Македонија влегува во Вертикалниот гасен коридор - Канал 5

Македонија

Македонија влегува во Вертикалниот гасен коридор

По интезивна активност на Божиновска и МЕРМС, стануваме дел од клучната европска гасна мрежа.

Македонија влегува во Вертикалниот гасен коридор

Нов стратешки исчекор во зајакнувањето на енергетска безбедност и регионална поврзаност. Македонија обезбеди покана за приклучување кон Вертикалниот гасен коридор – една од најзначајните европски иницијативи за диверзификација на снабдувањето со природен гас и зајакнување на енергетската стабилност во Југоисточна, Централна и Источна Европа. Проширувањето на Коридорот кон Западен Балкан е резултат на интензивните дипломатски активности што Министерството за енергетика, рударство и минерални суровини ги реализираше во изминатиот период, предводени од министерката Сања Божиновска.

Во рамките на посетата на Вашингтон, министерката Божиновска оствари средби со високи претставници на американската администрација, при што беше истакната важноста од развојот на регионалната енергетска поврзаност и диверзификацијата на снабдувањето со природен гас. Овие активности продолжија и на Energy Transition Summit во Атина, каде што министерката оствари билатерални средби со министрите за енергетика од регионот, по што беше отворен процесот за вклучување на Македонија во проширувањето на Вертикалниот гасен коридор кон Западен Балкан.

Одлуката беше потврдена на состанокот на операторите на гасните преносни системи, одржан во Атина, на кој беше договорено приклучувањето на НОМАГАС кон оваа регионална рамка за соработка. Покрај земјите кои веќе се дел од иницијативата – Грција, Бугарија, Романија, Молдавија, Украина, Словачка и Унгарија – во процесот на приклучување се и Македонија и Србија.

За Министерството за енергетика, рударство и минерални суровини, ова претставува значаен чекор во реализацијата на стратешката цел – Македонија да стане активен дел од европската енергетска мрежа, со сигурно, диверзифицирано и конкурентно снабдување со природен гас.

Приклучувањето кон Вертикалниот гасен коридор не значи изградба на нов единствен гасовод, туку интеграција во координирана европска мрежа од национални гасоводи, интерконектори и терминали преку кои природниот гас ќе може да се движи по повеќе правци, од југ кон север на Европа.

Оваа иницијатива директно се надоврзува на капиталните инфраструктурни проекти што ги реализира Министерството – изградбата на интерконекторот со Грција, кој треба да биде ставен во функција во текот на 2027 година, како и подготовките за интерконекторот со Србија. Со нив Македонија првпат ќе добие можност за пристап до повеќе извори на природен гас, вклучително и до течниот природен гас (LNG).

,, Со приклучувањето кон Вертикалниот гасен коридор, значително се зголемува и стратешката вредност на овие инфраструктурни инвестиции. Наместо да бидат само национални проекти, интерконекторите со Грција и Србија стануваат дел од поширока европска транспортна мрежа, што ќе овозможи подобро искористување на капацитетите, поголема флексибилност и повисоко ниво на сигурност во снабдувањето, а со тоа земјата станува и важна транзитна точка за снабдување со гас во регионот и Европа“ истакна министерката Божиновска.

Во услови кога Европа забрзано ја трансформира својата енергетска архитектура и ги диверзифицира снабдувачките правци, приклучувањето кон оваа иницијатива претставува навремено позиционирање на Македонија во новата европска енергетска мапа.

Дополнителен показател за значењето на Коридорот е и големиот интерес на енергетските компании за транспортните капацитети. Ова потврдува дека Вертикалниот гасен коридор веќе се препознава како една од клучните идни рути за транспорт на природен гас во регионот.

Формалното приклучување кон иницијативата се очекува во септември во Солун, кога и официјално ќе се потпише декларацијата за пристапување кон рамката за соработка на Вертикалниот гасен коридор.

Со овој чекор, Македонија не само што ја зајакнува сопствената енергетска безбедност, туку се позиционира како важен дел од новата регионална инфраструктура што ќе придонесе за посигурно, поконкурентно и поотпорно снабдување со природен гас за целиот регион.

Министерство за енергетика, рударство и минерални суровини

Тагови: гасен коридор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Белгија ќе воведе вињети

Белгија ќе воведе вињети и за домашни и за странски возила од мај 2027 година, се согласија сите три белгиски региони.

Белгија ќе воведе вињети

Возачите ќе можат да купат дигитална вињета преку интернет или на бензински пумпи, а овој вид пропусница ќе биде поврзана со регистарската табличка.

