Македонија подготвена за историскиот мундијалски бараж против Италија - Канал 5

Фудбал

Македонија подготвена за историскиот мундијалски бараж против Италија

Најдобрата фудбалска репрезентација на Македонија вечерва испишува нова страница во спортската историја. 

Македонија подготвена за историскиот мундијалски бараж против Италија

Македонскиот национален тим во Палермо вечерва ќе го одигра историскиот прв натпревар во еден бараж за пласман на светски фудбалски шампионат.

Противник на црвено жолтите во историското бараж полуфинале за пласман на Мундијалот во Катар е актуелниот евопски шампион гигантот Италија.

Предводникот на рисовите Боби Милевски која веќе го знае почетниот состав е убеден во квлитетот на своите избраници и пред дуелот на стадионот Ренцо Барбера“во Палермо кој стартува во 20 часот и 45 минути порача дека Македонија може да игра рамноправно против секој ривал дури и против неколкукратниот светски шампион Италија.

-Знам дека Македонија има и квалитет и потенцијал во блиска иднина да бидеме многу поблиску до европскиот крем на начин како што доликува за македонскиот репрезентативен фудбал. Немам дилеми околу составот, и се надевам дека само дека сите ќе бидат подготвени за историскиот предизвик, изјави селекторот на Македонија, Благоја Милевски.

Капитенот на Македонија Стефан Ристовски на последниот прес пред историскиот меч во Палермо горд на соиграчите истакна „ дојде и тој ден да играме бараж за пласман на СП“.

„Горд сум што сум дел од оваа генерација. Горд сум што сум на оваа прес-конференција затоа што Македонија сега пишува историја со првиот бараж за СП. За мене е чест што сум предводник на овој тим кој може да биде уште еднаш запишана со златни букви“ – изјави капитенот на Македонија Стефан Ристовски.

„Црвено-жолтите“ синоќа го почувствуваа теренот на „Ренцо Барбера“ на кој вечерва ќе го одиграат најважниот натпревар во историјата.

Македонските фудбалери секако нема да бидат сами на полниот стадион во Палермо тие како и на сите претходни средби ќе ја имаат подршката од цела Македонија и од најверните фанови на македонската навивачка фаланга.

Македонските навивачи веќе во црвено жолти ја обоија Сицилија и Палермо.

За нашата најдобра селекција ова ќе биде третиот дуел против Италија во историјата на кој посакувам чудо и прослава на првиот триумф во претходните две средби имаме минимален пораз во Скопје и големо реми во Торино.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Им делеле слатки на децата на Ноќта на вештерките- во нив ставале игли и магнети, реагира германската полиција

Деца во германските покраини Тирингија и Рајнска област-Пфалц откриле метални иглички и магнети во своите бомбони собрани на Ноќта на вештерките, но за среќа никој не е повреден, објавија германските медиуми.

Им делеле слатки на децата на Ноќта на вештерките- во нив ставале игли и магнети, реагира германската полиција

Полицијата го истражува случајот како обид за тежок напад, објави германскиот весник „Билд“.

Во Винчигероде, Тирингија, деца откриле метални иглички во своите бомбони додека ги одвиткувале, а полицијата верува дека игличките биле намерно поставени таму за да ги повредат децата.

Сè уште не е јасно кој ги дистрибуирал бомбоните со опасните предмети.

Слична ситуација се случила во Опенхајм, Рајнска област-Пфалц, на Ноќта на вештерките.

Деветгодишно момче подетално ги погледнало своите бомбони и открило два мали магнети, секој со дијаметар од околу два милиметри, на бомбоните.

Неговата мајка била предупредена од објава на Инстаграм и го замолила својот син да ги провери бомбоните пред да ги јаде.

Полицијата сега се обидува да открие кој стои зад овие опасни наоди за Ноќта на вештерките, бидејќи сè уште не е јасно од кои домови потекнуваат бомбоните. Затоа, на родителите им се препорачува почесто да ги проверуваат слатките на своите деца. Слични шокантни откритија се случиле и претходно. Во 2025 година, мајка во Кил пронашла бричеви меѓу бонбоните за Ноќта на вештерките на своите деца, се сеќава Билд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Димитријевиќ меѓу граѓаните во Битола: Граѓаните во неизвесност, без пари - Мицкоски го заштити капиталот на криминалците

Денеска е тежок ден за граѓаните на Битола, овде сме заедно со нив, луѓето имаат мака, огромен проблем по избивање на скандалот со Алта банка. 

Димитријевиќ меѓу граѓаните во Битола: Граѓаните во неизвесност, без пари - Мицкоски го заштити капиталот на криминалците

Загриженост и неизвесност, за своите пари, заштеди и за финансиската сигурност.

Овие луѓе имаат мака затоа што имаме арамиска власт која им го создаде проблемот, Мицкоски и ВМРО-нивната организирана криминална група.

Денеска го нема Мицкоски во Битола, избегал дури во Германија. А го нема ниту Трајко Славески.

Арамиите направија хаос и сега наместо за граѓаните, нормално го штитат криминалниот капитал.

Ние предупредувавме уште пред 11 месеци колку е ова опасно, банката на Вучиќ со криминални пари и криминален капитал да влезе во Македонија.

Денеска, цената ја плаќаат граѓаните, пензионерите, кои се без пари, и тие 10 илјади денари со кои треба да живеат а ниту тие дали ќе можат да ги извадат.

Сметки, струја, греење, храна, лекови.

Пензионерите, еве го втори е, остануваат без пензии. Експозитутрите се затворени, банкоматите се празни, нема картички.

Ниту тие 10 илјади немаат како да ги извадат.

Луѓе без картички не можат да стигнат до своите пари бидејќи експозитурите не работат. Многу банкомати се празни, а на другите се чекаат редови со часови.

Ако се сака да се заштитат штедачите, треба да им се дозволи да си ги подигнат своите заштеди во целост. Но оваа криминална власт им за цел да го заштити капиталот на криминалците, на сметка на гаѓаните чии депозити се заробени.

Мора да има истрага и мора да има одговорност, и од Мицкоски и од Трајко Славески.

Прв чекор кон решавање на овој скандал е Славески да даде оставка, да се отвори истрага.

Бараме ПИОМ да не ги исплаќа пензиите на сметките на пензионерите на Алта банка, за да се заштитат.

Бараме целосно расчистување на случајот и утврдување на одговорност, рече генералниот секретар на СДСМ, Александар Саша Димитријевиќ.

YouTube video

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Премиерот на Белгија поднесува оставка, земјата ја очекува политички земјотрес

Белгискиот премиер Барт де Вевер ќе му ја понуди својата оставка на кралот Филип откако разговорите за буџетот пропаднаа, а владата не успеа да постигне договор за мерките за штедење потребни за усогласување со правилата на Европската унија.

Премиерот на Белгија поднесува оставка, земјата ја очекува политички земјотрес

Според локалните медиуми, повикувајќи се на јавниот радиодифузен сервис VRT, Де Вевер треба да биде примен од кралот денеска, откако неколкучасовните преговори меѓу членовите на владата, кои траеја цела ноќ, завршија без договор.

Белгиската влада е под голем притисок да ги намали јавните трошоци и да заштеди околу 10 милијарди евра со цел да се усогласи со фискалните правила на Европската унија, објавува Euronews.

Буџетскиот дефицит на Белгија минатата година изнесуваше пет проценти од бруто домашниот производ, што е далеку над дозволената граница од три проценти.

Проблемите се дополнително влошени од јавниот долг, кој надмина 735 милијарди евра, или повеќе од 110 проценти од БДП. Според правилата на ЕУ, јавниот долг на земјите-членки не треба да надминува 60 проценти од БДП.

Неуспехот да се постигне договор за буџетот веќе имаше влијание врз финансиските пазари. Каматните стапки на белгиските државни обврзници се зголемија, што значи дека земјата ќе мора да потроши повеќе пари за да го сервисира постоечкиот долг.

Доколку кралот Филип ја прифати оставката на Де Вевер, Белгија би можела да се соочи со нови избори. Сепак, монархот има можност да ја отфрли оставката или да ја разгледа.

Де Вевер под притисок поради блокирање на планот на ЕУ за руските средства

Белгискиот премиер е во центарот на вниманието во Европа во последните месеци поради неговото противење на планот на Европската унија за користење на замрзнатите руски средства, вредни околу 140 милијарди евра, за финансирање на помошта за Украина.

Овој став му го донесе неформалниот прекар „Кочницарот на ЕУ“, бидејќи неговото противење е една од главните пречки за постигнување договор меѓу членките на ЕУ.

Де Вевер претходно предупреди дека користењето на замрзнатите руски средства за обезбедување заем за Украина може да предизвика сериозни превирања на европските финансиски пазари.

Тој, исто така, истакна дека белгиските даночни обврзници би можеле да се соочат со огромни финансиски последици ако имотот еден ден се врати во Русија, а обврската за враќање на заемот остане кај европските држави.

Тагови: Белгија оставка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер