Македонија на „Google street view “ - Канал 5

Македонија

Македонија на „Google street view “

Природните убавини на земјава, најважните туристички и историски локалитети од денеска може виртуелно да се гледаат на пребарувачот Гугл.

Македонија на „Google street view “
-Ова се овозможува со лансираната Стрит вју галерија која опфаќа 360 панорамски слики. Со овој проект Гугл започна минатата година, а до денеска е снимен поголем дел од територијата на Македонија. Поддршка во насока на обезбедување на сите потребни документациии за овој проект даде министерството за информатичко општество и јавна администрација, вели заменик министерката Марта Арсовска Томовска.

„Веќе се објавени сликите кои се снимаа во Македонија. Од денеска може да се движите виртуелно низ Македонија, особенио низ Скопје, низ Калето, да поминете на Камениот мост, може да се движите во Охрид, да ги посетите убавините на Маврово, Ростуше и многу други важни знаменитости и споменици на културата,“ изјави Марта Арсовска Томовска, заменик министер за информатичко општество.

Македонија на Гугл стрит вју ќе има позитивно влијание врз развојот на туризмот, со оглед на тоа што туризмот, е еден од најброз растечките сектори во земјава.
„ Туризмот е една од најбрзо растечките сектори, ако земеме дека минатата година бројот на странски туристи е зголемен за 16 % во однос на 2013 , сметаме дека треба да им помогнеме на потенцијалните странски туристи да донесат одлука и да ја постетат Македонија, од нивните домови преку овие апликации да ги видат на лице место убавините на Македонија и побрзо да се одлучат да дојдат,“ изјави Марта Арсовска Томовска.

Придобивки од овој проект ќе имаат и граѓаните и локалните бизниси со бесплатно вградување на Гугл мапс директно во нивниот веб-сајт, со што директно се промовираат сместувачки опции или ќе се добиваат информации за рестораните, туристичките места и точки со историско и културно значење. Македонија со гугл стрит вји е меѓу првите земји во регионот

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ерик Трамп објави фотографија од својот татко, луѓето мислат дека е вештачка интелигенција

Објава од Ерик Трамп на Инстаграм, која требаше да прикаже семеен момент од неговиот татко Доналд Трамп со неговите внуци, предизвика бројни реакции поради необичен детаљ.

Ерик Трамп објави фотографија од својот татко, луѓето мислат дека е вештачка интелигенција

Корисниците на социјалните мрежи веруваат дека фотографијата е дигитално изменета, а некои од нив се сомневаат дека е создадена со помош на вештачка интелигенција.

Ерик Трамп објави неколку фотографии од турнирот „LIV Golf“ што се одржа минатиот викенд во Националниот голф клуб Трамп во Бедминстер, Њу Џерси. Тој се појави на турнирот со своите деца, а на една од фотографиите Доналд Трамп е со две внучиња. Оваа конкретна фотографија стана предмет на дискусија на социјалните мрежи.

Вниманието го привлече стапалото видливо во позадина, кое не е јасно кому му припаѓа. Корисниците почнаа да споделуваат зголемени верзии на фотографијата на социјалните мрежи и предупредија на други можни неправилности, како што се чудни контури на мебел и деформации на лицата и телата на луѓето.

Сомнежи за автентичноста на фотографијата

Реакциите беа бројни. „Чија е таа нога?“ беше еден од коментарите на социјалната мрежа „X“, додека профилот „PatriotTakes“ праша: „Кој е избришан од фотографијата?“

Некои корисници веруваат дека станува збор за лошо уредување во Фотошоп. Други пак се сомневаат дека фотографијата е изменета со помош на алатки за вештачка интелигенција. Досега нема официјална потврда дали фотографијата е обработена, ниту пак имало независна проверка дали е креирана со помош на технологијата на вештачка интелигенција.

И уште една фотографија од Трамп под лупа

Во текот на истиот викенд, беше дискутирано и за друга фотографија од Доналд Трамп од голф теренот. Споредувајќи ја таа објава со други фотографии од настанот, некои корисници тврдеа дека изгледот на Трамп е дигитално изменет за да изгледа помлад, потенок и поелегантен.

Ерик Трамп не коментираше за деталите од семејната фотографија. Затоа, останува нејасно дали станува збор за дигитална обработка, употреба на вештачка интелигенција или само необичен агол на снимање.

Извор: Индекс.хр

Тагови: Доналд Трамп фотографија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Етна исфрла пепел и лава, аеродромот во Катанија е затворен

Илјадници туристи денес беа блокирани на Сицилија, бидејќи Етна продолжи да исфрла облаци од пепел по ерупцијата од минатата недела. Многу малку авиони успеаја да полетаат или слетат на најголемиот аеродром на островот во Катанија, јужно од Етна.