Годишната такса за користење на белгиските автопати и регионални патишта ќе варира во зависност од видот на возилото. Најниската цена ќе биде за електрични автомобили, 90 евра годишно. Постарите бензински и дизел возила ќе треба да платат до 125 евра годишно.

Вињетите ќе бидат достапни и за пократки периоди, од еден ден до два месеци. Мотоциклите и автобусите ќе бидат меѓу возилата ослободени од шемата, се согласија регионите Фландрија, Валонија и Брисел.

Некои детали од планот сè уште не се утврдени, како на пример како ќе се регистрираат возилата за патарини и дали белгиските возачи ќе добијат даночни олеснувања за тоа. Белгија во моментов не наплаќа за користење на автопати.

Тагови: Белгија вињети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воз опкружен со пожар во Канада, машиновозачот снимен како поминува низ пламен (ВИДЕО)

Жртви на шумски пожари беснеат низ делови од Канада, додека рекордно висока топлотна купола ги гори регионите во близина на границата со САД.

Воз опкружен со пожар во Канада, машиновозачот снимен како поминува низ пламен (ВИДЕО)

Снимките од Армстронг, Онтарио, покажуваат товарен воз во пламен, а небото над Монтреал стана жолто во вторник наутро од чадот што се издига од пожарите стотици километри оддалечени во северен Квебек и северозападен Онтарио, објавува „The Telegraph“.

Видео направено од внатрешноста на кабината на возот го покажува пејзажот зафатен од портокалови пламени, а машиновозачот вели: „Ова може да нè проголта, станува малку страшно, по ѓаволите. Сега сме опкружени со пламен.“

Предупредувања за топлина и квалитет на воздух

Издадени се предупредувања за топлина за повеќе од 100 милиони луѓе. Се предвидува температурите да достигнат 38 степени Целзиусови во Отава и Торонто, а влажноста ги прави условите да изгледаат уште потопли. Канадскиот оддел за животна средина и климатски промени предупреди на влошување на квалитетот на воздухот, што може „да резултира со тоа што Индексот за квалитет на воздухот се приближува кон категоријата со висок ризик.“

Метеоролозите очекуваат топлината да се намали во повеќето области до крајот на неделата, иако топлотната купола - област со висок притисок што го заробува топлиот воздух, истиснувајќи облаци и дожд - би можела да се задржи до крајот на месецот.

Топлинскиот бран се шири кон САД

Билингс, град во јужна Монтана, во вторник забележа 44 степени Целзиусови, додека Солт Лејк Сити, Јута, достигна 43 степени. Националната метеоролошка служба на САД соопшти дека најинтензивната топлина ќе го достигне североистокот во среда и ќе се прошири кон средноатлантскиот регион.

Се очекува градовите од Ричмонд, Вирџинија, до Бостон, Масачусетс, да се приближат до 38 степени Целзиусови, заканувајќи се на дневните рекорди.

Научници: Последица од климатските промени

Научниците велат дека настанот одразува климатски систем кој е изменет од децениите емисии на фосилни горива. Марк Алеси, климатолог во Унијата на загрижени научници, рече дека топлотните куполи се природен дел од климатскиот систем, но тој нагласи дека тие сега се однесуваат поинаку поради потопла атмосфера и океан.

„Нашата атмосфера е многу потопла. Нашите океани се многу потопли. Тие испуштаат многу повеќе топлина во атмосферата, а оваа топлинска купола е пример за тоа како изгледаат климатските промени предизвикани од фосилни горива“, рече тој.

Екстремна топлина и улогата на Ел Нињо

Посебна анализа од групата „World Weather Attribution“ покажа дека екстремната топлина и влажност што го погодија Источниот брег околу празникот Четврти јули би биле „практично невозможни“ без климатските промени предизвикани од човекот.

Метеоролозите го следат и развојот на Ел Нињо, бран на океанска топлина што се јавува два до три пати во една деценија и се очекува да ги наруши временските обрасци во Пацификот. Прогнозерите велат дека временскиот феномен, за кој се очекува да достигне врв помеѓу октомври и декември, би можел да биде најсилниот досега забележан.

Извор: Индекс.хр

Тагови: воз канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сојузот на борците од НОАВМ за преименување на улиците во Тетово

Сојузот на борците од НОАВМ и граѓаните продолжувачи Тетово внимателно ја проследи информацијата објавена од советникот во Советот на Општина Тетово Алби Ќамили за преименување на улиците во градот.

