На социјалните мрежи дел од кинеските компании кои работат по принципот на продажба преку пратки за цел свет веќе јавуваат за намален обем на нарачки заради стравот да не се заразат со коронавирусот. Светската здравствена организација неодамна соопшти дека пратките и пакетите од Кина не се потенцијален ризик за пренесување на заразата од корона вирусот бидејќи според сите нивни анализи вирусот не живее долго на површината на предметите како што се пратките на кои и до најблиската дестинација им се потребни најмалку два дена за да пристигнат за кое време многу се мал ризикот вирусот да се прошири. Иако најчест начин на пренесување на болеста е со контакт сепак граѓаните со поделени мислења за нарачките од Кина.

Засега нема намален обем на нарачките преку интернет платформите од Кина велат од Пошти преку кои и стасуваат најголем дел од пратките. За разлика од кај нас, жители на Сплит изјавиле дека пратките првин ги стерилизираат. Минатата недела Хрватската пошта престана да испорачува мали пакувања од Кина, каде што се појави коронавирусот, поради што повеќе од 250.000 нарачани пакети се во мирување додека во Србија се очекува намалено пристигнување на пратки заради големиот број откажани летови за Кина. Засега се знае за четири Македонци кои се во карантин за да се утврди дали се заразиле со корона вирусот. Тројца се на крузеорт „Дајмонд Принцес“, кој веќе четврти ден е претворен во пловечки карантин, крај брегот на Јокохама а од пред 6 дена во двонеделен карантин во Франција е македонската државјанка која беше евакуирана од Вухан. Од мерките за заштита засега на аеродромот се вклучи термалната камера а министерот за здравство Филипче изјави дека сите кинески работници кои треба да се вратат во Македонија договорено е прво таму да поминат 14 дневен карантин пред да тргнат на пат.