Шоу биз

Мајли Сајрус објави нова песна на роденденот на поранешниот сопруг, тема е неуспешниот брак

Мајли Сајрус вчера ја објави новата песна Flowers.

Песната е објавена на роденденот на нејзиниот поранешен сопруг, актерот Лијам Хемсворт, а текстот зборува за нивниот неуспешен брак. За еден ден песната има 16 милиони прегледи.

"Бевме добри, бевме златни, таков сон што не може да се продаде. Бевме во право, додека не бевме. Изградивме дом, гледавме како гори", пее Мајли. Тие стихови имаат двојно значење. Имено, нивната куќа во Малибу во која живееле заедно, вредна неколку милиони долари, била уништена во пожар во 2018 година.

„Не сакав да те оставам, не сакав да лажам, почнав да плачам, но потоа се сетив... Можам да си купам цвеќе, да си го напишам името во песокот, да разговарам со себе, да кажам работи кои не ги разбираш. Можам да танцувам, да се држам за раце. Да, можам да се сакам себеси подобро од тебе“, е текстот на песната.

„Без каење, без жалење. Ти простувам за секој збор што го кажа“, вели Мајли во песната. Видеото е снимено на повеќе локации. Мајли шета по улиците на Холивуд во златен фустан со очила за сонце. Дел од видеото е снимено покрај базенот каде Мајли плива во долна облека и во дворот каде таа вежба. Видеото завршува со снимка од Мајли во црн костум пред куќата.

Да потсетиме дека Мајли и Лиам раскинуваа неколку пати во текот на нивната врска. Тие се запознаа во 2008 година на снимањето на „Последната песна“ кога Мајли имаше само 17 години, а Хемсворт имаше 19. Првпат се верија во 2012 година, но раскинаа една година подоцна. Тие се смириле во 2015 година и се венчале во декември 2018 година на мала церемонија во Нешвил. Конечно, тие го завршија својот брак во 2020 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.