Македонските фудбалери размислуваат за победа во утрешниот дуел против Норвешка - Канал 5

Македонските фудбалери размислуваат за победа во утрешниот дуел против Норвешка

Фудбалската репрезентација на Македонија го одработи и последниот тренинг пред утрешниот контролен пријателски меч против Норвешка.

Македонските фудбалери размислуваат за победа во утрешниот дуел против Норвешка
Откако селекторот Игор Ангеловски реши да го ослободи од обврските голгетерот на Палермо, Александар Трајковски, најверојатно на утрешниот меч шанса во нападот покрај Пандев ќе добие и Иван Тричковски.

- Се работи за незгоден противник. Иако е пријателски меч, сепак во него треба да влеземе како да се работи за квалификациски дуел и одново да се радуваме на позитивен резултат. Само така може да го одржиме позитивниот тренд кој го имаме на ФИФА ранг-листата, изјави Тричковски.

Македонија четири меча во низа е без пораз, па поради тоа црвено-жолтите во последните седум месеци има напредок на ФИФА ранг-листата, дури до 81-та позиција.

Нема да биде лесно, за тоа е свесен е и младиот вардаров одбранбен фудбалер, Висар Муслиу, кој сепак е оптимист и верува дека може да се совладаат Норвежаните.

-Знаеме дека Норвешка е многу незгоден противник, со цврста дуел игра и агресивни се на секој дел од теренот. Треба да го наметнеме нашиот стил на игра и да одиме на победа, изјави Муслиу.

Пријателскиот натпревар меѓу Македонија и Норвешка ќе се игра утре на Националната арена „Филип Втори“, а почетокот на мечот е во терминот од 18 часот и 30 минути. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Тепачот на Сара, насилникот од Охрид бил пуштен на слобода поради врски со ВМРО-ОКГ

Вчера во Охрид се случи уште еден грозоморен чин на брутално насилство врз млада девојка. Сара. Безмилосно е претепана, фрлена на улица и оставена да умре. Сторителот е син на високи вмровски функционери.

СДСМ: Тепачот на Сара, насилникот од Охрид бил пуштен на слобода поради врски со ВМРО-ОКГ

Вчера во Охрид се случи уште еден грозоморен чин на брутално насилство врз млада девојка. Сара. Безмилосно е претепана, фрлена на улица и оставена да умре. Сторителот е син на високи вмровски функционери.

За среќа, девојката преживеала.

Потресно е сведоштво на мајката на Сара, која се наоѓа во болница.

Изразуваме целосна поддршка и солидарност со Сара и целото нејзиното семејство. Таа заслужува заштита, мир и услови за закрепнување. Не страв дека повторно ќе биде нападната.

Според јавното сведоштво на мајката, осомничениот бил пуштен на слобода, додека нејзината ќерка стравува за сопствената безбедност.

Имало обиди за прикривање на случајот и влијание врз медицинската документација.

Само затоа што насилникот е син на Љубинка Корабоска, поранешна претседателка на Државната комисија за спречување на корупцијата (ДКСК), предложена на таа функција од ВМРО-ДПМНЕ, и на Гоце Корабоски, инспектор во УЈП, за кого се зборува дека има блиски релации со Мицкоски.

Ова е последица заштитата којашто Панче Тошковски им ја овозможува на криминалците на власт, неказинивоста, контролата над судството и обвинителството и партизацијата на системот од страна на ВМРО.

Телохранител на Мицкоски кој ја тепаше сопругата па беше ослободен, во Богданци млада девојка беше жива запалена, за 5 тони дрога нема одговорност, Симо наместо во затвор е пуштен за гласови, во Куманово сериски убиец, секој ден жртви на насилство.

Нема пари за електронски алки а има за Гета од 5,53 милиони евра.

Неказнивоста ги охрабрува насилниците. Пропустите на МВР и штитењето на криминалот имаат фатални последици.

Затоа бараме веднаш да се утврдат сите пропусти, влијанија и обиди за заштита на осомничениот насилник.

Бараме одговорност од сите и нивно разрешување од позииите. Бараме итна и ефективна заштита на Сара.

Како жени, нема да молчиме туку силно ќе се спротиставиме.

Нема да прифатиме жените во Македонија да живеат во страв, а насилниците да се чувствуваат недопирливи само затоа што се блики до ВМРО.

Пред нас е борба со мафијата – против злоупотребите на ВМРО, против злоупотреба на моќта, врските и притисоците, против неказнивоста.

Бандата ќе одговара.

Прес конференција на Форумот на жени на СДСМ, Кети Штерјова

YouTube video

Скопје, 16.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Одделот за внатрешна контрола на Министерството за внатрешни работи ги испитува околностите под кои битолчанецот приведен за физичко и психичко насилство врз 21-годишната партнерка, избегал низ прозорец од СВР Битола и веќе пет дена е во бегство.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Девојката на 10 ноември пријавила дека била физички нападната од партнерот, кој ја давел и ја удирал, по што побарала лекарска помош.

По пријавата, насилникот дошол во СВР Битола во придружба на родител, но, кога му било соопштено дека ќе биде задржан, скокнал низ прозорецот и избегал од полициската станица.

Бидејќи пријавениот сè уште не е пронајден, девојката е сместена во шелтер-центар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СВР Битола го лиши од слобода лицето пријавено за семејно насилство

Денеска полициски службеници од СВР Битола, во координација со бранителот на лицето К.У.(24) и Основното јавно обвинителство Битола, презедоа мерки лицето доброволно да се предаде во СВР Битола.

СВР Битола го лиши од слобода лицето пријавено за семејно насилство

Денеска во 12:00 часот, К.У. доброволно се предал и е лишен од слобода. Со него се врши службен разговор од страна на инспектори од криминалистичката полиција при СВР Битола.

Против него, на 11.11.2026 година, е поднесена кривична пријава поради постоење основи на сомнение за сторени кривични дела „Загрозување при семејно насилство“ по член 144 став 3 и „Телесна повреда при семејно насилство“ по член 130 став 2 од Кривичниот законик.

Се преземаат понатамошни мерки и активности во координација со надлежното Основно јавно обвинителство Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер