Македонија по 60. пат избира спортист на годината - Канал 5

Други спортови

Македонија по 60. пат избира спортист на годината

Агенцијата за млади и спорт (АМС) и Сојузот на спортски федерации на Македонија и годинава традиционално ги избираат најуспешните во спортот за 2014 година.

- Годинава славиме голем јубилеј, 60 години од првиот Избор на спортист на годината. Почнувајќи од далечната 1954 година кога скијачот Јахија Рефик за првпат беше избран за спортист на Македонија, оттогаш па наваму многу големи спортски имиња на државата се закитија со ова спортско одличје за нивните врвни спортски резултати на меѓународната спортска сцена, изјави на денешната прес-конференција директорот на АМС Марјан Спасески.

Тој ги информира присутните за кои категории ќе се гласа, начинот на изборот на спортистот и кој ќе учествува во гласањето.

- Номинирани спортисти во девет категории за кои што ќе се гласа, како и три категории за најуспешните училишни спортски клубови во делот на основното, средното и високото образование. Номинациите произлегоа пред се од националните спортски федерации, од спортските новинари кои ќе учествуваат во самото гласање заедно со седумчлениот Совет за спорт, рече Спасески.

Во категориите со по пет кандидати ќе се гласа со 1,2,3 4 и 5 поени, додека во категориите со три номинации ќе се доделуваат 1,3 или 5 бода.

Категории и номинирани спортисти, спортски работници и федерации:

СПОРТИСТ НА ГОДИНАТА

ЕМИЛ ПАВЛОВ – Карате 1-во место ЕП (прв златен медал на Европско првенство во историјата на Македонското машко карате во Тампере, дисциплина кумите

ИГОР СТЕФАНОВСКИ – Автомобилизам 1-во место ЕП (Прв европски златен медал во историјата на Македонскиот авто спорт – ридски патеки)

АЉОША НЕДЕВ - Трад. карате 1-во место СП (Прв светски златен медал во историјата на македонското трад. карате во Египет, дисциплина кого – кумите)

ЕВГЕНИЈ ПОП АЦЕВ - Маратон пливање 2-ро место Гран при пливачки маратони (Вицешампион на светската серија во далечинско пливање)

ЗДРАВКО ДЕЈАНОВИЌ - Алпинизам К-2 (прв Македонец кој се искачил на вториот највисок, истовремено најтежок врв за искачување во светот).

СПОРТИСТКА НА ГОДИНАТА

МИРЈЕТА БАЈРАМОВСКА – Ракомет Пласман меѓу 12-те во ЛШ (најдобар стрелец во Лигата на шампионите за Крим, најзаслужна за пласман меѓу 12 најдобри во ЛШ)

ЈАДРАНКА НЕДЕВА ЈАРЧЕВСКА - Трад. карате 1-во место СП (прв златен медал на Светско првенство во Египет во традиционално карате, дисциплина кого – кумите)

ЛИНА ЃОРЧЕСКА - Тенис (освоен турнир во Софија и вкупно 3 финалиња на меѓунадорни турнири)

НАТАША АНДОНОВА - Фудбал 1/2 финале ЛШ (репрезентативка на Македонија, една од најдобрите во Постдам - полуфиналист во женската ЛШ)

ЈУЛИЈА НИКОЛИЌ - Ракомет, 3-то место ЛШ (трето место во ЛШ во Европа и освоени првенство и куп на Македонија со ЖРК Вардар).

МЛАД СПОРТИСТ НА ГОДИНАТА

БЕРАТ ЈАКУПИ - Карате 1-во место ЕП јуниори-кадети (европски шампион на првенството во Лисабон за постари јуниори - 21 година)

ДАВИД БАБУНСКИ - Фудбал (член на млада и на сениорска репрезентација на Македонија и член на Барселона )

ФИЛИП ТАЛЕВСКИ - Ракомет (член на млада и на сениорска репрезентација, четвртфиналист во ЛШ)

АЛЕКСАНДАР СОКОЛОВСКИ - Куглање 3-то место СП (освоен бронзен медал на светско првенство во Брно, во комбинација микс – тандем)

БОБАН ИЛИОСКИ - Кик бокс 3-то место СП јуниор. првенство (бронзен медал на Светско првенство во Римини, дисц. лоу – кик).

МЛАДА СПОРТИСТКА НА ГОДИНАТА

КАТАРИНА МАРИНКОВИЌ - Тенис 13-то место во Тенис Европа до 18 г. (победник на турнир „Дема куп” во Софија)

ПУЛИКСЕНИЈА ЈОВАНОВСКА - Карате 3-то место на ЕП јуниорки (прв Европски медал за македонското карате во Лисабон во кати)

МЕРИ ЈАНЕВА - КУГЛАЊЕ 3-то место СП (освоен бронзен медал на светско првенство во Брно, во комбинација микс - тандем)

АНАСТАСИЈА БОГДАНОВСКИ - Пливање (во Сент Морис во САД собори 5 државни рекорди а на 100 слободно избори норма за СП во Казан 2015 година ... Носител на стипендија од меѓународна категорија од АМС)

ИВАНА ЃОРЃИЕВСКА - Ракомет учество СП младинци (младински шампион на Македонија со Металург, член на спортската академија – категоризирана од АМС).

НАЈУСПЕШЕН МАШКИ НАЦИОНАЛЕН ТИМ

ОДБОЈКАРСКА - Полуфинале во Европска Лига (пласман меѓу најдобрите 4 репрезентации во европската лига)

РАКОМЕТНА - 10 место на ЕП (пласман на 10 место на Европско првенство во Данска, и обезбедено учество на светско првенство во Катар 2015)

КОШАРКАРСКА - Пласман на ЕП (успешни квалификации и обезбеден пласман на ЕП 2015 година).

НАЈУСПЕШНА ЖЕНСКИ НАЦИОНАЛЕН ТИМ

ЖЕНСКИ СЕНИОРСКИ КАТА ТИМ - 1-во место Балканско првенство (златен медал во екипна конкуренција – кати на Балканско првенство во Охрид)

ЖЕНСКА СЕРВА РЕПРЕЗЕНТ.- 3-то место СП (бронзен медал во категорија двојки микс на Светско првенство во Северен Кипар)

ЖЕНСКИ ШАХОВСКИ ТИМ - Учесник на шаховска олимпијада (во Тромсо 5 победи 1 нерешено и 5 порази, на шаховска олимпијада).

НАЈУСПЕШЕН СПОРТИСТ НА ЛИЦЕ СО ИНВАЛИДИТЕТ

ОЛИВЕРА НАКОВСКА - БИКОВА - Стрелаштво 3-то место СП (бронзен медал на светско првенство во Сул во стрелање со пиштол од 10 метри, обезбеден пласман на Параолимписки игри во Рио 2016)

ВАНЧО КАРАНФИЛОВ- Стрелаштво 7-мо место СП (пласман на 7 место на светско првенство во Сул во стрелање со пиштол од 25 метри, обезбедено учество на Параолимписки игри во Рио 2016)

АНДРЕЈ СТОЈАНОВСКИ - Глуви пливање 4-ти места на ЕП (два пласмана на 4 место во Саранск, во трките на 400 мешано и 1.500 слободно).

НАЈУСПЕШЕН СЕЛЕКТОР

ЖАРКО РИСТОВСКИ - Одбојка - (1/2 финале во европска лига и пласман меѓу најдобрите 4 репрезентации)

ПЕЦЕ БЕЛИСТОЈАНОВСКИ - Карате - (прв златен медал на Европско првенство во историјата на Македонското машко карате со Емил Павлов)

БРАНИМИР ЈОВАНОВСКИ - Стрелаштво (бронзен медал на Светско првенство во стрелање со пиштол од 10 метри со Оливера Наковска – Бикова)

ИВИЦА ОБРВАН - Ракомет - (пласман на 10 место на Европско првенство во Данска, и обезбедено учество на светско првенство во Катар 2015)

АЛЕКСАНДАР ЏИКИЌ - Кошарка (успешни квалификации и обезбеден пласман на ЕП 2015 година).

НАЈУСПЕШНА НАЦИОНАЛНА СПОРТСКА ФЕДЕРАЦИЈА

КАРАТЕ ФЕДЕРАЦИЈА НА МАКЕДОНИЈА - (За првпат организација на сениорско Балканско првенство во Македонија и првпат најуспешна земја во регионот - Златен медал на Европско првенство во историјата на Македонското машко карате со Емил Павлов)

РАКОМЕТНА ФЕДЕРАЦИЈА НА МАКЕДОНИЈА - (Организација на Светско младинско првенство за кадетки до 18 години, пласман на 10 место на европско првенство во Данска и обезбедено учество на светско првенство во Катар 2015)

ОДБОЈКАРСКА ФЕДЕРАЦИЈА НА МАКЕДОНИЈА - (Прво учество во квалиф. за Светско првенство, и прво учество во европска лига со пласман меѓу најдобрите 4 репрезентации –органзизација на 38 турнир „Чајка”)

КАЈАКАРСКА ФЕДЕРАЦИЈА НА МАКЕДОНИЈА – (Домаќин на Европско првенство за јуниори и сениори до 23 години во Скопје – организација на 47 „ИКАС” - победник Атанас Николовски)

МАКЕДОНСКА КОШАРКАРСКА ФЕДЕРАЦИЈА – (организација на Европско првенство за кадети до 16 години во Македонија, и обезбедено учество на Европско првенство 2015 година).

Свеченоста на доделувањето на наградите ќе се одржи во сабота на 27 декември во 20 часот и 15 минути во Македонскиот народен театар.

Најдобрите ќе добијат позлатена статуетка – силуета на спортист во движење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Над два милиони жртви?

Русија изгуби околу 450.000 војници во војната против Украина, додека вкупниот број на жртви, убиени, ранети и исчезнати од двете страни надминува два милиони, според нова студија на американскиот тинк-тенк „CSIS“.

Над два милиони жртви?

Според проценките на „CSIS“(Центар за стратешки и меѓународни студии), Русија претрпе околу 1,4 милиони жртви, што е околу еден процент од вкупното население на земјата.

Загубите не се рамномерно распределени, а најпогодени се посиромашните области и етничките малцинства.

Приказните за малите села каде што загинале речиси сите мажи се сè почести во руските опозициски медиуми.

Авторите на извештајот, Сет Г. Џонс и Рајли Мекејб, истакнаа дека руските загуби во Украина се повеќе од четири пати поголеми од вкупните американски жртви во сите војни од Втората светска војна и повеќе од девет пати поголеми од сите советски и руски жртви во војните од 1945 година.

Украина, според истите проценки, претрпе помеѓу 525.000 и 625.000 жртви.

„Овие стапки се зачудувачки“, рекоа авторите на извештајот.

„Руските жртви во Украина се повеќе од четири пати поголеми од сите американски жртви во сите војни заедно од Втората светска војна и повеќе од девет пати повисоки од сите советски и руски жртви во сите војни заедно од Втората светска војна“, забележаа тие.

Ниту Русија ниту Украина не објавуваат официјални бројки за жртвите, но најновите бројки на „“CSIS се во голема мера во согласност со западните проценки.

Џонс и Мекејб рекоа дека во однос на жртвите, војната станува многу поскапа за Русија отколку за Украина, додавајќи дека бројот на жртви веројатно се зголемил за речиси осум спрема еден во првата половина од оваа година, што значи дека за секој убиен, ранет или исчезнат украински војник, има осум руски жртви, објавува „CNN“.

Тие исто така додадоа дека оваа ситуација е последица на напредокот на Киев во неговата програма за беспилотни летала, особено неговата способност значително да ја прошири смртоносната зона - областа околу фронтовските линии што е толку заситена со беспилотни летала што руските трупи е речиси невозможни да влезат.

„Украинската стратегија за длабинска одбрана беше ефикасна во убивањето и ранувањето на руски војници, како и во ограничувањето на руските маневри“, велат тие.

Тие додаваат дека руските загуби се влошуваат и поради лошата тактика, недостатокот на координирани операции, корупцијата и нискиот морал.

Извор: Б92

Тагови: жртви

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Историски скок за „Apple“: „iPhone 18 Pro Max“ има подобра батерија од „Samsung“?

Се појавија информации за „точни“ капацитети на батеријата за „iPhone 18 Pro Max“.

Историски скок за „Apple“: „iPhone 18 Pro Max“ има подобра батерија од „Samsung“?

Од претходните гласини, веќе слушнавме дека „iPhone 18 Pro Max“ ќе има најголема батерија досега видена кај моделите на „iPhone“ што не се на преклопување. Сега, протекоа нови информации што наводно ги откриваат точните бројки.

Секако, сето ова е под услов оваа информација да е точна, што е прилично големо „ако“. Интересно е што „iPhone“-ите никогаш не биле познати по својот голем капацитет на батеријата, но ако ова се оствари, „iPhone 18 Pro Max“ ќе има поголема батерија од онаа во „Samsung Galaxy S26 Ultra“, која е 5.000 mAh.

За споредба, вреди да се напомене дека „iPhone 17 Pro Max“ со слот за физичка „SIM“ картичка има батерија од 4.823 mAh, додека верзијата што поддржува само „eSIM“ има 5.088 mAh. Ова значи дека можеме да очекуваме огромен скок од дури 412 mAh за моделот со физичка „SIM“ картичка или дополнителни 337 mAh за „eSIM“ верзијата на „iPhone 18 Pro Max“ во споредба со неговиот претходник.

Извор: Б92

Тагови: Apple Samsung Батерија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гасниот интерконектор со Грција напредува според планот

Завршувањето се очекува следната година.

Гасниот интерконектор со Грција напредува според планот

Министерството за енергетика, рударство и минерални суровини, заедно со НОМАГАС и грчкиот оператор на гасниот преносен систем ДЕСФА (DESFA), ги усогласија следните чекори за реализација на гасоводниот интерконектор меѓу Македонија и Грција – еден од најзначајните енергетски инфраструктурни проекти за државата и регионот.

На работните средби одржани во Министерството за енергетика, рударство и минерални суровини, на кои присуствуваа министерката Сања Божиновска, извршниот директор на НОМАГАС АД Скопје, Недим Рама, и главната извршна директорка на ДЕСФА, Марија Сферуца, беа разгледани тековните активности за изградба на интерконекторот на двете страни од границата, како и динамиката за реализација на договорните обврски.

Во фокусот на разговорите беше потврдената заедничка определба проектот да се реализира во согласност со утврдените рокови, преку интензивна координација меѓу институциите и операторите, со цел да се обезбеди нов, сигурен и диверзифициран пристап до природен гас за Македонија

На средбите беше потврдена заедничката оценка дека гасоводниот интерконектор ќе биде завршен во текот на наредната година, во согласност со утврдените рокови и планови за реализација.

На средбата меѓу министерката Божиновска и главната извршна директорка на ДЕСФА, посебен акцент беше ставен и на регионалната иницијатива „Вертикален гасен коридор“, која претставува значајна можност за унапредување на енергетската поврзаност, зајакнување на сигурноста во снабдувањето и интеграција на националните пазари во пошироките европски енергетски текови.

„Гасоводниот интерконектор со Грција е стратешки проект кој директно ја зајакнува енергетската безбедност на државата и отвора нови можности за диверзификација на снабдувањето. Нашата цел е Македонија да обезбеди стабилен пристап до различни извори и правци на енергија, а ваквите инфраструктурни поврзувања се клучни за поголема независност, конкурентност и отпорност на енергетскиот систем“, истакна министерката Сања Божиновска.

Извршниот директор на НОМАГАС, Недим Рама, нагласи дека успешната реализација на проектот бара континуирана координација и партнерство меѓу сите вклучени страни, додека главната извршна директорка на ДЕСФА, Марија Сферуца, ја потврди посветеноста на грчкиот оператор за навремена и успешна реализација на интерконекторот.

Гасоводниот интерконектор со Грција претставува клучна инвестиција во енергетската иднина на Македонија. Со неговата реализација, државата ќе обезбеди пристап до нови извори на природен гас, ќе ја зајакне сопствената енергетска сигурност и ќе го унапреди своето позиционирање во регионалната и европската енергетска инфраструктура.

Министерство за енергетика, рударство и минерални суровини

Тагови: интерконектор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер