Македонскиот атлетичар Роберто Димитриевски го освои првото место на „Килкис Треил 2024“

 Роберто Димитриевски од атлетскиот клуб Велес викендот во Кукуш, Грција, стигна прв на целта и го освои златниот медал на „Килкис Треил маратон“ 2024 насловен „По патот на хероите“.

Патеката долга 4.800 метри, Димитриевски ја истрча за 23:24 минути.

Втор на целта стигна уште еден Македонец, Валентин Михајловски од АК „7 Ноември“ од Гевгелија со време 25:31 минути, а трет грчкиот атлетичар Кирјанос Сапедикис со време 28:25 минути.

Во изјавата за МИА, Димитриевски потенцира дека е горд што го освоил првото место во родниот град на Гоце Делчев, а неговата победа воедно на најубав начин преку спортот и дружењето е камче плус во мозаикот на добрососедските односи и пријателство меѓу двата соседни народи. Тој појаснува дека грчките атлетичари со кого цело време се тркал за првото место на крајот му подале рака и му ја честитале победата.

-Трчав на непознат терен со многу угорнини и надолнини и други препреки во карпи со провалии ,а потоа низ шума со некои шумски животни кои беа на патот. Беше многу топло и напорно но успеав уште на почетокот да им избегам на останатите натпреварувачи и стигнав прв на целта. Многу сум среќен и горд што преку спортот се дружиме и на најубав начин ги зајакнуваме врските и пријателствата меѓу двата соседни народи, истакна Димитриевки при примање на пехарот.

Инаку, освен на 4.800 метри, се одржа и трка на 19.000 метри, во која дисциплина немаше пријавено македонски атлетичари.

Димитриевски веќе од денес на патеката во Градскиот парк во Велес започна со подготовки за маратонот на 22 јуни во Грција „По патеките на Свети Апостол Павле“ што ќе се трча од Метхони до Пидна - археолошкото наоѓалиште.

ГТЦ се распаѓа, падна дел од плафонот

Денес падна клима во Градскиот трговски центар и откорна дел од покривот.

Деловниот простор е од страната на паркот „Жена Борец“, кој во моментов е празен. Очевидци велат дека во моментот на паѓање немало минувачи, објави 4 Њуз.

Барселона добива милиони од ФИФА поради повредените играчи

Барселона минатата сезона имаше големи проблеми со повредени играчи, а не запира ниту пред почетокот на новата сезона.

На списокот со повредени каталонски фудбалери има четворица, а она што е интересно е што нивната заедничка вредност според Трансфермаркт се проценува на 310.000.000 евра.

Младиот Гави е повреден подолго време, Френки Де Јонг наскоро би требало да се врати на тренинзите, а Педри и Роналд Араухо се повредија на неодамна одиграното Европско првенство и Копа Америка.

Педри се повреди во победата на Шпанија над Германците, по навистина непромислениот старт на Тони Крос, додека Араухо доживеа пех за време на четвртфиналниот натпревар од Копа Америка против Бразил.

Затоа Барса уште некое време нема да може да смета на нив, но сепак има малку подобра страна на оваа приказна.

Имено, Каталонците ќе добијат вкупно 3.200.000 евра како обештетување од ФИФА за повредениот двоец, односно 2.500.000 за Арауха, а 700.000 за Педри.

Да потсетиме, Барселона во февруари годинава имаше дури 12 повредени играчи.

Јаневска-Гир: Посветено работиме да создадеме европски образовен систем за македонските ученици

Министерката за образование и наука проф. д-р Весна Јаневска денеска оствари работна средба со шефот на Делегацијата на Европската Унија во Скопје, Дејвид Гир .

Министерката за образование и наука проф. д-р Весна Јаневска денеска оствари работна средба со шефот на Делегацијата на Европската Унија во Скопје, Дејвид Гир на која разговараа за јакнењето на соработката и имплементацијата на проектите за унапредување на националниот образовен систем.

Заблагодарувајќи се за континуираната поддршка од Европската унија во реформските процеси, министерката нагласи дека земјата ќе продолжи посветено да работи заедно со ЕУ и во духот на партнерството и заедничките вредности, ќе ги реализира активностите од Реформската агенда 2024-2027 насочени кон исполнување на целите од Планот за раст за земјите од Западен Балкан.

– Активното учество на земјава во реализација на европската агенда преку ИПА фондовите, програмите за мобилност, ни даваат верба дека нашите ученици во скоро време ќе се образуваат преку еден модерен, европски образовен систем. Новиот систем за дигитално следење на постигнувањата на учениците, односно електронскиот дневник кој исто така е изработен со поддршка од ЕУ е само една алка во синџирот на имплементација на современите образовни стандарди, рече Јаневска.

Министерката Јаневска го запозна Амбасадорот Гир со политиките на новата Влада во областа на образованието и науката, посочувајќи дека состојбата е таква што наложува истовремено делување во сите сегменти на ресорот.

Министерство за образование и наука

притисни ентер