Етна исфрла пепел и лава, аеродромот во Катанија е затворен

Воздушниот сообраќај во Катанија е целосно прекинат до утре во 11 часот. Повеќе од 200 летови мораа да бидат пренасочени или откажани. Воздушниот сообраќај е во прекин петти ден во средината на туристичката сезона, а воздухопловните власти донесуваат одлуки за летовите со кратко известување. Аеродромот во Катанија моментално е под највисоко, црвено, ниво на тревога.

Патниците се обидуваат да се префрлат на аеродромот во Палермо. Се проценува дека околу 30.000 луѓе моментално се погодени. Многу туристи мораа да го продолжат својот престој на Сицилија, а сместувањето на островот е целосно резервирано. Некои спијат на аеродромот.

Италијанскиот актер Филипо Лагана објави на Инстаграм дека шатл-автобусот од Катанија до Палермо наплаќа 700 евра за патување од 200 километри. Возовите до Палермо, каде што е полесно да се фатат меѓународни летови, се преполни.

Етна исфрла пепел, камења и лава од петок

Најактивниот вулкан во Европа исфрла големи количини пепел и врели камења од петок. Според италијанскиот Национален институт за геофизика и вулканологија (INGV), густи лавински текови еруптираат од два отвори на надморска височина од 2.360 и 2.750 метри.

Нов отвор се отвори преку ноќ на надморска височина од околу 1.900 метри. Етна, која е висока повеќе од 3.300 метри, е внимателно следена поради нејзините чести ерупции.

Извор: Индекс.хр

Тагови: Етна Катанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН предупредува: 2,4 милиони девојчиња во Авганистан немаат право на образование

Пет години откако Талибанците ја презедоа власта во Авганистан, околу 2,4 милиони девојчиња сè уште немаат пристап до средно образование.

ОН предупредува: 2,4 милиони девојчиња во Авганистан немаат право на образование

Обединетите нации го обновија својот повик за итно враќање на нивното право на образование, а УНЕСКО, агенцијата за образование на ОН, вели дека исклучувањето на жените и девојчињата од образовниот систем е сериозно кршење на нивните фундаментални права, објавува АП.

Хода Џаберијан, координаторка на УНЕСКО за образование во вонредни ситуации, го објасни обемот на проблемот на видеоконференција со новинарите. „Авганистан останува единствената земја во светот каде што на девојчињата и жените официјално им е забрането да посетуваат средно училиште и универзитет. Пет години не се само привремено прекинување на образованието, туку речиси целото средно училиште на едно дете“, рече таа денес.

„УНЕСКО продолжува да повикува на итно и безусловно враќање на правата на девојчињата и жените на средно и високо образование. Ова е непроменливо. Тоа е фундаментално човеково право и, повторуваме, нема замена за него“, нагласи Џаберијан.

Две децении напредок се превртени

Талибанците ја презедоа власта на 15 август 2021 година, за време на повлекувањето на силите на САД и НАТО по дваесет години војна. Тие брзо им забранија на девојчињата да одат во средни училишта, а потоа ги проширија ограничувањата на високото образование, вработувањето и другите сектори, речиси целосно исклучувајќи ги жените од јавниот живот. Тие ја задржаа оваа забрана и покрај апелите од ОН, хуманитарните организации и неколку исламски земји, објаснувајќи дека тоа е внатрешно прашање на државата.

Џабериан потсети дека овие ограничувања го превртеа две деценискиот напредок во образованието. Додека пристапот до образование за девојчињата беше исклучително ограничен во 2001 година, до 2021 година речиси еден милион девојчиња беа запишани во средни училишта. „Авганистан постигна огромен напредок во проширувањето на пристапот до образование за девојчињата. За жал, голем дел од тој напредок сега е целосно избришан“, рече таа.

Учење базирано во заедницата како алтернатива

И покрај ограничувањата, УНЕСКО продолжува да го поддржува образованието во Авганистан преку програми за писменост и развој на вештини што се спроведуваат во рамките на локалните заедници. Часовите често се одржуваат на јавни места или во домовите на наставниците. На терен работат повеќе од 1.000 наставници по писменост, од кои повеќето се обучени од УНЕСКО и неговите партнери.

„Додека се во сила ограничувањата, не смееме да ги напуштаме учениците во Авганистан. УНЕСКО работи со заедниците и нашите локални партнери за да го зачува секој можен пат кон учење“, рече Џабериан.

Извор: Индекс.хр

Тагови: Авганистан образование ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер