Македонија со пораз од Словенија се простија од Евробаскетот 2015 - Канал 5

Кошарка

Македонија со пораз од Словенија се простија од Евробаскетот 2015

Македонската кошаркарска репрезентација по пет одиграни средби во групата Ц , во кој оствари само еден триумф го заврши настапот нас Евробаскетот 2015.

Македонија со пораз од Словенија се простија од Евробаскетот 2015
Попладнево црвено жолтите загубија од Словенија со 62-51 (24-10, 7-14, 21-17, 10-10) се простија од ЕП.

Нашите кошаркари денеска одиграа многу подобро отколку на вчерашниот меч со Грузија, но сепак на крајот немаа сили за добар резултат.
Во редовите на црвено жолтите,кои денеска одиграа одлична одбрана и на кошаркарите на Словенија им дозволија да постигнат само 62 поени ,немаше расположен шутер, потфрли нашето најсилно оружје шутот од далечина.

По вчерашниот убедлив пораз од Грузија , денеска само победа не оставаше во игра за пласман на осминафиналето во Лил, но Словенија уште од самиот старт на средбата ги најави своите победнички амбиции.

Избраниците на Србиновски лошо го отворија мечот и многу брзо Словенија стигна до двоцифрена предност, имавме голем проблем со реализацијата и дури 4 минути бевме без постигнат кош. По десет минути игра Словенија имаше водство од 24-10.

Вториот период го започнавме со многу подобра игра во одбрана советите на Србиновски вродија со плод. Нашиот противник многу потешко отколку во првиот дел стигнуваше до кошот , а започна да функционира и нашиот напад, по што на полувремето заминавме со негатива од 31-24.

Капитенот Владо Илиевски беше нашиот мотор на стартот на третата делница со 8 поени за пет минути , Илиевски го намели водството на Словенија на 40-35 и најави резултатска неизвесност. Но потоа се будат и кошаркарите на Словенија и ја враќаат сигурната предност од десетина поени.
И покрај напорите на македонските кошаркари да стигнат до пресврт , нашиот противник рутински ја заврши работата и стигна до конечен триумф од 62-51, пораз кој им стави крај на нашите надежи за пласман во втората рунда на евросамитот.

Денеска наш најистакнат поединец беше капитенот Владо Илиевски со 15 поени, солиден натпревар одигра и центарот Предраг Самарџиски со 10 поени, прв стрелец на средбата инаку е бекот на Словенија , Зоран Драгиќ со 20 поени.

Нашиот национален тим настапот на Евробаскетот го завршува по крајот на натпреварите по групи, во загреб остваривме скор од една победа и четири порази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Диего Симеоне испиша историја во шпанскиот фудбал

Шпанскиот фудбалски гигант, Атлетико Мадрид го совлада Леванте со 2:0 во 11 коло од Ла Лига и привремено го презеде врвот на табелата, но натпреварот беше одбележан со историско достигнување на предводникот на популарните „јорганџии“ Диего Симеоне.

Диего Симеоне испиша историја во шпанскиот фудбал

Аргентинскиот стручњак ја оствари својата 344-та лигашка победа на клупата на „јорганџиите“, со што се израмни со легендарниот Луис Арагонес на врвот на вечната листа на најуспешни тренери во историјата на шпанското првенство.

Атлетико триумфираше на гостински терен со головите на Алехандро Грималдо во 28-мата минута и Џулијано Симеоне во 62-рата минута.

Податокот дека Симеоне стигнал до 344 победи на само 565 натпревари звучи особено импресивно, додека на Арагонес му биле потребни дури 756 натпревари за истиот учинок.

Тагови: Атлетико Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Затекнати пијани малолетници во угостителски објект во Карпош, еден завршил на токсикологија

Осум лица биле приведени отако полициски службеници кои постапувале по претходно добиени сознанија за точење на алкохол на малолетници во угостителски објект во Карпош каде затекнале малолетни лица во видно алкохолирана состојба .

Затекнати пијани малолетници во угостителски објект во Карпош, еден завршил на токсикологија

-Во полициската станица Карпош при извршеното алкотестирање кај сите осум лица било утврдено присуство на алкохол во организмот. Едно лице кое било присутно во угостителскиот било пренесено на Клиниката за токсикологија при комплексот клиники „Мајка Тереза“ за укажување лекарска помош

По целосно документирање на случајот, ќе следува соодветен поднесок по член 204 од Кривичниот законик – „точење алкохолни пијалаци на малолетници“, информира МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Демонстрации и во Швајцарија-барикади, судири со полиција..

Синоќа, во Цирих и Базел, Швајцарија избија немири за време на неодобрени демонстрации, при што демонстрантите палеле барикади и се судириле со полицијата.

Демонстрации и во Швајцарија-барикади, судири со полиција..

Во Цирих, неколку стотици луѓе се собрале во близина на улицата Лангштрасе и плоштадот Хелветија.

Според градската полиција, демонстрантите почнале да се собираат околу 22:30 часот, а некои од нив носеле маски за Ноќта на вештерките. Учесниците на неодобрениот протест направиле барикади од контејнери за ѓубре, електрични тротинети и други предмети, а потоа ги запалиле.

Според полициското соопштение, група насилни демонстранти ги нападнале полициските службеници со пиротехнички средства, камења и шишиња.

Полицијата одговорила со употреба на водени топови, солзавец и гумени куршуми. Во споредните улици дошло до нови судири со полицијата.

Оштетени биле прозорци и инвентар, вклучително и прозорците на станицата за јавен превоз „Штауфахер“ (Stauffacher), како и излозите во близина на плоштадот „Хелветија“ (Helvetia). На улицата „Цвинглиштрасе“ (Zwinglistrasse) бил запален автомобил.

Нешто по полноќ, група демонстранти нападнала и полициска патрола, која била повикана да интервенира поради повредено лице.

Полициското возило било оштетено, а полицајците морале да застанат на страна пред да успеат да му помогнат на повредениот тинејџер.

Од полицијата изјавија дека интервенциите биле дополнително отежнати од бројни набљудувачи, од кои некои фотографирале пред луѓе што активирале пиротехнички средства или пред запалени барикади. Ситуацијата главно се смири околу 01:30 часот по полноќ. Висината на причинетата материјална штета сè уште не е утврдена.

Тагови: демонстранти Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер