Мајмунски сипаници во Замбија и Гана - Канал 5

Здравје

Мајмунски сипаници во Замбија и Гана

Уште две африкански земји пријавија случаи на мајмунски сипаници во изминатите шест недели, со што вкупно во 16 земји се регистрирани случаи на заболени, соопшти денеска во Женева, Светската здравствена организација (СЗО), јави ДПА.

Мајмунски сипаници во Замбија и Гана

Случаи на заболени се пријавени во Замбија и Гана за прв пат годинава, соопшти СЗО. Сомнителните случаи низ Африка се зголемија за 3,6 отсто на 36.787 до 6 октомври. Најпогодена земја годинава продолжува да биде Демократска Република Конго (6.169 потврдени случаи, 25 смртни случаи), следи Бурунди (987 потврдени случаи, без смртни случаи) и Нигерија (94 потврдени случаи, без смртни случаи)“, наведува СЗО.

Околу 85 отсто од сомнителните случаи се регистрирани во Демократска Република Конго, каде има се регистрирани повеќе од 6.000 заболеи. Медицинските експерти веруваат дека вистинската бројка е поголема.

Тие забележуваат дека само некои од оние со осип на кожата се тестираат и дека многумина не бараат лекарска помош од срам, пред се затоа што болеста на почетокот во голема мера се шири преку сексуален контакт.

Мајмунски сипаници се пренесуваат преку директен контакт со кожата или мукозната мембрана. Многу мали деца сега се заразени. Болеста предизвикува осип по целото тело. Нејзините симптоми вклучуваат треска и болки во зглобовите. Тоа може да биде фатално за малите деца и за луѓето со компромитиран имунолошки систем.

Кампањата за вакцинација беше започната во Демократска Република Конго на почетокот на овој месец, бидејќи стапките на инфекција нагло се зголемија низ Африка. СЗО ја прогласи сегашната епидемија за „итна здравствена состојба со меѓународна загриженост“. /MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер