Живот

Македонец во Англија одбивал да се вакцинира, неговата петгодишна ќерка останала без татко

Глигор Кедиоски и покрај молбите на сопругата не сакал да се вакцинира. Потоа се заразил со Ковид-19 и поминал околу три недели во болница. Тој починал на 2 јануари на 45-годишна возраст од последиците на инфекцијата со коронавирус.

Кедиоски е роден во Прилеп во Македонија а живеел во Ливерпул со сопругата Билјана и нивната петгодишна ќерка.

Тој во заедницата бил познат како великодушен човек и добар пријател. Бил вработен во фабрика а во текот на пандемијата работел како доставувач.

Пријателите за него велат дека бил полн со живот и секогаш смислувал нови животни авантури, пишува „Liverpool Echo“.

Во болница поминал три недели

Во декември, по заразата со Ковид, примен е во болница. Одбивал да се вакцинира против коронавирус иако неговата сопруга БИлјана повеќе пати го наговарала тоа да го стори.

Во болница поминал околу три недели а починал на 2 јануари.

Неговите пријатели и семејство сега собираат пари за телото на Глигор, според неговите желби, да се однесе во Македонија.

„Додека беше свесен, му носеше македонска храна која ја сакаше“

„Беше прекрасен пријател- еден од оние луѓе кои се тука за вас доколку ви е потребна помош. Беше познат по тоа. Го запознав во Ливерпул, но и двајцата сме од исто место. Беше малку постар од мене. Ми стана навистина многу добар пријател“, вели Роберт Каралиоски, пријател на Глигор Кедиоски.

„Кога беше примен во болница, само Билјана смееше да го посетува. Таму остануваше со часови и по вели денови, особено последната недела. Последните два дена спиела во болницата“, раскажува Каралиоски.

„Кога го ставија во индуцирана кома, сакаше да биде покрај него за да може да зборува и да пушта музика. Додека се уште беше свесен, му носеше македонска храна која ја сакаше. Цело време беше тука за него“, додава тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсена е скопјанка, која запалила тревна површина во центарот на градот

Лишена од слобода скопјанка, предизвикала пожар во централното подрачје на Скопје.

На 06.09.2026 во 13:05 часот во Скопје, на подрачјето на Центар, полициски службеници од СВР Скопје ја лишија од слобода Ш.И.(51) од Скопје, поради постоење основи на сомнение дека со запалива материја предизвикала пожар, при што опожарени биле поголема тревна површина со дрва, а биле зафатени и две бандери.

По целосно документирање на случајот, ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десет артилериски плотуни за Денот на независноста: Армијата со почесна стрелба во касарната „Илинден“

По повод Денот на независноста, денеска во 19 часот, во касарната „Илинден“ во Скопје, артилерискиот баталјон на армијата ќе изврши почесна артилериска стрелба со 10 плотуни од шест артилериски орудија.

Според генералштабот на армијата, во 18 часот ќе биде извршена пробна артилериска стрелба, со еден плотун од шест артилериски орудија. Почесната стрелба е дел од протоколарните активности на армијата по повод одбележувањето на 8 Септември – Денот на независноста..

Тагови: Денот на независноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград.

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

View this post on Instagram

A post shared by Telegraf.rs (@telegraf.rs)

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.