Сојузот на борците од НОАВМ за преименување на улиците во Тетово

Сојузот на борците од НОАВМ и граѓаните продолжувачи Тетово внимателно ја проследи информацијата објавена од советникот во Советот на Општина Тетово Алби Ќамили, во која наведува дека на седница на Работната група за преименување на улиците во градот го потврдиле првиот дел од листата на имиња за улиците. Во отсуство на било какво официјално соопштение од страна на Општината, Градоначалникот или советниците од мнозинството, истава ја разгледуваме како официјална и веродостојна.

Имено, Работната група која работи во целосна нетранспарентност, со отворен бојкот од јавноста се собрала и потврдила список со имиња. Потсетуваме дека работната група се формираше и работи постојано под притисок од Градоначалникот да се ослободи од „имињата од темното минато“, мислејќи на имињата на улиците на македонските херои партизани и јунаците од светската антифашистичка коалиција. За таквиот притисок има бројни изјави пласирани во јавноста лично од Касами, а за тоталниот бојкот од граѓаните потсетуваме на фотографиите од празните сали кога ваквата квази работна група повикуваше на „јавни дискусии“.

Списокот со 74 потврдени имиња во листа за промени на тетовските улици е неприфатлив и некомплетен и во него не се содржи предлогот кое од предложените имиња треба да го замени името на која улица.

Анализата на сите 74 потврдени имиња упатува на јасна тенденција по секоја цена на сила да се албанизираат тетовските улици, па наместо вистински да го рефлектираат мултиетничкиот, мултикултурен развој на градот како урбана средина со своја општествена, културна, спортска и јавна димензија, се потврдуваат и предлагаат луѓе од други држави со албанско етничко потекло кои немаат никаква врска, допирна точка, поврзаност со градот Тетово, со тетовчани, ниту со Македонија.

Имињата на Лек Дукаѓин, Фан Ноли, Ферид Мурад, Марин Барлети, Ѓон Бузуку, Пјетер Богдани, Елена Ѓика, Митруш Кутели, Кадри Роши, Севасти Киријази, Ваче Зела, Авни Мула, Зеф Колумби, Нора Келменди, Пјетер Буди, Тиш Даија, Александар Мојсиу, Беким Фехмиу се во ред да бидат опфатени во некаква албанска енциклопедија, но не е во ред да бидат имиња на тетовски улици.

Покрај ова, албанизацијата во овој список се нагласува со предложувањето на Гани Јахја професор од Албанија испратен во Тетово лично од Ернест Колиќи - министерот за образование во фашистичкото Кралство Албанија, во времето на фашистичката окупација на Тетово, како и Абдилбаки Бајрами професор по математика избркан од тетовската Гимназија во осумдесеттите години од минатиот век поради национализам. Во списокот се и браќата Фрашери, основоположниците на призренската лига и идејата за формирање на голема албанска држава. Предложен е и Абдурахман Паша, кој за времето на османлиското ропство го управувал Тетово, а под негова власт народот бил изложен на репресалии, арачи, исламизација. Предложен е и Али Ефенди Метешеху оџа од Тетово, кој нема општествен карактер, туку религиски и е дел од тенденциозната нова исламизација.

Покрај ова, упатуваме остра реакција и револт што во список со предложени имиња постои видлива непропорционалност, согласно која многу мал дел од имињата се на македонски дејци и дејци од другите етникуми. Покрај ова приговараме и ја осудуваме изјавата на советникот Алби Ќамили дека за улиците каде живеат Македонците ќе предложеле имиња на македонски дејци. Кој е Алби Ќамили, која е оваа работна група или кој е Советот на Општината да одредуваат гета во нашиот град? Тетово е дел од унитарна Македонија и тука правило е дека улиците имаат имиња на македонски дејци, а не исклучок за кој треба некој да Ви каже благодарам.

Во делот на предложени имиња на македонски дејци изразуваме резерва и ја сметаме за недоволна и површна. Сметаме дека Тетово изобилува со заслужни граѓани и вистински национални дејци од различни историски периоди, а во листата не се вклучени многу од нив. Националните дејци од другите градови се достојни за славење и во ред е да добијат улици и во нашиот град, но по секоја цена мора да се штити македонското минато на Тетово и тетовскиот регион. Сметаме дека постои свесна тенденција согласно која се врши обид да се потисне колективната меморија на Македонците во Тетово, како и на другите граѓани од различна етничка припадност.

Јавно БАРАМЕ од Советниите во Советот на Општина Тетово наместо да молчат активно да се вклучат во разобличувањето на непотребните и штетни обиди за албанизација и да го штитат македонското историско и културно наследство во градот.

Упатуваме јавна молба до Советникот и врвен национален историчар Бранислав Светозаревиќ лично да се инволвира во овој процес и да не дозволи историски ревизионизам, ниту политички инженеринг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер