Во изминатите 27 месеци, односно 8-9 квартали од избирањето на оваа Влада, просечниот раст е над 3,5 проценти на реална основа во услови кога кај нашиот најголем трговски партнер, Европската Унија или еврозоната, тој се движи помеѓу 1 и 1,2 процент. Тоа е трипати повеќе во споредба со просечниот раст кај нашиот најголем трговски партнер - потенцира денеска премиерот Христијан Мицкоски во своето обраќање на презентацијата на новиот извештај на Светската банка - „Македонија: Излез од стапицата на среден доход“.

Навраќајќи се на 2006 и 2008 година, кога државата имала пет, пет и пол, па дури и шест проценти раст, но тогаш, посочи, растот насекаде бил толкав.

Ако го анализираме третиот квартал од оваа година, вчера Државниот завод за статистика ги објави податоците за увоз-извоз, ние веќе втор месец од третиот квартал, покрај јули и август, имаме 11,5 проценти раст на извозот, 8,5 проценти раст на увозот. Значи, извозот побргу се зголемува отколку увозот, не во номинални средства, бидејќи сме увозно зависна земја. Но сакам да кажам дека во услови кога ги имаме најголемите предизвици во светот, во услови кога имаме две војни во соседството, кога ја имаме најголемата енергетска криза, не според македонската Влада, туку според Фатих Бирол, директорот на Светската енергетска агенција, во услови кога имаше итен состанок на Г7-земјите, бидејќи една од членките во 15 проценти од пумпите немаше дизел-гориво, во услови кога постоеше можност да имаме забрана од една од членките на Г7 за извоз на дизел-гориво, ние сепак успеваме да обезбедиме стабилна цена, најниска во Европа, и тоа ни овозможи да ја консолидираме инфлацијата. Во јули 2,3 %, во август 2,6 %, во услови кога европскиот просек во јули е 2,9 %, а во август е 3,3 %. Сега најавија, Евростат објави прелиминарни процени за септември - 3,8 %. Нас нè убедуваа дека е увезена инфлацијата, е па можела и да не биде увезена инфлацијата, изјави Мицкоски.

Според анализите на Државниот пазарен инспекторат, премиерот очекува кај храната и безалкохолните пијалаци инфлацијата во септември да се движи меѓу 1,5 и 2 отсто на годишно ниво.

Одредена можност за високоплатени, квалитетни работни места, кои ќе придонесат позитивност во македонската економија, премиерот очекува државата да добие со изградба на податочни центри за кои веќе имало пет-шест заинтересирани инвеститори.

Според премиерот Мицкоски, вештачката интелигенција и податочните центри се неминовен процес и смета дека државата ќе може да понуди услуга на потенцијалните инвеститори.

Колку и да имаме ретроградни сили, кои ќе нè влечат назад, ние како Влада сме одлучни овој процес да го туркаме напред и ќе одиме до крај во негова реализација бидејќи тој е неповратен. Честопати јас во своите говори го кажувам тоа дека не е веќе наука на иднината, не е индустрија на иднината, туку тоа е индустрија на сегашноста. Во 2040 или 2050 ќе зборуваме за некои други уште понапредни технологии од оваа супер интелигенција или вештачка интелигенција, нагласи Мицкоски.

Владата, нагласи, е фокусирана, работи на адаптација на одредени закони и од заинтересираните посериозни пет-шест инвеститори, половина ако се реализираат, веќе можеме да зборуваме за извоз на услуги што ќе се мерат во стотици милиони долари или стотици милиони евра.

Така што, овој процес е неповратен и тука нема назад, без разлика каква и да биде и колку и да биде силна јавната дебата, бидејќи ако ние не го искористиме, тогаш ќе го искористи некој друг, ако ние не го препознаеме, тоа веќе го препознаваат многу земји во светот, вели тој.

Паралелно со овие процеси, информира дека Владата работи и на внатрешни реформи, меѓу кои ја издвои анализата во делот на социјалната политика.

Дојдовме до едно интересно откритие при анализа на ГМП - корисници на гарантирана минимална помош или социјална сигурност, овој месец фактурата, по спроведена детална анализа, но и проверка на терен, во споредба со истиот месец минатата година е помала за 200 милиони денари. Е, сега, сигурно си го поставувате прашањето „Како е тоа можно?“ Можно е затоа што корисници биле, за жал, починати, отселени, лажни луѓе и така натаму. Значи, ние од буџетот сме трошеле повеќе од милијарда-милијарда и пол фиктивно на корисници за гарантирана минимална помош и социјална сигурност. Уште не сме дошле до другите корисници, истакна Мицкоски посочувајќи дека до сега биле откриени 4,5 илјади лажни корисници на ГМП.

Таа реформа, нагласи, е 25 милиони евра.

Некој ќе рече: „Добро, па тоа е обична проверка, за каква реформа вие зборувате?“ Реформа која е 25 милиони евра. Ние денеска правиме спектакли за инвестиции многу помали од 25 милиони евра годишно. А ние кога ќе го анализираме ова и кога ќе го ставиме во овој процес, ќе дојдеме до ситуација во која ако овде заштедиме 25 милиони, ако онде заштедиме 25 милиони или на трето место 25 милиони, ете ги реформите, ете ги парите како ние можеме да инвестираме во капитални инвестиции, кои потоа нам ќе ни донесат можности за да привлечеме инвестиции што ќе генерираат поголем профит. рече Мицкоски.

