Експлозијата се случила во стара двокатна зграда на улицата Лисикрат, спроти Столбовите на Олимписки Зевс, пренесува „Прототема“.

Противпожарната служба, која интервенирала на лице место, евакуирала две жени од соседната зграда, кои биле пренесени во болница.

Σύμφωνα με τις πρώτες πληροφορίες κατάρρευσε παλιό διώροφο κτίριο στην οδό Λυσικράτους 5. Οι ίδιες πληροφορίες κάνουν για λόγο για έκρηξη που προήλθε από διαρροή φυσικού αερίου. Μεγάλη είναι η κινητοποίηση της Πυροσβεστικής, ισχυρή δύναμη της οποίας έσπευσε στην Πλάκα με τρία οχήματα και 12 πυροσβέστες. Πληροφορίες κάνουν λόγο για έναν τραυματία από θραύσματα, ενώ στο σημείο υπάρχει μικρή εστία φωτιάς. 👉🔗https://t.co/oAgiWB5pMw

— in.gr/news (@in_gr) September 25, 2026

Експлозијата била исклучително силна и се слушнала во голем дел од центарот на Атина, а делови од зградата оштетиле паркирани автомобили, додека ударниот бран оштетил и продавници во околината.

Противпожарната служба соопшти дека експлозијата предизвикала и помал пожар. Според првичните информации, експлозијата била предизвикана од истекување на природен гас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерот за надворешни работи и надворешна трговија, Тимчо Муцунски, во интервју за МИА од Њујорк се осврна на односите со Соединетите Американски Држави, конкретните резултати од стратешкото партнерство, европската интеграција и односите со Бугарија, како и на активностите во рамките на Генералното собрание на Обединетите нации.

Говорејќи за односите со САД, министерот истакна дека од формирањето на новата американска администрација е засилена комуникацијата на сите нивоа. Средбите со државниот секретар Марко Рубио, заменик-државниот секретар Кристофер Ландау и раководството на Стејт департментот, според него, ја потврдуваат динамиката и значењето на стратешкото партнерство.

„Стратешкото партнерство и неговата иднина, поврзана со конкретните проекти што веќе се договорени и оние што се договараат, се суштински значајни за долгорочната политичка и економска безбедност и стабилност на нашата држава“, истакна Муцунски.

Како конкретни примери од соработката, министерот ги посочи рамката во областа на трговијата, соработката со Американската корпорација за меѓународно финансиско развивање – DFC, вклучително и разговорите за повеќе економски проекти, како и резултатите од Стратешкиот дијалог во областа на одбраната, борбата против тероризмот, справувањето со нерегуларната миграција и културата.

Муцунски нагласи дека македонската надворешна политика се темели на три клучни постулати: членството во НАТО, стратешкото партнерство со Соединетите Американски Држави и патот кон полноправно членство во Европската Унија.

Во однос на евроинтеграциите и разговорите со Бугарија, тој истакна дека позицијата на Владата останува јасна – земјата сака да напредува кон Европската Унија и да ги отвори преговорите, но не е подготвена да прифати компромис што нема да обезбеди предвидливост.

„За нас е значајно во сите разговори што понатаму ќе ги имаме со Бугарија да има и вклученост на Европската Унија. Битно е да има минимум уште една страна во процесот што ќе помогне да почнеме да ја градиме довербата која недостига“, нагласи Муцунски.

Тој посочи и дека се очекува комуникација од Европската Унија за идниот пристап кон политиката на проширување, при што информациите во однос на постепената интеграција ги оцени како охрабрувачки, нагласувајќи дека треба да се почека официјалната содржина на документот.

Оценувајќи ги досегашните активности во рамките на Генералното собрание на ОН, Муцунски истакна дека посетата има и билатерална и мултилатерална димензија и носи конкретни политички, економски, трговски и безбедносни резултати. Воедно, Генералното собрание овозможува проширување на дипломатските контакти и со држави надвор од традиционалниот круг партнери во Европа и САД.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Веста за смртта ја потврди Куќата на славните на американската кошарка, која го опиша легендарниот центар како „вистински великан на играта“.

Причината за смртта не беше соопштена. Петит двапати беше прогласуван за најкорисен играч (МВП) во НБА – првпат во сезоната 1955/56, кога наградата се доделуваше за првпат, а потоа и во сезоната 1958/59. Во двете сезони во кои ја освои МВП-наградата, тој исто така беше најдобар стрелец во лигата.

Во текот на сите 11 сезони во НБА, тој учествуваше на Ол-стар натпреварот, а во 1959 година стана првиот играч во историјата на натпреварувањето што стигнал до границата од 20.000 поени.

Својата кариера во професионалната кошарка ја започнал по настапите за Универзитетот во Луизијана (LSU), откако бил избран од тимот „Милвоки Хокс“ на драфтот во 1954 година. Наскоро потоа, тимот се преселил во Сент Луис, а Петит останал негов член до крајот на својата кариера.

Најголемиот успех го постигнал во 1958 година, кога ја освоил НБА-титулата со „Сент Луис Хокс“, победувајќи ги „Бостон Селтикс“. Со „Хокс“ стигнал до големото финале уште двапати, во 1960 и 1961 година.

Од професионалната кошарка се повлече во 1965 година, со импресивни просеци од 26,4 поени и 16,2 скока по натпревар.

Тој беше примен во Куќата на славните во 1971 година. Неговиот дрес со број 50 беше повлечен од употреба на LSU, со што тој стана првиот спортист од тој универзитет кому му беше укажана таква чест.

LSU се прости од својата легенда, истакнувајќи дека Петит „дефинирал што треба да претставува модерниот крилен центар во НБА“ и поставил стандарди што тешко се достигнуваат во професионалната кошарка.

Петит останува запаметен како една од најважните личности во раната историја на НБА и како еден од пионерите на позицијата крилен центар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.