Македонски државјанин е убиен со колец во Сончев брег - Канал 5

Балкан

Македонски државјанин е убиен со колец во Сончев брег

Со удари во глава со дрвен кол, пред неколку дена во Сончев Брег е убиен 49-годишен Македонец. 

Македонски државјанин е убиен со колец во Сончев брег

Свирепотото убиство го извршило 14-годишно момче во шумскиот предел на Сончев Брег, по што телото потоа го покрило со даски за да го затскрие. Според обвинителството во Бургас, исчезнувањето било пријавено пред три дена, во вторникот, а убиството најверојатно се случило во саботата. Телото го пронашле вчера случајни минувачи. Истрагата околу мотивите оди во два правца – првиот дека момчето со име Михаил, како што пренесоа бугарските медиуми, му пресудило на Игор Н., откако наводно добило понуда за интимен однос. Вториот потенцијален мотив е грабеж.

-Тие не се познавале. Оствариле контакт на улица. Според информациите со кои располагаме, имале некаков договор за сексуален контакт и заминале на местото каде е извршено злосторството. Жртвата е усмртена со удар од кол во главата. Другиот мотив што го разгледуваме е грабеж на жртвата, зашто недостигале пари. , изјави Калојан Калојанов, директор на полицијата во Бургас.

14-годишниот тинејџер е приведен и за него е наложено 72-часовно задржување. Доколку биде осуден, може да добие 5 години затвор, бидејќи е малолетен. Имал криминално досие, а потекнувал од социјално ранливо семејство. Тој по убиството му одзел околу 900 евра на нашинецот, кој во минатото во Сончев Брег работел кај локален хотелиер.

-Се работи за македонски граѓанин, кој работи за македонски бизнисмен. Колку што знаеме, зимава работел во Банско. Овој пат дошол два дена пред убиството во Сончев Брег, Иван Кирков, окружен обвинител во Бургас

Од македонското МНР добиле потврда од бугарските колеги дека е пронајдено безживотно телот на 49-годишен Македонец. Од таму соопштија дека остануваат во редовна комуникација со надлежните органи во Бугарија до целосно расчистување на случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен.. 

Власта го одби барањето на СДСМ, предлог – законот за јавни набавки да биде повлечен од дневен ред

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова разговараше со претседателот на Литванија- претседавач со ЕУ од јануари 2027

Претседателката Гордана Сиљановска-Давкова, на маргините на Парискиот мировен форум 2026, оствари средба со претседателот на Република Литванија, Гитанас Науседа.

Сиљановска-Давкова разговараше со претседателот на Литванија- претседавач со ЕУ од јануари 2027

Taa го поздрави денешното отворање на нашата прва резидентна Амбасада во Вилнус и изрази очекување за продлабочување на македонско-литванската политичка, економска и институционална соработка.

Соговорниците разменија ставови за процесот на проширување на Европската Унија, состојбата во регионот на Западен Балкан, како и за македонските предизвици во пресрет на литванското претседавање со Советот на ЕУ од јануари 2027 година.

Тие се согласија дека реформите и Копенхашките критериуми се клучните параметри за членство во ЕУ на земјите-кандидатки и дека билатералните прашања не треба да бидат пречка во процесот на проширување.

Претседателката посочи дека соседите може да имаат позитивна улога во европската интеграција на регионот, укажувајќи на примерот на скандинавските земји, кои целосно ги поддржаа балтичките држави пред нивното членство во Европската Унија во 2004 година.

Таа го информираше претседателот за македонските преземени чекори на патот кон ЕУ, како и за прашањата со коишто се соочува земјата, од добивањето на кандидатскиот статус во 2005 до денес.

Сиљановска-Давкова истакна дека продолжуваат македонските напори за конструктивен дијалог со соседна Бугарија, но нагласи дека за тоа е неопходно двете страни да пристапат кон процесот со добра волја, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Пред да прогласувате историски победи, почекајте ги стручните ставови на Венецијанската комисија

Движењето ЗНАМ смета дека е несоодветно создавањето политичка еуфорија и прогласувањето историски победи од страна на претставниците на ВРЕДИ.

ЗНАМ: Пред да прогласувате историски победи, почекајте ги стручните ставови на Венецијанската комисија

Движењето ЗНАМ смета дека е несоодветно создавањето политичка еуфорија и прогласувањето историски победи од страна на претставниците на ВРЕДИ, во момент кога Владата всушност ја усвои информацијата за потребата од прибавување стручно мислење од Венецијанската комисија за прашањето на употребата на албанскиот јазик во правосудството.

Усвојувањето на информација за потребата од стручно мислење не значи дека е донесена конечна одлука, ниту дека е направена каква било промена во законската рамка и начинот на функционирање на правосудниот систем.

Напротив, побараното мислење од Венецијанската комисија треба да даде стручна и правна основа за понатамошно постапување, со почитување на Уставот, законите, правната сигурност и европските стандарди.

Прашањата поврзани со употребата на јазиците, особено во правосудството, се премногу сериозни за да бидат предмет на дневнополитички маркетинг, пред да бидат разгледани сите правни аспекти и да бидат добиени релевантните стручни мислења.

Затоа, наместо предвремено прогласување победи и создавање очекувања кај граѓаните, потребни се одговорност, институционален пристап и почитување на правните процедури.

За ЗНАМ, владеењето на правото, уставноста и еднаквоста пред законите не се предмет на политички пазарења, туку темелни принципи врз кои мора да функционира државата.

Центар за комуникации и аналитика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер