Култура

Македонскиот филм „Исцелител“ избран да учествува на „Софија филм фест“

Филмот „Исцелител“ на режисерот Ѓорче Ставрески ќе биде прикажан на најголемиот меѓународен филмски фестивал во Бугарија – „Софија филм фест“. Филмот ќе се натпреваруваво балканската програма во конкуренција со 12 други филма кои ги вклучуваат најуспешните балкански кино остварувања од последната година.

„Исцелител“ ќе има три прикажувања за време на фестивалот, на 13-ти, 15-ти и 22-ри март.

Во балканската програма оваа година се и:добитникот на златна мечка на Берлинскиот филмски фестивал, романскиотфилм „Не допирај ме“, на Адина Пинтилие, добитникот на специјалната награда во Карлови Вари, босанскиот „Мажите не плачат“ на Ален Дрљевиќ, добитникот на награда на Трибека, грчкиот „Синот на Софија“ на Елина Псикоу, добитникот на главната награда на фестивалот во Токио, турскиот филм „Зрно“ на Семих Капланоглу и други.

Ова е 22-ро издание на „Софија филм фест“. Фестивалот е во листата на врвни 50 светски филмски фестивали според престижното списание Варајати, а престставува и еден од најзначајните филмски настани во Европа акредитиран од ФИАПФ. На фестивалот досега присуствувале етаблирани филмски професионалци какоПитер Гринавеј, Јиржи Менцел, Никита Михалков, Мики Каурисмаки и други. Оваа година Вим Вендерс и Милчо Манчевски ќе ги претстават своите најнови филмови, а култниот американски режисер, Абел Ферара ќе добие специјална награда за придонес во филмската уметност.

Главните улоги во филмот „Исцелител“ги толкуваат: Благој Веселинов и Анастас Тановски, а останатите улоги: Аксел Мехмет, Димe Илиев, Александар Микиќ, Мирослав Петковиќ, Симона Димковска и други. Автори на музиката се Бранислав Николов, Пеце Трајковски-Брада и Гоце Јованоски, директор на фотографија е Дејан Димески, монтажер Мартин Иванов, а сценарист, режисер и продуцент е Ѓорче Ставрески. Филмот е во продукција на Фрагмент филм од Скопје.

Свет

Бела куќа: Израел се согласи да ја сослуша загриженоста на САД пред операцијата во Рафа

Израел се согласи да ги сослуша загриженоста и размислувањата на САД пред да започне инвазија врз пограничниот град Рафа во Газа, изјави денеска Џон Кирби портпарол на Белата куќа за национална безбедност.

„Тие не уверија дека нема да одат во Рафа се додека не имаме шанса навистина да ги споделиме нашите перспективи и нашите грижи со нив“, изјави Кирби за Еј-Би-Си.

Американскиот државен секретар Ентони Блинкен треба да го посети регионот следната недела и Кирби рече дека ќе продолжи да притиска за привремен прекин на огнот што Вашингтон сака да трае најмалку шест недели.

„Она што се надеваме е дека по шест недели од привремениот прекин на огнот, можеби ќе постигнеме нешто поиздржливо“, рече Кирби.

„Израелците почнаа да ги исполнуваат обврските што (американскиот) претседател Бајден ги замоли да ги исполнат“, рече тој.

Шоу биз

Фото: Џенифер Лопез во чуден стајлинг на улиците на Њујорк

Светската музичка ѕвезда  Џенифер Лопез го привлекува вниманието на јавноста каде и да се појави. 

Без разлика дали станува збор за концерт, настап или улога во филм популарната Џеј Ло е присутна во медиумите и поради својот совршен моден стил.

Многу жени ги следат нејзините стајлинзи, бидејќи таа стана вистинска стилска икона и инспирација за многу трендсетерки.

Но, понекогаш се случува, како што е сега, дури „жешката Џеј Ло“, заведена од трендот, да направи моден кикс . Да се појави во јавност во стајлинг кој ќе добие повеќе негативни отколку позитивни коментари.

Мегапопуларната пејачка прошета по улиците на Њујорк во особено необична комбинација на фармерки, кои се сè само не убави. Моделот кој се наоѓа на полиците на познатите брендови, овие фармерки се хит меѓу ѕвездите, тие изгледаат искинато, валкано, но сега беа изборот на убавата Џеј Ло.

Фудбал

Чави сака Роберто да остане во Барса

Тренерот на Барселона, Чави Ернандез, изрази желба да го задржи ветеранот Серхи Роберто во тимот, пренесува денеска шпанскиот весник „Мундо Депортиво“.

„Сакам да го продолжи договорот. Сега одлуката е на него. Тој знае што мислам. Може многу да ни помогне. Да се надеваме дека ќе го продолжи договорот“, изјави Чави за 32-годишниот играч од средниот ред, чиј актуелниот договор со Каталонците истекува на крајот од сезоната.

Барселона утревечер ѝ гостува на Валенсија во натпревар од 33. коло на шпанската Ла Лига, а Чави истакна дека целта на каталонскиот клуб е да ја задржи втората позиција на табелата на крајот на сезоната.

„Нашата цел е да завршиме на второто место во лигата и да се пласираме на завршниот турнир во Суперкупот. Сакаме да ја завршиме сезоната со добро чувство и со ентузијазам и сила да се подготвиме за следната“, додаде тренерот на Барселона.

притисни ентер