16-те екипи ќе бидат поделени во четири групи, а првото коло ќе се игра од 16 до 18.октомври.

Извлекувањето на групите во двете конкуренции ќе се изврши во Виена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвава прослава на Мундијалот- најмалку четворица застрелани по натпреварот во Броктон (ВИДЕО)

Полицијата во Масачусетс соопшти дека најмалку четири лица биле застрелани додека стотици луѓе се собрале по натпреварот од Светското првенство во петокот вечерта.

Крвава прослава на Мундијалот- најмалку четворица застрелани по натпреварот во Броктон (ВИДЕО)

Полицијата во Броктон соопшти дека „примила повеќекратни пријави за истрели непосредно пред полноќ во петокот“, објави ABC News.

„Полицијата реагирала на раскрсницата на главната улица и улицата Парк и пронашла најмалку четири лица со прострелни рани“, се вели во полициското соопштение.

Сите четири лица биле однесени во болница, но нивната состојба не е веднаш позната.

YouTube video

Нема информации за апсења.

Норвешка и Франција играа на стадионот „Жилет“ во Фоксборо во петокот.

Истрагата е во тек, а полицијата соопшти дека повеќе информации ќе бидат објавени подоцна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Горат рафинерии низ Русија (ВИДЕО)

Украински беспилотни летала нападнаа нафтена инфраструктура во неколку руски региони во текот на ноќта, со извештаи за пожари во рафинерии во Славјанск во Кубан и Јарослав. 

Горат рафинерии низ Русија (ВИДЕО)

Нападите се случуваат во време кога расте загриженоста во Русија за снабдувањето со гориво и нафта, објавува The Kiev Independent.

Напад во Краснодарската територија

Според извештаите на руските медиумски канали на Telegram, украинската војска нападнала рафинерија за нафта во Славјанск во Кубан. На социјалните мрежи се објавени фотографии и видеа на кои наводно се гледаат големи пламени и густ чад што се издига над резервоарите за складирање во рафинеријата во Краснодарската територија.

Објектот се смета за клучен за снабдување со гориво на окупираниот Крим, чии резерви беа загрозени во последните недели од напорите на Украина да го изолира полуостровот. Регионалниот оперативен штаб подоцна соопшти дека пожарот во рафинеријата е предизвикан од паѓање остатоци. Обемот на штетата сè уште не е познат.

Чад и над Јарослав

Во исто време, чад беше виден и над областа на рафинерија за нафта во Јарослав, град на околу 250 километри североисточно од Москва. Гувернерот на Јарославската област, Михаил Јевраев, објави на Telegram дека регионот бил цел на украински беспилотни летала.

Украинската војска сè уште не ги коментираше нападите, а „Киев Индепендент“ не беше во можност независно да ги потврди извештаите.

Недостатокот на гориво во Русија се влошува

Нападите доаѓаат во време кога Русија се соочува со растечки недостиг на гориво, влошен од украинските напади врз рафинериите. Повеќе од 20 руски региони воведоа ограничувања за продажба на гориво, а многу граѓани се жалат на социјалните медиуми за долги редици на бензинските пумпи.

Нападите се дел од поширока украинска кампања насочена кон руската нафтена и гасна инфраструктура, клучен извор на приходи за Москва за финансирање на нејзината инвазија на Украина.

Серија напади врз енергетски објекти

Најновите напади доаѓаат само неколку дена откако украинските беспилотни летала нападнаа две рафинерии за нафта во руската Република Башкортостан на 25 јуни. Нападот од 19 јуни ја затвори Московската рафинерија за нафта, една од најголемите во Русија, која снабдува 40 проценти од пазарот на гориво во Москва.

Неколку дена подоцна, рафинеријата Лукоил-Нижегородоргсинтез во Кстово, четвртата по големина во Русија, исто така беше затворена по напад со беспилотни летала, објави Ројтерс.

Русија повторно го напаѓа Киев со балистички ракети

Русија изврши уште еден балистички ракетен напад врз Киев во текот на ноќта, оштетувајќи неколку локации низ градот и повредувајќи најмалку две лица, потврдија официјални лица. Првите експлозии во украинската престолнина се слушнале кратко пред 2 часот наутро по локално време, по што следел уште еден бран напади околу 2:35 часот наутро.

Шефот на градската воена администрација на Киев, Тимур Ткаченко, изјави дека најмалку две лица се повредени во градот во округот Дарницки. Пожари се пријавени и во истата област, вклучително и во близина на станбена зграда, на бензинска пумпа и во неименувана нестанбена зграда.

Украинските воздухопловни сили претходно предупредија за закана од неколку руски ракети што се упатуваат кон главниот град, а воздушни напади се спроведуваат во централните и источните региони на земјата. Локалните власти потврдија дека воздушната одбрана работи над Киев.

Фотографии и видеа на кои наводно се гледа пресретнување на неколку ракети беа објавени на социјалните медиуми, но официјалните лица сè уште не го потврдија исходот од нападот. Јавната телевизија Суспилне објави дека експлозии се слушнале и во градовите Суми и Харков.

Тагови: рафинерии русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ се забавува во Лондон- пред Вимблдон отиде на концерт на Бед Бани (ВИДЕО)

На само два дена пред почетокот на Вимблдон, Новак Ѓоковиќ реши малку да заборави на тенисот и да се опушти со музика.

Ѓоковиќ се забавува во Лондон- пред Вимблдон отиде на концерт на Бед Бани (ВИДЕО)

Српскиот тенисер се појави на првиот лондонски концерт на Бед Бани, и се фотографираше со популарниот пејач.

Ѓоковиќ на социјалните мрежи објави фотографија на која позира со музичката ѕвезда од Порторико. Според странските медиуми, Ѓоковиќ во текот на вечерта не само што се фотографирал, туку и танцувал во латино ритам и убаво се забавувал во пресрет на еден од најважните турнири во сезоната.

Бројни ѕвезди на концертот

Првата вечер од турнејата на Бед Бани во Лондон привлече голем број други познати гости. Меѓу публиката беа Адел, Џо Џонас и други ѕвезди кои не сакаа да пропуштат еден од најочекуваните музички настани во Лондон.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер