Македонските Бугари неизбежен декор во бугарското предизборие

Стануваат ли здруженијата на македонски Бугари адут за изборна победа кај нашиот источен сосед?

По средбата со бугарскиот претседател Радев, претставниците на неколку здруженијата турнејата за поддршка во Софија ја продолжија и кај поранешниот премиер и лидер на ГЕРБ, Бојко Борисов чија партија според анкетите е фаворит за победа. На средбата која Борисов на социјалните мрежи ја пренесуваше во живо, претставниците на здруженијата му се пожалија за односот на македонската држава кон нив, Борисов пак им вети дека нема разговори со Македонија додека бугарското малцинство не биде вметнато во уставот на земјава.

-Ние како решение на партијата, без тоа да биде впишано во вашиот устав бидејќи вие сте македонски граѓани, некои од вас и македонски, но вашата самосвест е таква, нема да има разговори. Категорично. / Тие знаат дека за да ја добијат нашата поддршка во каква и да е форма, дали на власт или во опозиција. Малцинството треба да се вметне во уставот. Точка.- Бојко Борисов – Поранешен премиер и претседател на ГЕРБ.

На средбата на која присуствуваше и поранешната шефица на дипломатијата Екатерина Захариева, беа упатени и критики кон бугарскиот претседател Радев за изолацијата на земјата и справувањето со Ковид кризата. Ваквата реторика дел од бугарските аналитичари велат дека не очекуваат да се промени до изборите бидејќи темата за Македонија носи гласови во Бугарија. Политичкиот аналитичар Владимир Владимиров вели и дека Бугарија со промена на фокусот на спорот од историски кон човекови права прави политички маневар за поддршка од европските партнери.

-Јас лично сметам дека тоа не е случајно и дека е поврзано со изборите во Бугарија. Темата за Македонија, патриотската тема јавно е дел од политичката дебата и тематика пред изборите во Бугарија. / Поранешните барања на Бугарија кон Македонија беа доста неразбрани, не само за самата Македонија туку и за бугарските партнери во НАТО и ЕУ. Во суштина, Бугарија не доби никаква поддршка од ниту една страна од ЕУ и НАТО, така што, да, човековите права се многу по конкретна и јасна тема. - Владимир Владимиров – Бугарски аналитичар.

Барањето за вметнувањето на Бугарите во македонскиот устав е инаку дел од т.н. 5+1 план за деблокада на македонските евроинтеграции кој меѓудругото го опфаќа и делот за немешање во внатрешните работи во Бугарија.

Бајден: Гласот ми е засипнат од настинка, добро сум

Американскиот претседател Џо Бајден денес изјави дека неговиот многу засипнат глас е „последица на настинка“ која ја добил кога стапил во контакт со неговиот внук и додаде дека секој ден се тестира на Ковид-19.

Тој со засипнат глас и со неколку напади на кашлање одржа говор за економијата, што го поттикна новинарот да го праша за неговото здравје.

„Добро сум. Секој ден се тестирам за Ковид. Ова го добив од мојот внук на една и пол година кој сака да му дава бакнежи на дедото. Настинка е само“, додаде тој.

Американскиот претседател минатиот викенд го помина со семејството, кога во Америка се славеше Денот на благодарноста.

Пред две недели тој беше на систематски, лекарот вели дека е во добра здравствена состојба

Здравјето на Џо Бајден, со оглед на тоа што тој е најстариот претседател некогаш избран во САД (79), привлекува посебно внимание.

Пред две недели тој беше подложен на систематски преглед, чии резултати ги објави Белата куќа, а неговиот лекар заклучи дека Бајден е во „добро здравје“.

САД стравуваат од зголемување на случаите со Ковид-19 со доаѓањето на зимата и ширењето на новата варијанта, омикрон.

Заев: Градиме инклузивно општество во кое лицата со попреченост имаат еднаков пристап

Фејсбук објава на премиерот Зоран заев по повод Меѓународниот ден на лицата со попреченост.

Преку сеопфатни политики и мулти-институционален пристап градиме инклузивно општество во кое лицата со попреченост имаат еднаков пристап за напредок и развој.

Оваа година го одбележуваме 3 декември, Меѓународниот ден на лицата со попреченост со позитивни промени, како резултат на спроведувањето на најдобрите светски практики за поддршка и вклучување на лицата со попреченост во нивното секојдневие, во здравството, образованието и социјалната заштита. И не само денес, инклузијата на овие лица во општеството е процес на којшто сме посветени секој ден од годината. Тие се дел од нашето секојдневно живеење, наши пријатели и роднини.

Овие наши сограѓани најмногу од сè бараат еднаквост, самостојно живеење и функционирање во општеството и затоа врвен приоритет на Владата е инклузијата на лицата со попреченост во сите општествени текови. Тоа е особено важно кога станува збор за животот на овие лица во актуелниот миг на пандемијата со КОВИД-19 и за нивната транзиција без стрес во пост-ковид периодот.

Со цел унапредување и создавање квалитетно општество, во кое различностите се почитуваат и вреднуваат, Владата посветено работи на унапредување и олеснување на условите за живот на лицата со попреченост, без разлика на возраста на лицата:

- Ја намаливме границата за лична асистенција. Сега право на личен асистент имаат лицата со попреченост од 6 до 64 годишна возраст. На тој начин овозможуваме лицата со попреченост да ги извршуваат секојдневните активности и да бидат активно вклучени во секојдневието.

- Ја изработивме апликацијата Аудио-читач, која на слепите и на лицата со оштетен вид им овозможува пишаниот текст да го слушнат и разберат во аудио верзија на свој мајчин јазик.

-Отворени се 15 нови инклузивни детски градинки, кои им овозможуваат на децата со попреченост да се вклучат во предучилишното образование.

-За оние кои се грижат за своите најблиски, а кои се лица со попреченост државата ја надополнува втората половина од платата доколку работат со скратено работно време, а за оние над 64 години возраст обезбедуваме еден вид на пензија, со цел да имаат економска сигурност.

Во афирмирањето на автентичниот концепт „Едно општество за сите“, Владата и понатаму останува посветена да предничи и да ги промовира и штити правата на лицата со попреченост во областите како што се: еднаквост и недискриминација, слобода на движење, самостојно живеење, образование, пристап до стоки и услуги, вработување, правна поддршка и пристап до правда, здравство, и правото на политичко учество во сите процеси од стратешка важност за нашата држава, објави Заев на Фејсбук.

Кремљ: Договорен е прелиминарниот датум за видео-конференција Путин-Бајден

Помошникот на рускиот претседател Владимир Путин изјави дека видеоразговорот со американскиот претседател Џозеф Бајден ќе се одржи по патувањето на рускиот лидер во Индија, планирано за следната недела.

Јуриј Ушаков не прецизираше кога точно ќе се одржи видеоповикот меѓу двајцата претседатели, велејќи дека сè уште се работи на последните детали за разговорите.

– Состанокот ќе се одржи за неколку дена. Веќе имаме конкретен датум и време за видеоконференцијата. Но, подобро е да се почека сите подготовки да бидат целосно договорени со американската страна. Тогаш ќе имаме можност да излеземе со официјално соопштение, рече Ушаков.

Тој рече дека двајцата лидери ќе разговараат за напредокот во спроведувањето на договорите кои двајцата ги постигнаа во Женева во јуни, за „незадоволителните" билатерални врски, „Авганистан, Иран, Либија, кризата во Украина и дијалогот за стратешка стабилност".

притисни ентер