Премиерот во своето обраќање за извештајот за раст и работни места на Светската банка, за кој рече дека е добра основа за понатамошни реформи што Владата треба да ги дозаврши, се осврна на инфраструктурните проекти што се реализираат, како што се експресните патишта, автопатските делници, железничкото поврзување, како и енергетски поставените цели и гасификацијата и оти со нивно завршување значително ќе се зајакне геостратешката положба на земјата.- изјави Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според најновиот октомвриски извештај, меѓу главните двигатели на економската активност се наведени инфраструктурните проекти. За 2027 и 2028 година е проектиран умерен раст од по 3%, додека за Западен Балкан прогнозата е 3,4%.

Но, во друг извештај за долгорочниот економски раст и создавањето работни места во Македонија, Светска банка предупредува дека без структурни реформи, растот до 2050 година би можел да забави на само 2,4%, што е само 55% од просечниот доход во ЕУ. Како главни причини ги посочуваат ниската продуктивност, слабите инвестиции, недоволната конкуренција и намалувањето на работоспособното население. Од Светската банка предлагаат повеќе инвестиции во технологија и иновации, реформи и подобро искористување на работната сила.

-Ако се искомбинира овој пакет за реформски пакети што го предлагаме, ќе го зголеми порастот од 2,4 на 3,8% во просек и директно ќе придонесе за околу 190 илјади подобро платени работни места и околу 60 илјади повеќе работни места, односно зголемувањето на платата реално ќе биде околу 25% во овој период,- Сања Маџаревиќ – Шујстер – виш економист во Светска банка за Западен Балкан.

Светска банка предупредува дека до 2070 година работоспособното население во Македонија би можело да се намали за повеќе од половина, поради стареењето и иселувањето. Проекциите покажуваат дека до 2040 година Македонија ќе биде земја со над 20% население на возраст над 65 години. Недостигот на работна сила веќе е предизвик за економијата, предупредува и премиерот Мицкоски. Според него, за посилен економски раст ќе бидат потребни најмалку 800 илјади вработени, односно уште околу 90 илјади во однос на сегашниот број.

-Ние во моментот треба да најдеме нови 90.000 вработени коишто ќе создаваат доход во државата. Ние мораме тоа да го направиме. Се плашам дека со проекциите во, еве да речеме за 15, 20, 25 години од денеска, дека таа бројка ќе дојде под 500.000. Тогаш ќе настанат вистинските проблеми и за пензискиот систем, и за здравствениот, и за државата и во целост во економијата. Затоа, кога зборувам за просемејни политики, тогаш треба да бидам сериозно сфатен, затоа што ова е начинот на којшто ние мораме да се движиме или, или ќе треба да се увезува работна сила којашто носи со себе други предизвици,- Христијан Мицкоски – претседател на Владата.

Извештајот нотира и ниска продуктивност – речиси две третини од инвестициите на компаниите се насочени кон градежништвото, а само околу една третина во машини и опрема.

Ниско е и учеството на жените и младите на пазарот на труд – жените учествуваат 19 процентни поени помалку од мажите, додека само 26,9 проценти од младите се дел од работната сила. Нотираат и дека бизнисот страда од институционални слабости, во најголем дел од корупција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Градоначалникот на Град Скопје и претседател на ЗЕЛС, Орце Ѓорѓиевски, денеска оствари конструктивна средба со делегацијата на Конгресот на локални и регионални власти на Советот на Европа, составена од Андерс Кнапе од Шведска и Матијас Гисин од Швајцарија, коизвестувачи и членови на Конгресот, како и Ивета Реинхолде, експерт за Европската повелба за локална самоуправа, и претставници на Секретаријатот на Конгресот.

На средбата се разговаравше за напредокот на локалната самоуправа во Република Македонија, за јакнењето на општините и за заедничките чекори кон поквалитетни услуги за граѓаните.

- Ја истакнав значајната финансиска поддршка што општините ја добиваат од Владата за реализација на инфраструктурни проекти. Тоа е поддршка што се преточува во нови улици, подобра инфраструктура и решавање на потребите на граѓаните. Унапредената соработка со министерствата и новиот Меморандум меѓу Владата и ЗЕЛС се цврста основа за уште повеќе заеднички резултати. Ја нагласив и нашата посветеност на натамошна децентрализација, финансиски посилни општини и поефикасна локална администрација. Преку партнерски однос со Владата, продолжуваме да работиме на решенија што ќе им овозможат на општините побрзо и поуспешно да одговараат на секојдневните потреби на граѓаните. За мене, успехот на секоја соработка се мери со она што граѓаните го чувствуваат во својот живот - уредена општина, подобра услуга и општина што е достапна и подготвена да помогне – рече на средбата Ѓорѓиевски

Градоначалникот Ѓорѓиевски истакна дека делегацијата го препозна ЗЕЛС како силна и обединета организација, која успешно ги застапува интересите на локалните власти, што претставува признание за заедничката работа, но и поттик да се продолжи уште попосветено.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.