Македонија, Србија и Албанија на листата на ЕУ за „безбедни држави“ од Ковид-19

И Македонија стана безбедна „бела зона“, што значи дека Македонците слободно ќе да можат да патуваат во земјите членки на ЕУ.

Освен нашата земја, европските амбасадори одлучија и Србија и Албанија да бидат ставени на листата на безбедни земји за ковид-19 заедно со САД, а препораката би требало да биде усвоена во петок од кога и официјално ќе стапи на сила.

Иако секоја земја членка сама одлучува каков доказ ќе прифати од туристите, се очекува големо олеснување да биде и т.н. зелен ковид пасош што всушност е телефонска апликација за скенирање на кодови од сертификат за вакцина или ковид тестови. Овој „пасош“ го употребуваат веќе 15 земји членки.

-Секој што е целосно вакциниран, има негативен тест или веќе прележал ковид може да го има овој „ковид пасош“. Сега се вклучени 15 земји, а од 1 јули сите 27 членки на ЕУ мораат да ги употребуваат овие дигитални ковид сертификати, вели Урсула вон дер Лаен - Претседателка на Европска комисија.

Иако кај нас, здравствените власти најавија оти апликацијата за ковид пасош ќе биде готова пред некоја недела, таа се уште не е пуштена во употреба. Оваа апликација не е задолжителна за граѓаните кои се вакцинирале, па граница може да се мине со сертификат во хартиена форма или ПСР тест не постар од 72 часа. Во однос на регионот за претстојната летна сезона, за влез во Грција потребно е да сте примиле втора доза од вакцината најмалку пред две недели, во спротивно ќе ви треба негативен ПСР тест. Албанија и Црна Гора не бараат никакви гаранции за влез во нивните земји.

Легендарната бразилска фудбалерка Марта заминува во пензија

 Најдобриот стрелец во историјата на Бразил во машки и женски фудбал, 38-годишната Марта, одлучи да се пензионира оваа година.

Марта, која од 2017 година настапува за американскиот клуб Орландо Прајд, изрази надеж дека пред повлекувањето од фудбалот ќе може да настапи на претстојната Олимпијадата во Париз.

„Ако одам на Олимпијадата, ќе уживам во секој момент, бидејќи, без разлика дали ќе бидам во Париз ова ми е последна година со репрезентацијата, изјави Марта во интервју за Си-Ен-Ен.

„Од 2025 година Марта повеќе ќе ја нема во репрезентацијата. Многу сум смирена поради тоа бидејќи со голем оптимизам гледам на развојот на спортот што го имаме во однос на младите спортисти“, додаде таа.

Марта, позната како „Кралица Марта“, е најдобар стрелец на сите времиња во Бразил со 116 гола на 175 натпревари. Таа е и најдобар стрелец на женските мундијали со 17 голови. /МИА

Франција и Германија потпишаа договор за заеднички проект за вооружување

Проектот МГЦС се очекува да ги замени германските тенкови Леопард два и француските борбени тенкови Леклерк. 

Францускиот министер за одбрана и неговиот германски, Себастијан Лекорну и Борис Писториус на денешната средба во Париз потпишаа договор за заеднички проект за вооружување во вредност од една милијарда евра, кој вклучува развој на главен борбен тенк од следната генерација.

Министрите потпишаа меморандум за развој на Главен копнен борбен систем (МГЦС), кој има за цел да ги замени сегашните борбени тенкови во Франција и во Германија.

Проектот МГЦС се очекува да ги замени германските тенкови Леопард два и француските борбени тенкови Леклерк. /МИА

ЕУ одвои 68 милиони евра дополнителна хуманитарна помош за Палестинците

ЕУ донесе одлука за одвои дополнителни 68 милиони евра помош за Палестинците со цел справување со тешката хуманитарна криза во Газа и со постојаниот пораст на потребите на цивилите на теренот, соопшти Европската комисија. 

Според еврокомесарот за управување со кризи Јанез Ленарчич, во Газа се случува на вистинска хуманитарна катастрофа која претставува екстремна опасност што може да ги доведе Палестинците во критична состојба.

- Драматичниот биланс на жртви и повредени меѓу цивилите, од кои повеќето се жени и деца, уништувањето на виталните инфраструктури и претстојниот глад во Газа мора да бидат аларм за будење за целата меѓународна заедница, истакна Ленарчич.

Според него, цивилите не треба да бидат тие што ја плаќаат цената на конфликтите.

- Палестинците не можат повеќе да чекаат да пристигне значајна помош, Израел мора да стори повеќе за да се избегне понатамошна човечка катастрофа. Почитувањето на меѓународното право е најважно, заклучи еврокомесарот Ленарчич.

Оваа дополнителна хуманитарна помош ќе се дистрибуира преку партнерски организации на ЕУ кои веќе им помагаат на Палестинците во Газа и во целиот регион. Помошта првенствено е наменета за задоволување на потребите за храна и вода, здравствена заштита, санитарии и објекти за сместување.

Со овие 68 милиони евра вкупната хуманитарна помош што ЕУ ја обезбеди за Палестинците во Газа и во целиот регион во 2024 година достигна 193 милиони евра. /МИА

притисни ентер